اِستِثنا8
1"توٚہؠ کٔرؠ زیٚو وفادٲری سان تِمن سارنی احکامن ہنٛز تعمیل یمہ مےٚ از توٚہہ دِتؠ۔ اگر توٚہؠ تہِ کٔریٚو، توٚہؠ روزیٚو واریہس وقتس زنٛدٕ، تُہنٛزِ آبٲدی منٛز گژھِ ہُرٮ۪ر، تہٕ تُہنٛدؠ لوٗکھ کرن تتھ زمیٖنس پٮ۪ٹھ قبضہٕ یۅسہ یہُوواہنؔ تُہنٛدین جدٕاجدادن توٚہہ دِنُک وعدہ کوٚرمُت چُھ۔2تہٕ توٚہؠ مٔشرٲؠ زیٚو نہٕ زِ سٲنؠ خدا یہُوواہنؔ کِتھٕ کنؠ پکہٕ نٲوؠ أسؠ پتمیٚن ژتجہن ورین یمو بیابانو منٛزؠ۔ تٔمؠ تراونو توٚہؠ واریہن مشکِلاتن منٛز تاکہِ توٚہؠ یِیو ازماونہٕ، سُہ اوس توٚہہِ احساس دیُن یژھان زِ توٚہہ چُھنہٕ پانس پٮ۪ٹھ بلکہ تس پٮ۪ٹھ بھروسہٕ کرنُک ضرورت، سُہ اوس زانُن یژھان زِ توٚہؠ کیاہ چُھو کرُن یژھان، توٚہؠ کٔروا تمسنٛدین احکامن پٮ۪ٹھ عمل کِنہٕ نہ۔3اوٕ مۅکھٕ ترٲوؠ نو تٔمؠ توٚہؠ مشکِلاتن منٛز۔ تٔمؠ تھٲوؠ نو توٚہؠ بۅچھِ ۂتؠ۔ پتہٕ سوزؠ نو تٔمؠ توٚہہ مَنّ آسمٲنی کھیٚن، سُہ کھیٚن یُس نہٕ توٚہہ یا تُہنٛدیٚو جدٕاجدادو زانٛہہ تہِ کھیٚمُت اوس۔ تٔمؠ کوٚر یہ توٚہؠ ہیٚچھِ ناونہ باپتھ زِ لوٗکن چُھ جسمس باپتھ کھیٚن ضرورت، مگر تِمن چُھ روحس تہِ کھیٚن دِنُک ضرورت، یُس یہُوواہؔ سنٛزِ پرٮ۪تھ کتھِ کُن توجہ دنہٕ سٟتؠ حٲصِل سپدان چُھ۔ 4یِمن ژتجہن ورؠ ین ژھیٚنؠ نہٕ سٲنؠ پلو تہٕ صحراوو منٛزؠ پکنہٕ سٟتؠ آے نہٕ سٲنؠ کھۅر پھٔلِتھ۔5ینہٕ یہ مٔشرایو زِ سون خدا یہُوواہؔ چُھ اسہِ ہِدایت کران تہٕ سزا دِوان یتھٕ کِنؠ زن مول موج اولادن اصلاح کران چھِ۔ 6لہٰذا کٔریٚو سٲنِس خدا یہُوواہؔ سنٛدین حکمن ہنٛز تعمیل تہٕ پننہِ زندگییہِ پکنٲیو تِتھے پٲٹھؠ یتھ پٲٹھؠ سُہ یژھان چُھ تہٕ تس کٔریٚو تعظیم۔7سُہ چُھ توٚہہ أکِس اصلِس زمیٖنس پٮ۪ٹھ نِنہٕ وول، یتھ منٛز پہاڑو پٮ۪ٹھٕ وسونہِ کۅلہٕ تہٕ مٲدانن منٛز ناگ وُزان آسن۔8یہ چھےٚ اکھ تِژھ زمیٖن یتھ منٛز کٕنکھ تہٕ جو وۅپدان آسہ، سۅ زمین یتہِ انجیر تہٕ دٲن کُلؠ آسن تہٕ تِژھ زمیٖنا یتہِ زیتون تیٖل تہٕ مانٛچھ آسہ۔9یہ چھےٚ سۅ سرِ زمیٖن یتہِ تُہنٛدِ باپتھ وفور کھیٚن آسہ، یتہِ نہٕ توٚہہ کُنہِ چیزٕچ کٔمی باسہِ، تِژھ زمیٖن یمہ چن کنیٚن منٛز خام شستٕر آسہ تہٕ توٚہؠ ہکیٚو تمکیٚو پہاڑو منٛزٕ ترام کٔڈِتھ۔10توٚہؠ روزیٚو پرٮ۪تھ دوٚہہ تۅتام کھیٚوان یۅتام نہٕ توٚہہِ یڈ آسہ یوان تہٕ توٚہؠ ٲسؠ زیٚو سٲنِس خدا یہُوواہؔ سُنٛد امہِ ذرخیز زمینہِ باپتھ شکریہ کران یۅسہ تٔمؠ توٚہہِ دِژ۔