SINU8
Yaa Lɛkpa Ku Otii Kayilakɔ
Dawid onu. Kuɔta ni sinutuotɛ. Asa nwu di gitit. sɛlɔ kanya.
1O Saate, Saate loo,lɛ di leyooto lɛfɔ lemuɔ di kasɔ kamuu suoto nkpo!Fɛɛtɛ lɛkpa lɛfɔdiɛtaka katoo dilenke osi.2Babisɔ ku babifɔɔle anyasibifɛɛta katansa kodie,ta balo lɛfɔ osoalɛ faamaasa kyiditɛ nwu ku totatɛ kanya.3Nse lenyu osi lɛfɔ nwu,anɛɛbi lɛfɔ ɔkpɛ,kɔwɛntɛ ku awɛntrɛbiya fɛɛyɔ feetika ni di abaninya,4obe ninle otii alɛ foobu nwɔ disi,otii obisuɔtɔbi nwu foonyu nwɔ disi nkpo?5Fɛɛbla nwɔ ɛɛwakasɔ kɛɛkɛ alenke Yaa,ni fɛɛyɔ lɛkpa ku dibu kafɔɔ feetũkunsa nwɔ fɛ lɛkakoto nɛ.6Fɛɛbla nwɔ tunletɛ di nnɛɛ lɛfɔ sɛkpɛ kanya;fɛɛyɔ lɛsaa biala feekpee di nkpaa nɔɔ kalɔ:7bafoso ku banankyue bamuu,ku lepoo kamɛ babɔkɛɛ,8bakansiɛ kɔɔfɛɛfɔku kɔkpaku di lekpo kamɛ,ku asaa ya amuu ninfia ni ntu di lekpo kamɛ.9O Saate, Saate loo,lɛ di leyooto lɛfɔ lemuɔ di kasɔ kamuu suoto nkpo!The Seed Company