اِستِثنا9
1موسیٰؔ ین ووٚن اسرائیل ین مزید، "اے اسرائیلی لوٗکو، میٲنؠ کتھ بوزیٚو! توٚہؠ تٔریٚو عنقریب یردن دریاوس اپور۔ یتھ سرِ زمیٖنس منٛز توٚہؠ دٲخل گٔژھیٚو، تتہِ چھِ بٔڈؠ بٔڈؠ شہر یِمن انٛدؠ انٛدؠ سٮ۪ٹھاہ تھدؠ دیوار یمہٕ آسمانس تام پھٲلِتھ باسان چھِ۔ اتھ سرِزمینہِ پٮ۪ٹھ چھِ لوٗکن ہنٛز تِمہٕ زٕ جمٲژ تُہنٛدِ کھۅتہٕ واریاہ زیادٕ تہٕ طاقتور چھِ۔2تِم لوٗکھ چھِ سٮ۪ٹھاہ تٔھدؠ تہٕ مظبوط۔ تِمو منٛزٕ چھِ کینٛہہ دیٚو یمہٕ عناقؔ سنٛدؠ زُرؠ چھِ۔ توٚہؠ چُھو تِمن متعلق زانان تہٕ توٚہہ آسن لوٗکھ یہ ونان وُچھمٕتؠ زِ عناقؔ سنٛدین اولادن ہیٚکہِ نہٕ کانٛہہ شِکست دِتھ۔3بہِ چُھس یژھان زِ توٚہؠ زٲنیٚو زِ سون خدا یہُوواہؔ آسہ توٚہہِ برُونٛہہ برُونٛہہ۔ سُہ آسہ دزٕونہِ نارٕکؠ پٲٹھؠ۔ ییٚلہ توٚہؠ برُونٛہہ پٔکیٚو، سُہ دییہِ تِمن شِکس تہٕ کریکھ بُرباد۔ نتیجہ نیرِ یہ زِ توٚہؠ بٔنیٚو جلدےٕ تِمو منٛزٕ تتہِ کینٛہہ کڈنس تہٕ باقی مارنس منٛز کامیاب، یہِ چُھ تہِ یمیُک یہُوواہنؔ وعدہ کوٚرمُت چُھ زِ توٚہؠ کٔریٚو یہِ۔ 4ییٚلہ سون خدا یہُوواہؔ تِمن تُہنٛدِ باپتھ تتہِ کٔڈِ تہٕ پانس ؤنزیٚو نہٕ یہ زِ أسؠ چھِ راستباز تہٕ توے بنٲوؠ أسؠ یہُوواہنؔ یتھ ملکس پٮ۪ٹھ قبضہٕ کرنس قٲبل۔ پزر چُھ یہ زِ امہِ ملکٕکؠ لوٗکھ چھِ بُرٕ یمہِ کِنؠ یہُوواہؔ تِمن تٔمہِ سٲتؠ نٮ۪بر کٔڑِتھ ژھٕنہِ ییٚلہِ تتہِ توٚہؠ پیش قدمی کٔرِو۔ 5بہٕ چُھسو بیٚیہِ تہِ ونان زِ یہ سپُد نہٕ اوٕ موٚکھٕ زِ توٚہؠ چُھو راستباز یا توٚہؠ چُھو نیک کامہِ کران اتھ ملکس منٛز دٲخل سپدتھ قبضہ کرنہٕ خٲطرٕ۔ یہ چُھ اوٕ موٚکھٕ زِ تمہِ ملکٕکؠ لوٗکھ چھِ سٮ۪ٹھاہ خراب تہٕ ییٚلہِ توٚہؠ تور أژیو تہٕ سون خدا یہُوواہؔ کڈِ تِمن بیٚیہِ اوٕ موٚکھٕ تہِ زِ سُہ چُھ سۅ کٲم پوٗرٕ کرنُک وعدہ بنٛد یمیُک تٔمؠ تُہنٛدین جدٕ اجدادن سٟتؠ ابراہامسؔ، اضحاقسؔ تہٕ یعقوبس ستؠ وعدہ کوٚرمُت چُھ زِ سُہ کرٕ یتھٕ کنؠ۔