11مگر ییٚلہ یہ سپدِ حیٚس تھٲو زیٚو ینہٕ سٲنس خدا یہُوواہؔ سنٛدین احکامن، اصولن تہٕ ضوٲبطن ہنٛز نافرمانی کٔرتھ یہ مٔشرایو یہ بہٕ از توٚہہ دِوان چُھس۔12توٚہہ آسہ پرٮ۪تھ دوٚہہ یڈ بٔرِتھ یوان تہٕ توٚہؠ بنٲیو اصل گھرٕ یتہِ توٚہؠ روزان ٲسیٚو۔ مگر توٚہؠ مشرایو یہُوواہؔ سنٛدؠ احکام۔13یقینن ییٚلہ تُہنٛدین چارواین تہٕ تیٖرن ہنٛز تعداد واریاہ بڈِ تہٕ ییٚلہ توٚہہ واریاہ چٲنٛدؠ تہٕ سۅن جمع گژھِ تہٕ تُہنٛدین باقی تمام چیزن ہنٛدِس تعدادس منٛز ہُریر سپدِ۔14یقین تھٲوؠ زیٚو ینہٕ غرور سپدیٚو تہٕ سون خدا یہُوواہؔ مٔشراے وون یمؠ تُہنٛدؠ جدٕاجداد مِصرچہِ غلامی نشہٕ آزاد کٔرِتھ تتہِ کٔڈِتھ أنؠ۔15ینہٕ یہ مٔشرایو زِ ییٚلہ تِم تمہِ بڈِ تہٕ ہولناک صحراوٕ منٛزؠ سفر کران ٲسؠ تہٕ تٔمؠ کٔر تِمن تتہِ رہنمٲئی یتہِ زہریلہٕ سرف تہٕ بِچ ٲسؠ۔ تہٕ یتہِ مٔشرٲوؠ زیٚو نہٕ زِ یتہِ زمیٖن واریاہ خۅشٕک ٲس تہٕ آبےٕ اوس نہٕ، تٔمؠ کۅڈ تِہنٛدِ باپتھ سخت کنہِ منٛزٕ آب۔ 16یتہِ مٔشراوؠ زیٚو نہٕ زِ تتھ سہراوس منٛز سوزؠ تٔمؠ تُہنٛدین جدٕاجدادن کھیٚنہٕ باپتھ تِمن "مَنّ، سُہ کھیٚن یُس نہٕ تِمو زانٛہہ تہِ کھیٚمُت اوس۔ سُہ اوس تِمن یہ پژھ دٔرراون یژھان تہٕ یہ احساس دیُن یژھان زِ تِمن چھنہٕ پانس پٮ۪ٹھ بلکہِ تس پٮ۪ٹھ بھروسہٕ کرنٕچ ضرورت۔ تہٕ سُہ اوس تِمن یہ زاننہٕ باپتھ آزماوُن یژھان زِ تِمن کیاہ کرنُک اِرادٕ چُھ، تاکہ یتُھےٕ یم مشکلات ختم سپدن، تہٕ سُہ کرِ تِمن باپتھ واریاہ بہتر چیز۔17پژھ کٔرؠ زیٚو تہٕ یہٕ یہ گمانہٕ بٔرؠ زیٚو نہٕ زِ "مےٚ کیاہ کٔرؠ یِم سٲری چیز پننہِ طاقتہٕ تہٕ قٲبلِیتہٕ سٟتؠ حٲصل۔"18یہ مٔشرٲوؠ زیٚو نہٕ زِ یہُوواہؔ چُھ سون خدا یمؠ توٚہؠ دولت منٛد بننَس لایکھ بنٲوؠ نو۔ سُہ چُھ یہ اوٕ مۅکھٕ کران زِ سُہ چُھ سۅ وفادٲری نباوان یمیُک تٔمؠ سانٮ۪ن جدٕاجدادن سٟتؠ پوٗرٕ کرنُک وعدہ کوٚرمُت چُھ۔19بہٕ چُھسو توٚہؠ خبردار کران زِ اگر توٚہؠ سون خدا یہُوواہؔ مٔشراوِتھ باقی معبودن کُن رٲغب گٔژھیٚو تہٕ تِہنٛز عبادت کٔرِتھ تِمن سجدٕ کرنہِ بِہیٚو تہٕ سُہ کرِ توٚہہ ضروٗر تباہ۔20اگر توٚہؠ سانِس خدا یہُوواہؔ سنٛز فرمانبرداری کٔریٚو نہٕ تہٕ سُہ کرِ توٚہہ ضرور تِتھے کِنؠ تباہ یتھٕ کنؠ سُہ تِمن لُکہ جمٲژن تباہ کرِ یِمن خلاف توٚہؠ جنٛگ کٔریٚو۔
Bridge Connectivity Solutions Pvt. Ltd.