ເພງສັນລະເສີນ125
(ບົດເພງໃຊ້ແຫ່ຂຶ້ນໄປຍັງເຢຣູຊາເລັມ)
1ບັນດາຜູ້ທີ່ໄວ້ວາງໃຈໃນພຣະເຈົ້າຢາເວ ກໍເໝືອນດັ່ງພູເຂົາຊີໂອນ,ເຊິ່ງບໍ່ຫວັ່ນໄຫວ ແຕ່ຕັ້ງໝັ້ນຕະຫລອດໄປ.2ເໝືອນດັ່ງພູເຂົາທັງຫລາຍທີ່ຢູ່ອ້ອມເຢຣູຊາເລັມ,ດັ່ງນັ້ນພຣະເຈົ້າຢາເວ ຈຶ່ງອ້ອມຮອບປະຊາຊົນຂອງພຣະອົງໄວ້ທັງບັດນີ້ ແລະ ຕະຫລອດໄປເປັນນິດ.3ໄມ້ຄາທາຂອງຄົນຊົ່ວຮ້າຍຈະບໍ່ຍັງຢູ່ເໜືອແຜ່ນດິນທີ່ເປັນສ່ວນຂອງຄົນຊອບທຳ,ບໍ່ດັ່ງນັ້ນຄົນຊອບທຳອາດຈະໃຊ້ມືຂອງຕົນເຮັດຊົ່ວ.4ຂ້າແດ່ພຣະເຈົ້າຢາເວ, ຂໍໂຜດເຮັດດີຕໍ່ບັນດາຜູ້ທີ່ເຮັດດີ,ຕໍ່ບັນດາຜູ້ທີ່ມີຈິດໃຈທ່ຽງທຳ.5ແຕ່ຜູ້ທີ່ຫັນໄປສູ່ທາງຄົດລ້ຽວພຣະເຈົ້າຢາເວຈະໄລ່ພວກເຂົາໄປພ້ອມກັບຄົນເຮັດຊົ່ວ.ສັນຕິສຸກຈົ່ງມີແກ່ອິດສະຣາເອນ.Biblica, Inc.