6بہٕ چُھس یژھان زِ توٚہؠ زٲنیٚو زِ یہ چُھنہٕ اوٕ موٚکھٕ زِ توٚہؠ چُھو پٔزؠ یٲرؠ تہٕ توے چُھ سون خدا یہُوواہؔ توٚہہ یہ رٕژ زمین دِوان۔ بہٕ چُھس یہ اوٕ موٚکھٕ ونان تکیازِ توٚہؠ چُھو نہٕ پٔزؠ یٲرؠ۔ توٚہؠ چُھو سٮ۪ٹھاہ ضدی لوٗکھ۔"7زانٛہہ تہِ گژھِ نہٕ مٔشراوُن زِ تُہنٛدیو جدٕاجدادو کیاہ کوٚر ریگستانس منٛز یمہ کِنؠ سون خدا یہُوواہؔ ناراض سپُد۔ یمہِ دوٚہہ أسؠ مِصرٕ منٛزٕ دراے تتھ دوٚہس تام یۅتام أسؠ یوٚت وٲتؠ، توٚہہ تہِ کٔرو لگاتار تس خلاف بغاوت۔ 8یۅتام زن تُہینٛدیو جدٕاجدادو کوہہِ سیناؔ ہس پٮ۪ٹھ یہُوواہسؔ شرارتھ کھول۔ چونکہ سُہ اوس سٮ۪ٹھاہ شرارتس منٛز یمہِ کنؠ سُہ تِمن سارنی نِشہ تھف تُلناونہٕ باپتھ تیار۔9ییٚلہ بہٕ تمِس نِش پہاڑس پٮ۪ٹھ کنیٚو تختی اننہٕ باپتھ کھۅتُس یمن پٮ۪ٹھ تٔمؠ داہ احکام لیٚکھمٕتؠ ٲسؠ، بہٕ رودُس تتہِ ژتجہَن دوٚہُن تہٕ ژتجَہن رٲژن تہٕ تتھ دوران کھیٚو چیٚو نہٕ مےٚ کِہین۔10یہُوواہنؔ دژٕ مےٚ کنیٚو تمہٕ زٕ لوحہ یِمن پٮ۪ٹھ تٔمؠ پننیٚو اونٛگجو سٟتؠ احکام لیٚکھمٕتؠ ٲسؠ۔ یِم ٲسؠ تِم الفاظ یمہٕ تٔمؠ تُہنٛدین جدٕ اجدادن پہاڑس پٮ۪ٹھ نارٕ منٛزؠ ؤنمٕتؠ ٲسؠ۔ ییٚلہ تِم پہاڑ کِس دامنس تل سمیامٕتؠ ٲسؠ۔ 11یِمن ژتجہن دوٚہُن تہٕ رٲژن ہنٛدِس ٲخرس پٮ۪ٹھ دژٕ مےٚ یہُوواہنؔ تمہٕ زٕ کنہِ یمن پٮ۪ٹھ تٔمؠ یمہٕ احکام لیکھمٕتؠ ٲسؠ۔12مگر پتہٕ ووٚن مےٚ تٔمؠ، "جلدےٕ وس پہاڑٕ پٮ۪ٹھٕ بوٚن، تکیازِ یمن لوٗکن ہنٛز ژٕ رہنمٲئی کران چُھکھ، یم لوٗکھ ژےٚ مِصرٕ منزٕ کٔڈؠ تھکھ، تِمو چُھ بوٚڈ گناہ کوٚرمُت۔ تِمو کٔر سٮ۪ٹھاہ جلد سۅ کام یۅسہ مےٚ تِمن نہ کرنُک حکم کوٚرمُت اوس۔ تِمو بنوو پننہِ باپتھ پوٗزایہ خٲطرٕ ؤژھؠ سنٛز مورت۔13پتہٕ ووٚن یہُوواہنؔ مےٚ زِ بہٕ رودُس یِمن لوٗکن وچھان تہٕ مےٚ وُچھ زِ یِم چھِ سٮ۪ٹھاہ ضِدی۔14تہٕ مےٚ کٔرزیٚو نہٕ رُکاونٕچ کوشش۔ بہٕ چُھسکھ یِم تباہ کرن وٲلؠ، امیُک نتیجہ نیرِ یہ زِ کانٛسہ تہِ روزِ نہٕ یِمن ہُنٛد ناو یاد۔ پتہٕ بناوو بہٕ توٚہؠ اکہ تِتھِ قومٕکؠ اسلاف بناونس قٲبل یِم تُہنٛدِ کھۅتہٕ واریاہ زیادٕ تہٕ طاقتور آسہ۔15ٲخر وتُھس بہٕ پہاڑٕ پٮ۪ٹھٕ بوٚن تہٕ کنٮ۪ن ہنٛدؠ تمہٕ زٕ لوحہ تُلم اتھس کٮ۪تھ یمن پٮ۪ٹھ داہ احکام لیٚکِھتھ ٲسؠ۔ سٲرسےٕ پہاڑس پٮ۪ٹھ اوس نار دزان۔16مےٚ وُچھ تہٕ یہ وُچِھتھ گوس بہٕ حٲران زِ تُہنٛدیٚو جدٕاجدادو کوٚر یہُوواہسؔ خلاف بوٚڈ گناہ۔ تِمو کرِ جلدےٕ تمہٕ کامہ شروع یمہٕ سٲنؠ خدا یہُوواہنؔ تِمن نہ کرنُک حکم کوٚرمُت اوس۔ تِمو کوٚر ہارونسؔ درخواس زِ سُہ بناوِ تہنٛدِ عبادتہٕ باپتھ ؤژھؠ سنٛز اکھ دھاتو موٗرت۔17ییٚلہ تِم وُچھان رودؠ تہٕ مےٚ تُجہ تِمہ دوٚنوے کنیٚو لوحہ تہٕ دِژم پتھر دٔرتھ تہٕ تِمن گےَ ٹُکرٕ۔18پتہٕ دیُت مےٚ خدایہ سنٛزِ بارگاہِ منٛز سٔجدٕ یتھ کٔنؠ مےٚ گۅڈٕ کریاو تہٕ مےٚ کھیٚو چیٚو نہٕ ژتجہن دوٚہُن تہٕ ژتجہن رٲژن کِہین۔ مےٚ کوٚر یہ اوٕ مۅکھٕ تکیازِ تُہنٛدیٚو جدٕاجدادو اوس یہُوواہسؔ خلاف گناہ کٔرتھ تمِس واریاہ شرارتھ کھولمُت۔19مےٚ اوس خوف تکیازِ یہُوواہؔ اوس تِمن پٮ۪ٹھ ناراض سپُدمُت یمہ کِنؠ نہٕ سُہ تِمن چھڑِ ہے۔ مگر مےٚ مونٛگ بیٚیہِ دُعا زِ سُہ مہٕ کٔرِنؠ یہ، تہٕ تٔمؠ بوز بیٚیہِ تہِ میٚون تہٕ کوٚرن میٚون دُعا قبوٗل۔ 20یہُوواہؔ سپُد ہارونؔ سنٛدِس سۅنہٕ سُنٛد وُژھ بناونس پٮ۪ٹھ تہِ ناراض تہٕ اوس تمِس مارنس پٮ۪ٹھ آمادٕ۔ مگر تمی ساعتہٕ موٚنگ مےٚ ہارونؔ سنٛدِ باپتھ تہِ دُعا تہٕ یہُوواہنؔ کوٚر میٚون دُعا قبول۔21تُہنٛدیٚو جدٕاجدادو کوٚر ہارونس ؤژھؠ سنٛز دھاتو موٗرت بناونُک درخواست کٔرِتھ بوٚڈ گناہ۔ چنانچہ مےٚ تُج سۅ موٗرت تہٕ ترٲوٕم نارس منٛز پگلٲوِتھ کٔرمس لۅکٕٹؠ لۅکٕٹؠ ٹُکرٕ۔ پتہٕ ژھنِم تِم لۅکٕٹؠ لۅکٕٹؠ ٹُکرٕ تتھ کۅلہِ منٛز دٲرِتھ یۅسہ پہاڑٕ دامنہٕ کِنؠ پکان ٲس۔