SINU7
Ɔlaa Ɔpɛ Diɛta Ni Lɛka Tinini
Dawid sigaion . Aasa nwu aata Saate nwu ta Kus, Benyamin otii nwu oso.
1O Saate, Yaa nii, afɔ lɛtaniko;fũ mi, faadiki mi kafɔɔ fakyeko batikankotɛ nii bamuu nnɛɛ,2nse diele nkpo bababɛbɛɛ mi fɛle kyatamambibiɛ mi kɔkyɛɛkɔkyɛɛ di kuonwii nnaa abafũ mi nii.3O Saate, Yaa nii, nse lɛbla nle mmledi okpile owo nsi di nnɛɛ nii-4nse lɛbla okpile di munko nnwɔ ninsi ni ku atoko ɔkyɛ ole kamɛee leyu kyiditɛ nii lɛsaa ninaankaatɛ ni yi-5ni ta lo nii nwu atikankoe aamufũ mi;tɔɔ ananafu mi akaasa kaasɔaatɛɛ nte di kudu kamɛ. Yila kɛɛkɛ6O Saate, taka di ɔblɔ lɛfɔ kamɛ;taka di balo nii ɔblɔ yakayaka suoto.Yaa nii, sɛnkɛ; faaka lɛka.7Ta batii dikudi nwu bamana fɔ bakyi.Le sɛka di suoto lɛma diekye ni osi;8ta Saate akanko batii nwu.O Saate, kanko mi di ɔsaabla tinini nii kanya,di mmle ninambla ni okpile kanya, O Afɔ wɔ Ninlenke ni.9O Yaa, tininitɛwɔ ninnyu ni asibu ku situ kamɛ,ta bakpiletɛ kudu okpee nwu kuloo,faata batininitɛ kafɔɔ bawɛ kunutoko.10Kubidifunsaa nii ninle Yaa wɔ Ninlenke ni,nnwɔ ninfũ ni mba situ niɛkpa ni.11Yaa nle kantɛ tininitɛ,Yaa wɔ nindiki ni ɔblɔ yakayaka nɔɔ antuo ni dii biala.12Nse otii owo diekyisa nkpa nɔɔ,Yaa kamalɔɔfɔ kapamii nɔɔ;ambonsa kɔtaa nɔɔ anlolaa anklee.13Atoololaa difu akpɛsaa nɔɔ;eelolaa ɔtɔ kɔtaa nɔɔ nwu.14Otii wɔ ninlaka ni sikpile lɛmɛ,alaka ni kafɔɔ kubuɛ lɛmɛ nlofo sɛlaa ku afunu.15Otii wɔ niekutu ni dibiɔ, eetĩi nininkpa ambuo di dibiɔ le eekutu nii.16Kubuɛ ko eekpee ni nkple kunwa nnwɔɔ omu nɔɔ suoto;kudu nɔɔ nwu nkple kumatika di nnwɔɔ omu nɔɔ nsintɛɛ.17Kamapɛ Saate nwu sɛfa ta ɔsaabla tinini nɔɔ oso,masa kafɔɔ onu ntansa Saate wɔ Ninlenke ni leyooto.The Seed Company