ເພງສັນລະເສີນ47
(ເຖິງຫົວໜ້ານັກຮ້ອງ ບົດເພງສັນລະເສີນຂອງລູກຊາຍຂອງໂກຣາ)
1ທຸກຊົນຊາດ ຈົ່ງຕົບມືຂອງຕົນຈົ່ງໂຫ່ຮ້ອງຍິນດີແດ່ພຣະເຈົ້າ.2ເພາະພຣະເຈົ້າຢາເວຜູ້ສູງສຸດນັ້ນໜ້າຢຳເກງເປັນກະສັດຜູ້ຍິ່ງໃຫຍ່ເໜືອແຜ່ນດິນໂລກ!3ພຣະອົງໄດ້ປາບຊົນຊາດທັງຫລາຍໃຫ້ຢູ່ໃຕ້ອຳນາດຂອງພວກເຮົາ,ປາບຄົນທັງຫລາຍໃຫ້ຢູ່ໃຕ້ຕີນຂອງພວກເຮົາ.4ພຣະອົງໄດ້ເລືອກມໍລະດົກຂອງພວກເຮົາໃຫ້ແກ່ພວກເຮົາ,ເຊິ່ງເປັນຄວາມພາກພູມໃຈຂອງຢາໂຄບຜູ້ທີ່ພຣະອົງຮັກ.5ພຣະເຈົ້າໄດ້ຂຶ້ນທ່າມກາງສຽງໂຫ່ຮ້ອງຍິນດີພຣະເຈົ້າຂຶ້ນທ່າມກາງສຽງແກ.6ຈົ່ງຮ້ອງເພງສັນລະເສີນພຣະເຈົ້າ ຈົ່ງຮ້ອງສັນລະເສີນຈົ່ງຮ້ອງເພງສັນລະເສີນກະສັດຂອງພວກເຮົາ ຈົ່ງຮ້ອງສັນລະເສີນ.7ເພາະພຣະເຈົ້າເປັນກະສັດຢູ່ເໜືອແຜ່ນດິນໂລກ;ຈົ່ງຮ້ອງເພງສັນລະເສີນ ສັນລະເສີນພຣະອົງ.8ພຣະເຈົ້າຄອບຄອງຢູ່ເໜືອຊົນຊາດທັງຫລາຍ.ພຣະເຈົ້ານັ່ງຢູ່ເທິງບັນລັງບໍລິສຸດຂອງພຣະອົງ.9ບັນດາເຈົ້ານາຍຂອງຊົນຊາດທັງຫລາຍຮ່ວມຊຸມນຸມກັນເປັນປະຊາຊົນຂອງພຣະເຈົ້າຂອງອັບຣາຮາມເພາະວ່າກະສັດ ທັງຫລາຍຂອງແຜ່ນດິນໂລກກໍເປັນຂອງພຣະເຈົ້າພຣະອົງເປັນທີ່ເທີດທູນສູງສຸດ.Biblica, Inc.