Ис54
1«Азам ыштен кертдыме, йочам ыштыдыме, куане!Азам ыштен орланыдыме, йывыртен кычкырал!Вет шкет кодшо ӱдырамашын йочаже шуко,мариян ӱдырамашын деч шукырак, – ойла Господь.2Омашетын шогымо вержым кугемде,илеметын леведме куэмжым кумдаҥде.Ит ӧр, кандыратым кужемде,кошар пашкарет-влакым чоткыдын кырен шынде.3Вет тый пурлашке да шолашке шарлет,йочат-влак шуко калыкын мландыжлан оза лийытда пустаҥше олалаште илаш тӱҥалыт.4Ит лӱд – вожылмашыш от пуро,ит аптыране – намысыште от лий.Самырык годсо намысетым тый мондет,тулык лиймет годсо мыскылалтмым тетла от шарналте.5Вет тыйым Ыштыше – тыйын Пелашет,лӱмжӧ Тудын – Господь Саваоф.Израильын святой Юмыжо – тыйым Сулен налше,пӱтынь мландын Юмыжо – Тудым тыге лӱмдат.6Кудалтыме да ойганыше ватым,самырык годым марлан налме да ойырен колтымо ватыммӧҥгеш ӱжмӧ семын Господь тыйым ӱжеш, –ойла тыйын Юмет.7Кӱчык жаплан Мый тыйым коденам,но, кугун чаманен, мӧҥгеш налам.8Шыде пар годым тый дечет кӱчык жаплан кораҥынам,но курымашле йӧратымашем дене тыйым серлагем, –ойла Господь, тыйым Сулен налше. –9Кузе Мый Ной жапысе ташлем годым”тыгай вӱдташлем мландымбаке тетла ок тол” манын товатленам,туге Мый кызыт тылатат товатлем:тылат тетла ом шыдешке, тыйым ом шылтале.10Кеч курык-влак тарванат, чоҥга-влак чытырнат,но Мыйын йӧратымашем эре пеленет лиеш,тыныс ойпидышем ок пудырго, –тыге ойла тыйым серлагыше Господь.11Ойгыш логалше, тӱтан дене орландарыме, лыпландарымашым палыдыме!Мый тыйым бирюза дене чоҥем,негызетлан сапфирым пыштем.12Пырдыжысе башне вует-влакым ыштем рубин дене,капкат-влакым – йылгыжше кӱ дене,чыла пырдыжетым – шергакан кӱ дене.13Йочат-шамычым Господь туныкташ тӱҥалеш,нуным кугу тыныслык вуча.14Чын ыштымаш тыйым пеҥгыдемда,пызырымаш деч лият умбалне, тый нимо деч от лӱд.Лӱдыкшӧ тый дечет кораҥеш – тудо тый декет ок лишем.15Тыйын ӱмбакет иктаж-кӧ кержалтеш гын,тиде Мый дечем ок лий.Кеч-кӧ ваштарешет шогалже – тудо пыта.16Тиде Мый ыштенам апшатым –йӱлышӧ тулшолым тудо пошада шке пашажлан ӱзгарым тапта.Тиде Мый, пустаҥдаш манын, пытарышым ыштенам.17Тый денет кредалаш ыштыме ик саргуралаттылат эҥгекым ок кондо,тыйым титаклыше кажне умшам луктат титаканыш.Теве могай суап Господьын тарзыже-влакым вуча,нуным Мый Шке чыныш луктам, – тыге Господь ойла.
Institute for Bible Translation, Finland