لوق11
1یسوعؔ اوس اکہ دوٚہہ أکِس خاص جایہِ دُعا کران۔ ییٚلہِ سُہ دُعا کٔریتھ سپدیوو، تمِس ووٚن شاگردو منٛزٕ اکؠ شٲگردن، "خداوند اسہِ ہیٚچھِ ناو دُعا کتھٕ پٲٹھؠ کٔرن۔ یتھٕ کِنؠ بپتسمہ دِنہِ وٲلؠ یوحناؔہن پنٕنؠ شٲگرد ہیچھنٲوؠ۔"2تٔمؠ ووٚن تِمن، "ییٚلہِ أسؠ دُعا کرو، اوے منٛگِو یتھٕ پٲٹھؠ: ببہٕ، تمام لوٗکن نِشہ روٗزن چانہِ ناوک بجر۔ پرٛیتھ جایہِ ین تمام لوٗکن پؠٹھ ؤلؠ ؤلؠ چٲنؠ بادشٲہی۔3مہربٲنی کٔرِتھ اسہِ دِ پرٮ۪تھ دوٚہہ باپتھ غذا یہِ اسہِ لگہِ۔4مہربٲنی کٔریتھ کرِ تہٕ اسہِ تِم گناہ معاف یِم اسہِ کٔرمٕتؠ چھِ۔ أسؠ کرو تِمن لوٗکن معاف یمو اسہِ سٟتؠ غلط کوٚرمُت چُھ۔ اسہِ بچاو تہٕ گناہ کرنہٕ نِشہ ییٚلہِ اسہِ تِم بہکاون چھِ۔"5پتہٕ ووٚن تٔمؠ تِمن، "مَثلنَ توٚہہِ منٛزٕ زنہٕ گژھِ اکھ نفر کٲنٛسہِ دوستہٕ سنٛدِس گرس منٛز نیصف رٲژ۔ توٚہؠ گژھو نیٚبرؠ کِنؠ کھڑا تہٕ دِہوٗس آلو، "میانہِ دوٗستا، مہربٲنی کٔریتھ دِسا مےٚ ترٛےٚ ژوٚچہِ ووٚزم!6میٚون بیٚاکھ دوس چُھ سفرٕ پؠٹھٕ مےٚ نِش آمُت۔ مگر مےٚ نِش چُھنہٕ کہنؠ غذا یُس بہٕ تسَ دِمہٕ!7مثلن سُہ چُھ گرس انٛدرےٕ جواب دِوان، "مےٚ مہَ کرِ تنگ! مےٚ چُھ دروازٕ کوٚرمُت بنٛد، بیٚیہِ چھِ میانہِ گرکہ سٲری بٲژ شونٛگِتھ۔ یہِ گژھِ میانہِ خٲطرٕ سیٹھاہ مشکل زِ بہٕ وتھٕ تھوٗد تہٕ ژےٚ دِمے کینٛہہ!8بہٕ چُھسو توٚہہِ ووٚنُن، ہرگاہ سُہ یمہِ سببہٕ آسہ نہٕ تھوٗد وُتھن یژھن زِ سُہ چُھ تسُنٛد دوس بہٕ کیازِ دِمہٕ تس غذا۔ پوٚز ہرگاہ سُہ تمِس پتہٕ لگہ، سُہ نفر وتھِ انٛدرٕ یقیٖنن تھۅد تہٕ دِیہ تس پرٛیتھ کانٛہہ چیز یُس تمِس ضرورت چُھ۔9لہٰذا بہٕ چُھسو توٚہہِ ونان: خدایس روزیٚو تِم چیز منٛگان یِم توٚہہِ ضرورت چھِ، سُہ دِیہ توٚہہ تِم چیز۔ تِم چیز روزیٚو خدایس منٛگان، تہٕ توٚہہِ میلہِ تہٕ گژھن حٲصٕل۔ خدایس منٛگو پننہِ خٲطرٕ چیز دستِیاب تھاوُنؠ، سُہ کرِ تِم تُہنٛد باپتھ فراہم۔10توٚہہِ پزِ یہِ کرُن تکیازِ یُس تہِ کانہٛہ اکھا خدایس منٛگان چُھ روٗزان تمِس چُھ تہِ حٲصٕل سپدان۔ خدایس یُس یِم چیز منٛگان روٗزان چُھ تمِس چھِ تِم چیز سُہ دِوان۔ ہرگاہ کانٛہہ اکھ خدایس پننہِ باپتھ چیز ممکن بناونؠ منٛگان چُھ، خدایہِ دِیہ تمِس تِم۔11مثلن تہندیو مٲلو منٛزٕ آسہ اکھ موٗل یمہِ سُنٛد نیٚچو پننِس مٲلس کھٮ۪نہٕ خٲطرٕ گاڈ منگہِ۔ سُہ دِیو نہٕ تسَ ہرگز تمہِ بجایہ اکھ زہریلہٕ سرف!12مثلن تٔمؠ موٚنگ تسَ اکھ ٹھوٗل۔ سُہ دِیہ نہٕ تس تمہِ بجایہ اکھ بِچ!13اگرچہ توٚہؠ بدکار لوٗکھ ٲسِتھ تہِ پننؠن شُرؠن رٕتؠ چیز دِنؠ زانن چُھو۔ لہٰذا یہِ چُھ تمہِ کھۅتہٕ زیادٕ یقین زِ آسمانس پؠٹھٕ دِیہ بب تِمن پاک روح یِم تمِس منٛگن۔"14یسوعؔ اوس اکہ دوٚہہ أکِس بدروحس أکِس نفرٕ منٛزٕ نیٚبر کڈان یِم سُہ نفر کول کوٚرمُت اوس۔ یسوعؔن ییٚلہِ سُہ بدروح نیٚبر کوٗڈ، پتہٕ لاجہِ تٔمؠ نفرن کتھٕ کرنہِ۔ امہِ سٟتؠ گوٚو تتہِ لوٗکن ہُنٛد ہجوم حٲران۔15پوٚز تِمو منٛزٕ ووٚن کینٛژو، "یہِ چُھ بعَلزبُولؔ، بدروحن ہُنٛد سردار، یُس یمِس شخصس بدروح نیٚبر کڈنس منٛز مدد چُھ کران"16تتہِ لٔگؠ کینٛہہ باقےٕ لوٗکھ تِہنٛدس اختیارس پؠٹھ سوال کرنہِ۔ تِمن کوٚر مطالبہ زِ سُہ ہاوِ اکھ معجزٕ یُس ثٲبت کرِ زِ سُہ اوس خداین سوٗزمُت۔17پوٚز تٔمؠ زوٗن زِ تِم کیاہ ٲسؠ سونچان۔ لہٰذا تٔمؠ ووٚن تِمن، "ہرگاہ کُنہِ قومہٕ کؠن لوٗکن منٛز پھاس پیٚیہِ، سۅ قوم گژھِ تباہ۔ ہرگاہ أکِس گرس منٛز روٗزن والیٚن درمیان پھاس پییٚہِ، سُہ گرٕ گژھِ تباہ۔18یِتھۓ پٲٹھؠ، اگر شیطان پانسےٕ خلاف لڑنہِ لوٚگ تہٕ تسنٛدین بدروحن درمیان پھاس پییٚہِ، تس سنٛز حکمرٲنی گژھِ یقیٖنن تِمن پؠٹھ ختم! بہٕ چُھس یہِ ونان تکیازِ توٚہؠ چُھو ونان زِ بہٕ چُھس بدروح بدروحن ہُنٛدس بادشاہ سنٛدِ طاقتہٕ سٟتؠ نیٚبر کڈان!19اگر یہِ پوٚز چُھ زِ بعَلزبُولؔ چُھ مےٚ بدروح نیٚبر کڈنس منٛز مدد کران، یہِ تہِ گژھِ تِلہٕ ضرور پوٚز آسُن زِ سُہ چُھ تہنٛدین شٲگردن تہِ بدروح نیٚبر کڈنس منٛز مدد کران۔ مگر توٚہؠ چُھو نہٕ تہِ مانان پوٚز لہٰذا تُہنٛدؠ پنٕنؠ شٲگرد چھِ ثٲبت کران زِ توٚہؠ چُھو غلط۔20بہٕ چُھس اصلی خدایہِ سٕنٛدِ طاقتہٕ سٟتؠ بدروح نیٚبر کڈان۔ امیٚک مطلب چُھ یہِ زِ خدایہِ سٕنٛز بادشٲہی چھےٚ توٚہہِ پؠٹھ آمٕژ۔"21یسوعؔ گوٚو ونان، "ییٚلہِ اکھ بہودرُ شخص واریاہ ہتِھیار ہٮ۪تھ پننِس صحنس رٲچھ چُھ کران، تِیٚلہِ ہیٚکہ نہٕ اکھ انٛدرٕ چیز ژورِ نیتھ۔22پوٚز ییٚلہِ بیٚیہِ کانٛہہ اکھا تسٕنٛدِ کھوٗتہٕ زیادٕ بہودرُ تمِس پؠٹھ حملہٕ کران چُھ تہٕ تس پؠٹھ غٲلب سپدتھ، تمِس تِم ہتھیار تھپہِ نِوان یِمن پؠٹھ تس بھروسہٕ آسان چُھ۔ پتہٕ ہیٚکہ سُہ تمِس شخصہٕ سٕنٛدِ گرٕ منٛزٕ پرٛیتھ کانٛہہ سُہ چیز ژورِ نیتھ یُس تمِس پسنٛد ییہِ۔23کانٛہہ اکھ یُس نہٕ مےٚ حوصلہٕ افزائی کران چُھ سُہ چُھ میٲنؠ مخٲلفت کران۔ کانٛہہ اکھ یُس نہٕ لوٗکھ مےٚ نِش انان چُھ سُہ چُھ تِمن مےٚ نِش دوٗر کران۔"24پتہٕ ووٚن یسوعؔن، "ییٚلہِ اکھ بدروح کٲنسہِ أکِس نفرس منٛزٕ نیران چُھ پتہٕ چُھ سُہ وجارٕ علاقن منٛز آوارٕ گژھتھ بیٚیہِ کٲنسہِ نفرس تلاش کران یمِس منٛز سُہ روزِ۔ ہرگاہ تمِس پیوٚ نہٕ تتہِ بُتھِ کانٛہہ نفر، سُہ وننہِ، بہٕ گژھٕ تمِس نفرس نِش واپس یمِس منٛز بہٕ روٗزان اوسُس!25لہٰذا سُہ چُھ واپس گژھن تہٕ وچھان چُھ زِ سُہ نفر چُھ أکِس گرس ہیوٚ یُس کٔمؠ تام اصل پٲٹھؠ شیرٛتھ سمبٲلتھ تھوٚومُت چُھ، مگر تتھ منٛز چُھنہٕ کانٛہہ اکھ تہِ روٗزان۔26اوٕ پتہٕ چھُ یہِ بدروح ژھانٛڈ دِتھ مذید ستن بدروحن انان یِم تسٕنٛدِ کھوٗتہٕ زیادٕ بدتر آسان چھِ۔ تِم سٲری چھِ تمِس نفرس منٛز دٲخٕل سپدن تہٕ تمِس منٛز روٗزتھ زندگی بسر کرٕنؠ شروع کران۔ تمِس نفرٕ سنٛز حٲلت ٲس برٛونٹھے خراب، وُنؠ گییہِ تمہِ کھوٗتہٕ زیادٕ خراب۔"27ییٚلہِ یسوعؔن تہِ ووٚن، لوٗکن ہُنٛدس ہجومس منٛز ٲس اکھ زنان تہِ بوزان، تمہِ دِژ زورٕ کرٛکھ، "خدایہِ چُھ تمِس زنانہِ خوش یمِس ژؠ زٲمُت چُھکھ بیٚیہِ یمہِ ژٕ روٚچھمُت چُھکھ"28پتہٕ ووٚن تٔمؠ، "خدایہِ چُھ تِمن زیادٕ پہن خوش یِم تسنٛد کلام بوزان چھِ بیٚیہِ اتھ پؠٹھ عمل کران چھِ"29یسوعؔ ہس انٛدؠ انٛدؠ لوٗکن ہُنٛدس ہجومس سٟتؠ شٲمل سپدنہٕ خٲطرٕ ٲسؠ زیادٕ کھۅتہٕ زیادٕ لوٗکھ یوان۔ تٔمؠ ووٚن، "یمہِ زمانٕکؠ لوٗکھ چھِ خراب۔ تِم چھِ یژھان زِ بہٕ ہاوٕ تِمن اکھ معجزٕ یمہِ سٟتؠ ثٲبت سپدِ زِ بہٕ چُھس خداین سوٗزمُت۔ پوٚز یونؔاہ سٕنٛدِ معجزٕ ورٲے ییہِ نہٕ تِمن بیٚیہِ کانٛہہ معجزٕ ہاونہٕ۔30خداین کوٚر واریاہ برونٛٹھ اکھ معجزٕ یونؔاہ سٕنٛدِ باپتھ ییٚلہِ یونس اوس أکِس بجہِ گاڈِ ہنٛدِس شکمس منٛز۔ یُس نینوہؔ کؠن لوٗکن ہاؤن اوس زِ سُہ اوس تٔمؠ سوٗزمُت۔ یتھے پٲٹھؠ، کرِ وُنؠ خدایہِ اکھ معجزٕ میانہِ، آدمؔ سٕنٛدِ اولادٕ خٲطرٕ، ازِکؠن لوٗکن ہاؤن زِ بہٕ چُھس تٔمؠ سوٗزمُت۔31 ملکٲنہِ صباہنؔ کوٚر واریاہ کال برونٛٹھ سلیمانؔ سنٛزٕ دانٲییٔ ہنٛزٕ کتھٕ بوزنہٕ خٲطرٕ اکھ سؠٹھاہ زیوٹھ سفر۔ وۅنؠ چُھ سلیماؔنہِ کھۅتہٕ بوڈ اکھ شخص توٚہہِ نِشہ موجود۔ پوٚز توٚہہِ چُھو نہٕ تہِ اصل پٲٹھؠ بوزان یہِ بہٕ ونان چُھسو۔ لہٰذا، یمہِ وِزِ خدا توٚہہِ لوٗکن حساب لاگہِ، سۅ سپدِ کھڑا تہٕ کرِ تِمن لوٗکن ملامت یِم ونہِ کؠن زندٕ چھِ۔32ییٚلہِ یوحناہؔن قدیٖم نینوہؔ شہرکؠن لوٗکن تبلیغ کوٚر تِم پھیرِ گناہ کرنہٕ نِشہ پتھ۔ وُنؠ چُھس بہٕ یونؔاہ سٕنٛدِ کھوٗتہٕ تھوٗد، توٚہہِ تبلیغ کرنہِ آمُت۔ پوٚز توٚہؠ چُھو نہٕ گناہ کرنس پتھ روٗزان۔ قیامتٕکہ دوٚہہ ییٚلہِ خدایہِ فٲصلہٕ کرِ، نینواہسؔ منٛز تِم روٗزن وٲلؠ لوٗکھ وتھن تھوٗد تہٕ أزؠ کیٚن زمانس منٛز روٗزن والیٚن لوٗکن کرن ملامت۔33یِم لوٗکھ اکھ ژونگ زٲلن چھِ تِم چھِنہٕ تتھ ژوٗرِ تھاوان یا تتھ أکِس ٹوکرِ تل تھاوان۔ تِم چھِ تتھ تمہِ بجایہ، أکِس زوٗرِ پؠٹھ تھاوان یتُھ زن کمرس منٛز اژن والیٚن بوٗزنہٕ ییہِ۔34چانہِ بدنُک ژونگ چھِ چٲنؠ أچھ۔ ہرگاہ چٲنؠ أچھ چھِ اصل پٲٹھؠ کٲم کران، تیلہِ آسہ چٲنس بدنس اصل پٲٹھؠ گاش۔ ہرگاہ چٲنؠ أچھ آسہ نہٕ اصل پٲٹھؠ کٲم کران، تیلہِ روزٕ چون سورےٕ بدن گاشہٕ ورٲے۔35تٔمہِ کِنؠ روزیٚو محتاط زِ یُس گاش توٚہہِ منٛز چُھ سُہ چُھنہٕ انہِ گوٚٹ بَنان بلکہِ دِیو توٚہہ انٛدر کنُ ہرگاہ۔ حالانکہ یہِ چھِنہٕ ژکہِ اصل پٲٹھؠ کٲمے کران تہٕ انٛدر کنُ چُھنہٕ گاشی واتان۔