22تُہنٛدیٚو جدٕاجدادو کھول یہُوواہسؔ تتھ پٮ۪ٹھ تہِ سٮ۪ٹھاہ شرارتھ یہ تِمو تِمن جاین کوٚر یِمن تِمو تبعیرہؔ، مسہؔ تہٕ قبرُوت ہتاوہؔ تےتھوو۔ 23تہٕ ییٚلہ أسؠ قادِس برنِیع ہس منٛز ٲسؠ، یہُوواہنؔ ووٚن تُہنٛدین جدٕاجدادن، "گٔژھیٚو تہٕ تتھ ملکس کٔریٚو قبضہٕ یُس بہٕ توٚہہِ دنہٕ وول چُھس" مگر تَمو کٔر تس خلاف بغاوت۔ تِمو کوٚر نہٕ تس پٮ۪ٹھ بھروسہٕ، تہٕ تِمو کٔرنہٕ تمسنٛدِس وننس پٮ۪ٹھ عمل۔ 24تُہنٛدیٚو جدٕاجدادو کٔر گۅڈٕ پیٚٹھےَ یہُوواہسؔ خلاف بغاوت یمہٕ بہٕ مِصرس منٛز زانان اوسسکھ، تہٕ توٚہؠ دروو بلکُل پننٮ۪ن جدٕاجدادن پٮ۪ٹھ۔ 25لہٰذا، یتھٕ کِنؠ مےٚ ووٚن زِ بہٕ رودُس ژتجہَن دوٚہُن تہٕ ژتجہَن رٲژن یہُوواہسؔ برُونٛہہ کنہِ سٔجدس منٛز تکیازِ یہُوواہنؔ اوس فرمومُت زِ سُہ کرِ تُہنٛدین جدٕاجدان ہلاک۔26تہٕ مےٚ موٚنگ یہُوواہسؔ دُعا زِ اے خداوند یہُوواہؔ، یِم لوٗکھ چھِ چٲنؠ۔ یِم مہٕ کرُکھ تباہ۔ یِم چھِ تِم لوٗکھ یِم ژےٚ بچٲوتھکھ تہٕ پننہِ قدرتہٕ سٟتؠ أنؠ تھکھ مِصرٕ منٛزٕ کٔڈِتھ۔27یُس وعدہ ژےٚ ابراہامسؔ، اضحاقسؔ، تہٕ یعقوبس سٟتؠ کوٚرمُت چُھے سُہ مہٕ مٔشراو۔ ژٕمہٕ وُچھ اۅکُن زِ یمہٕ لوٗکھ کٲتیاہ ضِدی تہٕ خۅدسر چھِ، تہٕ تِمن گنہن کُن یمہٕ یمو کٔرؠ۔28اگر توٚہؠ تہِ کٔریٚو نہٕ تہٕ یِم کٔرؠ ووکھ ہلاک ییٚلہ یہ مِصرٕکؠ لوٗکھ بوزن تِم ونن اتھ نیسبت زِ توٚہؠ ٲسیٚو نہٕ تِم اتھ ملکس منٛز اننَس قٲبل یمیُک وعدہ توٚہہِ تِمن سٟتؠ کوٚرمُت اوس۔ تِم ونن زِ توٚہہِ أنووکھ تِم صرف یتھ سحراوس منٛز مارنہٕ باپتھ تکیازِ توٚہؠ ٲسیٚو تِمن نفرت کران۔29یہ مٔشراوؠ زیٚو نہٕ زِ تِم چھِ تُہنٛدؠ لوٗکھ۔ توٚہہِ کٔرؠ ووکھ تِم پانس سٟتؠ تعلق قٲیم کرنہٕ خٲطرٕ منتخب۔ ژےٚ أنؠ تھکھ تِمہ پننہِ قدرتہٕ والہ طاقتہٕ سٟتؠ مِصرٕ منٛزٕ کٔڈِتھ۔"
Bridge Connectivity Solutions Pvt. Ltd.