Isai34
1Chenchapuüa low, uang tatawn büa diah.Maru kawmuüa low, sünta büa diah,now ang laiklow kowi pe param büa diah.Lusa hai alak kowi kowh uowi mih maru maten pacham sünta lah;lusa kowi kowh bawn hown thawpah mih maru-uüa pacham sünta lah.2Chenchap maten luk kowi lainowmma CHAKRAMANG kunmarau khai bowt;amatni kowh siphaiuüa maten luk kowi aia kunmarau khai bowt.Amatni kowi dow aia mih asaima napiakta bowt kown;amatni kowi dow piakra rut kowi aia mih naapta bowt kown.3Amatni pungmadawng kowi kowh kowng miuüa kowi dow prang kowi nacham kuakta hüah kown.Amatni kowh uak dow lainowmma asu nanam kown,now amatni kowh vi dow hungh ün nasaula kown.4Kuang dawng kowi kowh sat, lama hai krek maten natapiak bowk kown,now mukuang dow tuata hüah mih charam iawng natatua kown.Grep ruih hai uidut singh hownia aram keu kowh prua mih iawng krek maten naprua kown.5Ang kowh saidawng mih mukuang kowi nachurta lup kown,nami kung kowi nami saidawng mih napiakta kownkow ang peta piati khowk mih Edawmuüa luk kowi nauang kla kown.6CHAKRAMANG kowh saidawng dow vi hown lu tui khai;nami dow sau tabawm nak khowk chekhai.Nami vi dow ruapur chah vi hai rua vi iawng chekhai,now asau dow ruapur kia sau iawng chekhai.Tawngplawng kowchow panow CHAKRAMANG mih Edawm pren kowi kowh Bawzra marow kowi nachang phuchua pawi kown chekhai,now Edawm pren kowi maru akawmma kowi nangenah kown chekhai.7Naiawngün maru-uüa hown dow chiarowngla hai chia chah powr nangenla kown,now chiala aiuk aiukma mih paw nangenla kown.Amatni kowh pren dow vi hown nasik bowk kown,now asau hown dinchow mih nataphum bowk kown.8Naiawngün dow nauang phaw bowk kown.Tawngplawng kowchow panow CHAKRAMANG napaw lu klai kown mih ni nauang ting kown chowbowt;aia mih Zaiawn kowi tangila now aia kowh ransu-uüa kowi naripah kown mih khin nauang ting kown chowbowt.9Edawm kowi kowh tui hawr klunglung mih kowi dow rinaing natek bowk kown,now nami pren kowi kowh dinchow dow nachowng napawksi kown.Naiawng rakowi nami pren kowi kowh bawn dow rinaing iawng nalün pluplup kown.10Nami maih dow ni-e hai uar-e nahing lünta hüah kown;nami hownia dow maikhük mih achowngma nahing khüta hüah kown.Nami pren dow chowngchowng saksakma akhaw aklaima nauowi kown;nami pren iawng dow katpaw maru nakowmang kown nadowi bowt.11Nami pren dow süngrüp süngkangma kowi kowh bungku, si, rüm bungku hai uaak hawmh napowngta kown,now nakowi nauowi büah kown.Nami pren dow apiaknama CHAKRAMANG mih natowta hüah kown.12Nami pren kowi dow nakruitown pren kown mih maru nauowi kown nadowi.Nami pren kowi dow aluchowuüa miapaw nauowi kown nadowi.13Nakowi kowh mang kim dow chuh singh hown natamum klum kown,now akhawtma mih kangchawngra kim dow chuh mung hown natamum klum kown.Naiawngün arah kowi dow brenkhui hai ut uakling hawmh kowh uowi rah nachowng kown.14Nakowi dow brenkhui hawmh hown süngrüp süngkangma kowi kowh asadua hawmh nauang taiua uowi kown,now kaurawng rua hawmh mih lowkkowlowk natahaw büah kown.Uar-e kowh krawi mang panglang mih kaurawng uaramchak nakowi nauowi kown;aia dow nakowi mih naka tanaira kown.15Bungku mih nathawp kaw hanow nakowi nadui kown.Nami kung kowi dow aia kowh dui kheu hanow achauüa kowi aia lap krüa kowi arasang natowah kown.Uamu hawmh paw chowlowkkow kowh chumphak hown arasang nakowi nauowi kown.16Enni mih CHAKRAMANG kowh chabowih kowi krawi cham hanow krawi phat büa diah.Nakowi arui uowi mih, “Naiawngün asadua pungmadawng kowi lowkchow paw natama kown nadowi;lowkchow paw nakhawr chumphak kown nadowi.Tawngplawng kowchow panow aia nawr hown CHAKRAMANG mih nami ana peta khowk chekhai,now aia kowh lümla mih amatni kowi arasang nakua nalawmah kown,” pakhai.17Aia mih nakuak pe plang hanow akhai müa leng hown nakhaiah khükhünami pren kowi kowh arah mih asadua hawmh kowi naret pe kown.Nami arah dow chowngchowng saksakma asadua hawmh vüi nachowng kown,now chowngchowng saksak amatni mih nakowi nauowi bowt kown.
The Seed Company