Ис55
1Сусынышо-влак, чыланат вӱд деке толза!Кӧн оксаже уке, теат толза, налза кочкышым да кочса!Толза, налза яра, окса деч посна йошкар арака ден шӧрым!2Молан тыланда оксам пытараш тудлан, мо кинде огыл,шке пашадардам тудлан, мо мӱшкырдам ок теме?Тӱткын колыштса Мыйым да сайым кочса,тек перкан кочкышлан чонда куана.3Пылышдам савырыза, Мый декем толза да колыштса –тунам те илаш тӱҥалыда.Мый тендан дене курымаш ойпидышым ыштем,Давидлан сӧрымӧ, вашталташ лийдыме суапым тыланда пуэм.4Тудым Мый калык-влаклан таныкым ыштенам,он да вуйлатыше лияш шогалтенам.5Ӱжат тый калыкым, кудым пален отыл,тыйым палыдыме калык тый декет куржын толеш –Господь Юметлан, Израильын святой Юмыжлан кӧра,вет Тудо тылат чапым пуэн».6Кычалза Господьым, кунам Тудым эше муаш лиеш,ӱжса Тудым, кунам Тудо эше лишне!7Тек осал еҥ уда корныжым кода,мом шонен пыштымыж деч кораҥеш.Тек тудо Господь дек савырна – Господь тудым чаманен налеш,тек Юмына дек толеш, Тудо – шуко сулыкым кудалтыше.8Мыйын шонымашем – тендан шонымашда огыл,тендан корныда – Мыйын корнем огыл, – ойла Господь. –9Кузе кава мланде деч кӱшнӧ,тугак Мыйын корнем тендан корныда деч,Мыйын шонымашем тендан шонымашда деч кӱшнӧ.10Кузе йӱр ден лум кава гыч йогатда тушко огыт пӧртыл,но, ӱдышылан урлыкашым да кочшылан киндым пуыжо манын,мландым йӱктат, шочыкташ да кушташ йӧрышым ыштат,11тугак Мыйын умшам гыч лекше шомакатМый декем арам ок пӧртыл,но Мыйын шонымем шукта –молан Мый колтенам, тудым ышта».12Те куанен лектыда, тыныс дене наҥгайыме лийыда.Курык ден чоҥгата-влак тендан ончылно мураш тӱҥалыт,пушеҥге-влак тыланда совыштым кырат.13Иман вондо олмеш кушкын шогалеш кипарис,почкалтыш олмеш – мирт.Лиеш тиде Господьын чапшыланкурымашле, пытараш лийдыме палдарыше пале.
Institute for Bible Translation, Finland