ເອຊາຢາ12
ບົດເພງແຫ່ງການສັນລະເສີນ
1ໃນວັນນັ້ນ ພວກເຈົ້າຈະເວົ້າວ່າ“ຂ້າແດ່ພຣະເຈົ້າຢາເວ, ຂ້ານ້ອຍຈະສັນລະເສີນພຣະອົງ.ເຖິງແມ່ນວ່າພຣະອົງໃຈຮ້າຍຂ້ານ້ອຍ,ຄວາມໃຈຮ້າຍຂອງພຣະອົງກໍໄດ້ປ່ຽນໄປແລະ ພຣະອົງໄດ້ໜູນໃຈຂ້ານ້ອຍ.2ແນ່ນອນ ພຣະເຈົ້າເປັນຄວາມພົ້ນຂອງຂ້ານ້ອຍ;ຂ້ານ້ອຍຈະໄວ້ວາງໃຈ ແລະ ບໍ່ຢ້ານ.ພຣະເຈົ້າຢາເວ, ພຣະເຈົ້າຢາເວເອງ, ຄືກໍາລັງ ແລະ ບົດເພງຂອງຂ້ານ້ອຍ;ພຣະອົງເປັນຄວາມພົ້ນຂອງຂ້ານ້ອຍ”.3ພວກເຈົ້າຈະຕັກນ້ຳຈາກນ້ຳສ້າງແຫ່ງຄວາມພົ້ນດ້ວຍຄວາມຍິນດີ.4ໃນວັນນັ້ນພວກເຈົ້າຈະເວົ້າວ່າ:“ຈົ່ງສັນລະເສີນພຣະເຈົ້າຢາເວ, ຈົ່ງຮ້ອງປະກາດພຣະນາມຂອງພຣະອົງ;ຈົ່ງແຈ້ງຊົນຊາດທັງຫລາຍໃຫ້ຮູ້ເຖິງສິ່ງທີ່ພຣະອົງໄດ້ເຮັດ,ແລະ ປະກາດວ່ານາມຂອງພຣະອົງເປັນທີ່ຍົກຍ້ອງ.5ຈົ່ງຮ້ອງເພງສັນລະເສີນພຣະເຈົ້າຢາເວ, ເພາະພຣະອົງໄດ້ເຮັດສິ່ງທີ່ຍິ່ງໃຫຍ່;ຈົ່ງປະກາດໃຫ້ທົ່ວທັງໂລກຮູ້ເຖິງເລື່ອງນີ້.6ຊາວຊີໂອນ, ຈົ່ງໂຫ່ຮ້ອງ ແລະ ຮ້ອງເພງດ້ວຍຄວາມຊື່ນຊົມຍິນດີ,ເພາະອົງບໍລິສຸດແຫ່ງອິດສະຣາເອນຜູ້ຢູ່ທ່າມກາງພວກເຈົ້ານັ້ນຍິ່ງໃຫຍ່ຫລາຍ”.Biblica, Inc.