36ادٕ ہرگاہ چٲنس بدنکِس انٛگس انٛگس چُھ گاش واتان، لہٰذا تمیٚک کانٛہہ تہِ انٛگ چُھنہٕ انہِ گٹس منٛز، پتہٕ آسہ چٲنس بدنس منٛز گاشی گاش۔ پریٚزلوُن گاش چمکٲیہِ چٲنس سٲرسےٕ انٛدرمِس بدنس، یتھٕ پٲٹھؠ زن اکھ پریٚزلوُن ژونگ نیٚبرٕ سٲرسےٕ گاشراوان چُھ۔"37یمہٕ کتھٕ وننہٕ پتہٕ دِژ اکؠ فریسین یسوعؔ ہس اکھ سال کھؠنہٕ خٲطرٕ دعوت۔ لہٰذا یسوعؔ گوٚو تمِس فریسی سُنٛد گرٕ تہٕ بیوٗٹھ میزس پؠٹھ کھؠنہِ۔38سُہ فریسی سُپد حٲران ییٚلہِ تٔمؠ وُچھ زِ یسوعؔن چٔھلؠ نہٕ یہُودؠ شریعت مطٲبق کھؠنہٕ برونٛٹھ پننؠن اتھٕ۔39یسوعؔن ووٚن تمِس، "توٚہؠ فریسی چُھو کھؠنہٕ برونٛہہ پیالہٕ تہٕ تھالہِ نیٚبرؠ کِنؠ چھلان، پوٚز تِہنٛد انٛدرون چُھ سیٹھاہ لالچی تہٕ بدکار۔40توٚہؠ چُھو بےوقوف لوٗکھ! توٚہؠ چُھو یقیٖنن زانان زِ خداین بنوو نہٕ نیٚبری یوٚت، بلکہ تٔمؠ بنوو انٛدرؠ تہِ!41رسمی طور تھالہِ صاف کرنس متعلق فِکر کرنہٕ بجایہ، بنو رحم دل تہٕ دِیو ضرورت منٛد لوٗکن تہِ یہِ تھالؠن منٛز آسن چُھ۔ ادٕ آسہ تُہنٛد دوٗشوے ظٲہر تہِ بٲطن خدایس منظور۔42 پوٚز یہِ کوتاہ خطرناک آسہ توٚہہِ فریسین ہنٛدِ خٲطرٕ! توٚہؠ چُھو ہوشیاری سان پننہِ تمام جاییٔدادک اکھ دٔہِم حصہٕ خدایس دِوان، یتھ منٛزٕ ہتاکہ سۅ سبزی تہِ چھِ شٲمل آسان یوسہٕ توٚہؠ پننؠن وارین منٛز وۅپداوان چُھو۔ مگر تمہِ پتہٕ چُھونہٕ توٚہؠ باقین سٟتؠ خدایہِ سُنٛد لول باگراوان یا رٕژر ورتاوان۔ خدایس تہِ دِنہٕ پتہٕ پزِ توٚہہ پانس سام ہنؠ زِ أسؠ کرو نہٕ تہِ۔43یہِ کوتاہ خطرناک آسہ تہنٛدِ خٲطرٕ فریسیو، تکیازِ توٚہؠ چُھو ہیکلن منٛز سیٹھاہ اہم جاین پؠٹھ بِہُن پسنٛد کران، بیٚیہِ چُھو یہِ پسنٛد کران زِ لوٗکھ کرن توٚہہِ بازرن منٛز خاص عزتہٕ سان سلام۔44یہِ کوتاہ خطرناک آسہ تہنٛدِ خٲطرٕ فریسیو، تکیازِ توٚہؠ چُھو تِمن گمنام قبرن ہیوؠ یِمن پؠٹھِ لوٗکھ یہِ زانہٕ ورٲے پکان چھِ زِ یہِ چُھ رسمی طور ناپاک۔"