ເພງສັນລະເສີນ126
(ບົດເພງໃຊ້ແຫ່ຂຶ້ນໄປຍັງເຢຣູຊາເລັມ)
1ເມື່ອພຣະເຈົ້າຢາເວນຳບັນດາຊະເລີຍກັບສູ່ຊີໂອນ ພວກເຮົາກໍເໝືອນກັບບັນດາຄົນທີ່ຝັນໄປ. 2ປາກຂອງພວກເຮົາກໍເຕັມດ້ວຍສຽງຫົວຂັວນ,ລີ້ນຂອງພວກເຮົາກໍຮ້ອງບົດເພງແຫ່ງຄວາມຍິນດີ.ແລ້ວປະຊາຊາດທັງຫລາຍກໍເວົ້າກັນວ່າ:“ພຣະເຈົ້າຢາເວໄດ້ເຮັດສິ່ງທີ່ຍິ່ງໃຫຍ່ເພື່ອພວກເຂົາ”.3ພຣະເຈົ້າຢາເວໄດ້ເຮັດສິ່ງທີ່ຍິ່ງໃຫຍ່ເພື່ອພວກເຮົາ,ພວກເຮົາຈຶ່ງເຕັມລົ້ນດ້ວຍຄວາມຍິນດີ.4ຂ້າແດ່ພຣະເຈົ້າຢາເວ ຂໍໃຫ້ພວກຂ້ານ້ອຍໄດ້ກັບສູ່ສະພາບດີ, ເໝືອນກັນກັບສາຍນ້ຳໃນເນເກັບ.5ບັນດາຜູ້ທີ່ຫວ່ານດ້ວຍນ້ຳຕາຈະເກັບກ່ຽວດ້ວຍບົດເພງແຫ່ງຄວາມຍິນດີ.6ບັນດາຜູ້ທີ່ອອກໄປຫວ່ານເມັດພືດດ້ວຍນ້ຳຕາ,ຈະແບກຝ່ອນເຂົ້າກັບມານຳຕົນດ້ວຍບົດເພງແຫ່ງຄວາມຍິນດີ.Biblica, Inc.