ເພງສັນລະເສີນ1
1ຄວາມສຸກເປັນຂອງບຸກຄົນຜູ້ທີ່ບໍ່ເດີນຕາມຮອຍຕີນຂອງຄົນຊົ່ວຮ້າຍຫລື ຢືນຢູ່ໃນທາງຂອງຄົນບາບຫລື ນັ່ງຢູ່ໃນບ່ອນນັ່ງຂອງຄົນມັກເຢາະເຢີ້ຍ,2ແຕ່ພວກເຂົາຍິນດີໃນກົດບັນຍັດຂອງພຣະເຈົ້າຢາເວ,ແລະ ສຳນຶກກົດບັນຍັດຂອງພຣະອົງທັງກາງເວັນ ແລະ ກາງຄືນ.3ພວກເຂົາເປັນເໝືອນຕົ້ນໄມ້ທີ່ປູກໄວ້ແຄມນ້ຳເຊິ່ງອອກຜົນຕາມລະດູແລະ ໃບກໍບໍ່ຫ່ຽວແຫ້ງສິ່ງໃດກໍຕາມທີ່ພວກເຂົາເຮັດກໍຈະເລີນຮຸ່ງເຮືອງ.4ສ່ວນຄົນຊົ່ວຮ້າຍບໍ່ເປັນດັ່ງນັ້ນ!ພວກເຂົາເປັນເໝືອນຂີ້ແກບເຊິ່ງລົມພັດປິວໄປ.5ດັ່ງນັ້ນ ຄົນຊົ່ວຮ້າຍຈະຢືນຢູ່ບໍ່ໄດ້ໃນວັນພິພາກສາ,ແລະ ຄົນບາບກໍຈະບໍ່ຢູ່ໃນບ່ອນຊຸມນຸມຂອງຄົນຊອບທຳ.6ເພາະພຣະເຈົ້າຢາເວໄດ້ເຝົ້າເບິ່ງທາງຂອງຄົນຊອບທຳແຕ່ທາງຂອງຄົນຊົ່ວຮ້າຍຈະຈິບຫາຍໄປ.
Biblica, Inc.