ເພງສັນລະເສີນ82
(ບົດເພງສັນລະເສີນຂອງອາສັບ)
1ພຣະເຈົ້າເປັນປະທານໃນການປະຊຸມໃຫຍ່;ພຣະອົງໄດ້ປະກາດຄຳຕັດສິນທ່າມກາງ “ພະທັງຫລາຍ” ວ່າ:2“ພວກເຈົ້າຈະຕັດສິນຢ່າງບໍ່ຍຸຕິທຳແລະ ເຂົ້າຂ້າງຄົນຊົ່ວຮ້າຍໄປອີກດົນປານໃດ?3ຈົ່ງໃຫ້ຄວາມຍຸຕິທຳແກ່ຜູ້ທີ່ອ່ອນແອ ແລະ ລູກກຳພ້າພໍ່;ຈົ່ງປ້ອງກັນສິດທິຂອງຜູ້ທຸກຍາກ ແລະ ຜູ້ທີ່ຖືກກົດຂີ່ຂົ່ມເຫັງ.4ຈົ່ງຊ່ວຍກອບກູ້ເອົາຜູ້ທີ່ອ່ອນແອ ແລະ ຜູ້ທີ່ຂັດສົນປົດປ່ອຍພວກເຂົາໃຫ້ອອກຈາກມືຂອງຄົນຊົ່ວຮ້າຍ.5“ພວກເຂົາບໍ່ຮູ້ບໍ່ເຂົ້າໃຈສິ່ງໃດເລີຍ.ພວກເຂົາຕ່າງເດີນວົນວຽນຢູ່ໃນຄວາມມືດຮາກຖານທັງໝົດຂອງໂລກຈຶ່ງສັ່ນຄອນ.6“ເຮົາໄດ້ເວົ້າວ່າ ‘ພວກເຈົ້າຄືບັນດາ “ພະທັງຫລາຍ”ແລະ ພວກເຈົ້າລ້ວນແຕ່ເປັນລູກຊາຍຂອງອົງຜູ້ສູງສຸດ’.7ແຕ່ພວກເຈົ້າຈະຕາຍຄືກັບມະນຸດທຳມະດາພວກເຈົ້າຈະລົ້ມລົງເໝືອນຜູ້ທີ່ປົກຄອງຄົນອື່ນໆທຸກຄົນ”.8ຂ້າແດ່ພຣະເຈົ້າ ຂໍໂຜດລຸກຂຶ້ນພິພາກສາໂລກເພາະທຸກຊົນຊາດນັ້ນເປັນກຳມະສິດຂອງພຣະອົງ.Biblica, Inc.