SINU6
Ɔlaa Ɔpɛ Diɛta Ni Lɛkyakaa Di Dibuo Obe Kamɛ
Dawid onu. Kuɔta ni sinutuotɛ. Basa nwu ku sikũ sanku. Basa nwu di seminit sɛlɔ kanya.
1O Saate, tansĩ ɔlaa faatɛɛ di ɔblɔ lɛfɔ ɔnya kamɛ,ee fananfi mi kootoko di ɔblɔ lɛblɔfiɛ lɛfɔ yakayaka kamɛ.2Saate, nyɛɛ nyaami, diekye nte kpiɛkpiɛ;O Saate, kya mi ɔfiɛ, diekye akufi nii konu dibuo.3Ɔkla nii nsi di dibuo kamɛ.Ɔmɛmbe, O Saate, ɔmɛmbe?4O Saate, munikĩi faadiki mi;fũ mi nkpa, ta lɛbɔmbɔ lɛfɔ le ninaa ni kaloo oso.5Otii kuonwii ninyuma fɔ nse atookpi.Owe nintansa fɔ di ɔkya kamɛ?6Ditoobuo mi ku atunni;kakyɛ kamuu atensaa nii mbuu ku kakumbuusa katenkɔ nii kafɔɔ ku nnumɛɛ.7Sɛnyaami ntɔɔta anu nii ntɔɔbla tutufuu;oloosintɛ anya nwaa ta bakyiditɛ nii bamuu oso.8Aye ba bamuu nimbla ni sikpile, bikyɛ mi di ɔlɔɔkɔ,diekye Saate nwu ntoonu mi kaku.9Saate nwu ntoonu kaku nii owi kɛɛta ni nyaami ɔnya;Saate nwu nfũ ɔlaa ɔpɛ ɔta nii.10Sinunsɔ kamakpɛ balo nii bamuu ku nnɛɛ lefee;babapɛ mankple kpata ku sinunsɔ.The Seed Company