YESAYA50
SAATENwu Kamafuo Kale Nɔɔ Odiki
1Nnya ɔlaa wɔ di SAATE nwu kobuɛ ni:“Ɔfɛ di yaaye kusinkũko lɛyɔ lesĩ nwɔ ni nte?Ee owe nsiko kotolɛyɔ ye lesunsũ lɛta?Sikpile lee oso beesunsũ ye;ɔtanlolaa ɔbla lee oso beesĩ yaaye.2Be oso di kuonwii ditawɛ di obe wɔ lawa ni?Be oso kuonwii ditawɛ aatuna ni di obe lalɛɛ ni?Sɛɛ kɔnɛɛ nii lesii ɔbla kunkudu alɛ kulaafuo ye odiki?Osie nnaa mi kafũ ye ni?Di kanya odiki kɛɛkɛɛ kamɛ di lekpo nsɔɔ,nta sekle nkple ɔfaafuu;kɔkpaku lɛma mbuu ta ntu ɔtanwɛ osomankpi ta ntu kɔka oso.3Nta kolo nnyukũ ditununtɔɔ kaku abula fɛ akleesaa nɔɔ.”4SAATE Kplɛ nwu lɛyɔ asaa otuo okplalomii ɛɛtɛɛ,alɛ katofo ɔlaa wɔ nikakpee ni nnwɔ ditootuudi ni ɔnyɛɛ.Ansɛnkɛsɛɛ olesɛ biala,antikiti atoko nii alɛ kanu ɔlaa fɛle asaateketetɛ.5SAATE Kplɛ nwu letikiti mi atoko,nioso ninle tokopĩtɛ;ninkple kafɔɔ nkpaamaa.6Layɔ kamaa nii lata mba niapɛ mi nii,atokosi nii lata mba niananfi mi ni okusu;Ntawofasa anu ni dimba niama mi baatufa sita baakpete mi nii.7Diekye SAATE Kplɛ nwu lakyakaakoe,nkpo oso namafũ sinunsɔ.Nkpo oso ntɔɔbla anu nii fɛ lɛkpankplabukii,n-ye kafɔɔ nlɛ namafũ sinunsɔ.8Otii wɔ nintɛɛ ni lɛbɛ lɛtɛɛtɛɛ mi.Ni owe nfɛ nimayɔ ɔlaa di suoto nii?Ata bukyaka!Owe niɛyɔ ɔlaa di suoto nii?Bitɔɔ awa abakyakakoe!9nwu ninkyakaakoe.Owe ninle nnwɔ nimalo mi ni lɛpɔɔ?Bamuu lɛma babatɔ fɛle abula;bakunsũ kamawee ma.10Owe kaamɛ lee ninyɛkɛSAATEnwuankyɔɔ kpɛmblatɛ nɔɔ ɔlaa kotoko?Bita nnwɔ ninkyɛ ni di ditunu kamɛ,di lɛkpa nnaa nwɔ ni,atika SAATE nwu leyooto disiaakpɛ di Yaa nɔɔ suoto.11Kafɔɔ nunua, aye ba bamuu niekutaa ni sɛtɔbiɛsɔ nka sɛtɔ biɛta ni suoto,bitɔɔkyɛ biɛlaakyɛ di sɛtɔ lee nwu lɛkpa kamɛku kaka lee nwu biɔfiɛ ni.Nle mmle bibafũ minkyeko nnɛɛ nii kamɛ nɛ:bibate di dibuo kamɛ.The Seed Company