1 Peter4
1येहिसे, काहेकि मसीह शारीरिक तौर से दुःख उठईलन हे, अपने आप के एगो मसीही के रूप में दुःख उठावे लागी तईयार रहऽ। ऊ दुःख के बारे में विचार कर के जईसे यीशु ऊ दुःख के बारे में विचार करलन हल, अईसन येहिसे करऽ काहेकि जौन लोग शारीरिक तौर से दुःख उठावऽ हथन ऊ अब पाप में शामिल नऽ हथन2जेकरा से ऊ सभे काम के नऽ करतन जौन पापी लोग अपन बचल जिनगी में करे ला चाहऽ हे। एकर बदले, ऊ सभे काम के करे में जिनगी बितावऽ हथन जेकरा परमेश्वर चाहऽ हथन कि ऊ करतन।3हम तोरा से ई येहिसे कहऽ ही काहेकि पहिले ही अपन जिनगी के बड़ी जादे समय ऊ सभे काम के करे में लगा देलऽ हे जौन परमेश्वर के नऽ जाने वाला अन्यजातियन लोग करे ला पसन्द करऽ हथन। ओकरे जईसन, तूँ गलत यौन सम्बन्ध आउर वासनापूर्ण काम करलऽ, नशा में धुत्त हो गेल, गलत समारोह आउर मदिरा पान करे वाला के समारोह में हिस्सा लेलऽ, आउर मूर्तिपूजा करलन, जेकरा परमेश्वर मना करलन हे।4ऊ चीज के बारे में, जौन लोग परमेश्वर के नऽ जानऽ हे, उनका ई बात से अचरज होवऽ हे कि जखनी ऊ ई सभे गलत काम करऽ हथन तऽ, तूँ अब उनका साथे शामिल नऽ होवऽ हऽ। एकर नतीजा में, ऊ तोरा बारे में बुरा बात बोलऽ हे।5एक दिन एखनी के जीवते परमेश्वर के सामने जौन कुछ ओखनी करलन हे ओकरा कबूल करे पड़त। ओही हथन जौन सभे लोगवन के न्याय करतन। 6येही वजह हे कि काहे ऊ लोग ऊ विश्वासियन के जौन ऊ घड़ी मर गेल हल यीशु के सुसमाचार सुनईलन, ताकि जौन विश्वासियन के जेकरा, जबकि लोगवन ओकर जीते जी मानवीय आंकड़ा के मुताबिक परखऽ हलन, ऊ पवित्र आत्मा के माध्यम से अखनी परमेश्वर के न्याय के मुताबिक हमेशा ला जिन्दा रह हथन।7ई धरती पर के सभे चीज जल्दिये खतम हो जायेत। येहिगुने बढ़ियाँ ढंग से प्रार्थना करे लागी समझदारी से आउर पारदर्शिता से विचार करऽ। 8सभे से खास बात ई हे कि एक-दोसरा से सच्चा प्रेम करऽ, काहेकि जदि तूँ दोसरा से प्रेम रखवऽ, तऽ तूँ ओखनी के ऊ बड़ी सा पाप के मांफ कर देवऽ जौन ऊ तोर खिलाफ में करलन हे।9ऊ सभे मसीही भईवन के खाय लागी भोजन आउर सूते लागी जगह व्यवस्था करवावऽ जौन तोरा भीर आवऽ हथन, आउर ई काम खुशी के साथे करऽ।10परमेश्वर तोरा जौन वरदान देलन हे, ओकरा से अपन विश्वासी भाई के सेवा करऽ। ऊ सभे तरह के वरदान अनुग्रह के बढ़ियाँ भण्डारी के समान एक दोसरा के सेवा में रखऽ जौन परमेश्वर तोरा देलन हे।