45یہُودؠ شریعت ہیٚچھِ ناوان والیٚو منٛزٕ کٔر اکؠ نفرن یسوعؔ ہس شٔکایت، "ووستاد، ییٚلہِ ژےٚ یِمہٕ کتھٕ یتھٕ پٲٹھؠ ونان چُھکھ، ژٕ چُھکھ اسہِ تہِ ؤکر والان"46پوٚز یسوعؔن ووٚن واپس، "یہِ کوتاہ خطرناک آسہ تہنٛدِ خٲطرٕ یِم شریعتکہ ووستاد چھِ! بہٕ چُھس یہِ ونان تکیازِ توٚہؠ چُھو لوٗکن واریاہن تِتھٮ۪ن حکمن پیٚٹھ عمل کرٕنؠ ونان، تمہِ پتہٕ چُھو نہٕ توٚہؠ تِمن مدد کرنہٕ خٲطرٕ کانٛہہ معمولی کٲم تہِ کران۔47یہِ کوتاہ خطرناک آسہ تہنٛدِ خٲطرٕ، تکیازِ توٚہؠ چُھو نبی ین ہنٛزن قبرن پٮ۪ٹھ عمارٔژٕ تعمیٖر کران، پوٚز تہنٛدؠ جد ٲسؠ تِم، یِمو تِم قتٕل کٔرؠ!48لہٰذا ییٚلہِ توٚہؠ یمہٕ عمارٔژٕ تعمیٖر چُھو کران، توٚہؠ چُھو بیان کران بیٚیہِ تتھ تصدیق کران زِ تُہنٛدیو جدو ٲسؠ تِم نبی قتٕل کٔرؠ مٕتؠ۔49اوے چُھ خداین بیٚیہِ ووٚنمُت، یس سیٹھاہ دانا چُھ، "بہٕ سوزٕ پننؠن لوٗکن رہبری کرنہٕ خٲطرٕ نبی تہٕ رسول۔ مگر تِم واتناون تِمن سیٹھاہ تکلیف۔ ہتاکہ تِم کرن تِمو منٛزٕ کینٛژن قتل تہِ۔50امیٚک نتِیجہ نیرِ، یہِ زِ یمہِ زمانکؠن لوٗکن ییہِ تِمن سارنےٕ نبی ین ہُنٛدس قتل کرنس پؠٹھ سزا دِنہٕ یِمو لوٗکو دُنیا پٲدٕ سپدنہٕ پؠٹھٕ تِم قتل کٔرمٕتؠ چھِ۔51تِمن ییٚتہِ پرٛتھ کُنہِ قتلس پؠٹھ سزا دِنہٕ یِم زنہٕ آدمؔ سُنٛد نیٚچو ہابیلؔ یُس تٔمؠ سٕنٛدؠ بٲے قاینؔ قتل کوٚر، نبی زکریا سٕنٛدِ قتلہٕ پؠٹھٕ، یُس بادشاہ سٕنٛدیو اہلِکارو ہیکلس منٛز قربان گاہس تہٕ پاک جایہِ سیمنٛزس قتل کوٚر۔52ہیے یہُودؠ شریعتکؠو ووستادو، یہِ کوتاہ خطرناک آسہ تہنٛدِ خٲطرٕ۔ توٚہؠ چُھو خدایہِ زان نس منٛز لوٗکن پتھ رٹان! توٚہؠ چُھو نہٕ پانہٕ خدایہِ زانان، تہٕ توٚہؠ چُھو تِمن لوٗکن باپتھ مشکلات پٲدٕ کران یِم اصل پٲٹھؠ خدایہِ زانن یژھان چھِ۔53یمہِ کتھٕ ونِتھ درٛاو پتہٕ یسوعؔ تمِس فریسی سٕنٛدِ گرٕ منٛزٕ۔ پتہٕ لٔگؠ تِم یہُودؠ شریعتکہ ووستاد تہٕ فریسی تمِس مُخلفانہٕ انٛدازس منٛز پیس ینہِ۔ تِمو تُلؠ سَختی سان واریہن چیزن متعلق تمِس سوال۔54تِم روٗدؠ تٔمؠ سنٛزٕ کتھٕ بوزان زِ سُہ ونہِ کینٛہہ غلط یوٗتھ زن تِم ہیٚکہ ہن تمِس اپٕزؠ تعلیم دِنچؠ تُہمت لٲگتھ۔
Bridge Connectivity Solutions Pvt. Ltd.