11जौन बोलऽ हथन उनका अईसे बोले के चाही कि जईसे ऊ परमेश्वर के वचन बोल रहलन हे। ऊ जौन दोसरा के सेवा करऽ हे उनका ओकर सेवा ऊ सामर्थ से करे के चाही जौन परमेश्वर उनका देलन हे। अईसहीं करऽ जेकरा से ऊ सभे कुछ करलऽ के द्वारा तूँ परमेश्वर के महिमा करऽ जेकरा करे में यीशु मसीह तोरा लायक बनावऽ हथन। हम प्रार्थना करऽ ही कि हर कोई देखे कि ऊ अनन्तकाल तक केतना महिमामय आउर शक्तिशाली हथन। आमीन!12हे प्रिय विश्वासी भईवन! जिनका से हम प्रेम रखऽ ही, ऊ सभे दुःख भरल बात से अचरज मत होवऽ जेकर तूँ अनुभव कर रहलऽ हे। ऊ बात तोरा परीक्षा ले रहल हे जईसे लोग धातु के आग में डाल के जाँच-पड़ताल करऽ हथन। अईसन मत सोचऽ कि तोरा साथे कुछो अनहोना घटना हो रहल हे।13एकर अलावे, एतना ही आनन्दित रहऽ कि तूँ भी ओही तरह के दुःख उठा रहलऽ हे जौन मसीह उठईलन हल। दुःख उठावे में पर खुश रहऽ आउर साझा करऽ, जेकरा से जखनी मसीह लौट के सभे पर ई परकट करतन कि ऊ केतना गौरवशाली हथन, तऽ तोहूँ बड़ी खुश हो जईवऽ।14जदि दोसरा लोग तोर अपमान येहिसे करऽ हे कि तूँ मसीह पर विश्वास करऽ हऽ, तऽ परमेश्वर तोरा आशीष देलन हे, काहेकि तोर दुःख देखावऽ हे कि परमेश्वर के आत्मा तोर भीतर वास करऽ हे, मतलब कि ऊ आत्मा जौन परकट करऽ हे कि परमेश्वर केतना महिमामय हथन। 15तय करऽ कि तोरा येहिगुने दुःख नऽ होवे काहेकि तूँ कोई के हत्या करलऽ हे, चाहे कुछ चोरईलऽ हे, चाहे कोई दोसरा किसीम के बुराई करलऽ हे, चाहे तूँ कोई दोसरा मसला में रोक-टोक करलऽ हे।16बाकि जदि तूँ येहिसे दुःख उठावऽ हऽ कि तूँ मसीही हऽ, तऽ शर्मिन्दा नऽ होवऽ। एकर बदले, परमेश्वर के स्तुति करऽ कि तूँ "मसीही" कहलावऽ हऽ17हम ई येहिगुने कहऽ ही काहेकि अब समय आ गेल हे कि परमेश्वर लोग के न्याय करे ला शुरु करतन, आउर सभे से पहिले अपन लोग के न्याय करतन। कि सभे से पहिले ऊ हमनी विश्वास लोग के न्याय करतन, तऽ एकर बारे में सोचऽ कि अंतिम में ओखनी लागी केतना भयानक बात होत जौन ऊ शुभ समाचार के पालन नऽ करत जौन उनका दने से आवऽ हे! 18सुलैमान भी पवित्रशास्त्र में लिखलन, जदि धर्मी लोग के मुश्किल से उद्धार मिलत, तऽ अधर्मी आउर पापी लोग के पक्का रूप से केतना जादे दुःख उठावे पड़त! 19येहिसे:, जौन लोग येहिसे दुःख उठावऽ ही काहेकि परमेश्वर चाहऽ हथन कि ऊ दुःख उठावऽ तऽ भला काम करते रहऽ उनका अपन समूचे से प्राण परमेश्वर पर विश्वास करे के चाही। परमेश्वर हथन जौन उनकर रचना करलन, आउर जौन करे के ऊ वादा करऽ हे ओकरा ऊ हमेशा करऽ हे।
Bridge Connectivity Solutions Pvt. Ltd.