YESAYA49
Israel Ninle Lɛkpa Diɛta Nnle Mmuu
1Bikyɔɔ mi atoko, aye nsɔ be di ntu lɛmana diekyi ni;aye nnle be ninkpe ni fanfa, binu ɔlaa wɔ mmle:SAATE nwu ntɔɔlɛɛ mi, fiɛ baalofo mi;aalɛɛ mi leyooto di olofofɔtɔ kamɛ.2Aabla mi kanya fɛle kapamii blɛblɛ,di kɔnɛɛ nɔɔ kunyĩi kalɔ aawofasa mi;ɛɛyɔ mi ɛɛbla kɔtaa plɔplɔɛɛyɔ mi eewofasa di kɔtaa kotofo kamɛ.3Ni aatɔkɔ mi alɛ, “Kpɛmblatɛ nii,Israel fale, nnwɔ kamɛ kamadiki kɔlɛɛ nii ntuo nii.”4Kafɔɔ ladiki kanya nlɛ, “Lewuo, lekuɔ kasakasa;lɛblako osie nii ɔkpɛ kafɔɔ ninwɛ lɛsalɛsaa.Kafɔɔ nle ninle mi ni lele nsi di SAATE nwu nnɛɛ kamɛ,letota nii kafɔɔ nkpe di Yaa nii nfũ.”5Kafɔɔ nunua SAATE nwu alɛ-nnwɔɔ niɛbla mi di olofofɔtɔ kamɛ alɛ kale nwɔ kpɛmblatɛnkpaa Yakob nkplesa nwako nwɔnsiisa Israel kafɔɔ ntɔɔ,diekye biekpee mi dibu di SAATE nwu anuYaa nii kafɔɔ ninle mi osie-6aabuɛ alɛ,“Lɛsaa biibii dile dita fɔ alɛ faale mi kpɛmblatɛfansɛnkɛsa Yakob kafaabi nwufankpaa Israel mba lewofasa ni fankplesa fanwako.Kamabla fɔ kafɔɔ lɛkpa nta mba ninanle ni Yuda batii,alɛ faayɔ didiki nii fanwako kasɔ nyɛntɛlekɔ.”7Nnya ɔlaa wɔ di SAATE nwu kobuɛ ni-Israel Dikitɛ ku Klekletɛ nwu-anta ni nnwɔ di nnle konyu ni nyakatãa beekyidi ni,batunletɛ kpɛmblatɛ nwu:“Baka kamanya fɔ mantaka manyila,banɔɔfotii kamanya fɔ manwakasɔta SAATE nwu oso, nnwɔ ninle ni onukwaletɛ,Israel Klekletɛ nwu, nnwɔ niediki fɔ nii.”Babase Yerusalem Ɔsɛnkɛsa
8Nnya ɔlaa wɔ di SAATE nwu kobuɛ ni:“Di obe wɔ kamɛ kamale ni sibualɛ, kamatuna nta fɔ,di didiki dii nwu kamɛ kafɔɔ, kamakyakaako fɔ;kamanyu fɔ, mbla fɔ kafɔɔfanle kanya ninii fanta batii nwu,fansɛnkɛsa kasɔ nwufansɛ kafɔɔ atesaa nwu niate ni fukuti,9fantɔkɔ mba baamufũ ni falɛ, ‘Bidie biwa,’ku mba di ditunu kamɛ falɛ, ‘Biwa lɛkpa kamɛ!’“Babakonko di osuku lɔɔkɔmanwɛ kafɔɔ sɛfa bokoboko di akpenkpe ya di sɛfa ditayila nii.10Kɔka ee otukɔnsɔ dilabaklee ma,ɔfaafuu difila ee kufĩ dilabapɛ ma.Diekye nnwɔ niele ma ni sibualɛ maleko ma katũankpa ma ankyɛnko ntu yɔɔle ntaakɔ katũ.11Kamata sisuku nfe di abokote nii amuu suoto,nlolaa kafɔɔ sisuku kplɛ nii.12Nyu, batii nii kamakye fanfa manwa-bawo makye kotoo kasɔ, bawo makye kufĩ kamɛɛkɔ,bawo makye Sini batii kasɔ.”13Oo, osi, yiisa suoto lɛyɔɔ kudu;Oo kasɔ, pɔ;Oo abokote, bisa sinu!Diekye SAATE nwu ntookpee batii nɔɔ kɔnɛɛ kaafutuabale kafɔɔ mba diobuo ni sifutulɛ.14Kafɔɔ Sion labuɛ alɛ, “Saate nwu ntoosĩ mi,SAATE nwu ntooyee mi.”15“Obi ɔya kafuo obi wɔ ɔɔta ni lɛnyɛɛ oyeealɛ kafutu dilaanyinyi nwɔ di obi wɔ eelofo ni suoto?Nse loo abayee yi,ami namayee fɔ!16Nyu lo, lɛkpana fɔ leyooto di nnɛɛtakala nii;seyoyiɛ lɛfɔ n-yɛ mi di anu obe lele.17Babisuɔtɔbi lɛfɔ kɔwa nkyenkyemba niadiɛ fɔ baatɛ ni madie fɔ kaamɛ mansifi.18Takatɛsa anu faanyunyu fafenko;babisuɔtɔbi lɛfɔ bamuu ntoosi bɔɔwa ɔkyɛ lɛfɔ.Lɛka, lɛnya nkpe ni nkpa “SAATE nwu niebuɛ,“Fabakpee bamuu lɛma fɛ aniifabakpee ma fɛ ɔkafɔɔsɔfɔ.19“Kuntɛ baabiɛ fɔ baabla fɔ ofukutikasɔ lɛfɔ kafɔɔ late kafukuti,nunua fababiibii fanta batii lɛfɔ,mba kafɔɔ nialenkee fɔ ni kamakyo fanfa.20Babi ba baalofo ni di obe wɔ faatoowi niikamabuɛ fannu alɛ,‘Lɛba le mmle lesii wo obiibii;ta wo lɛba kplɛ busiɛ.’21Ni fababuɛ di otu lɛfɔ kamɛ falɛ,‘Owe nielofo babi ba mmle ɛɛtɛɛ?Lasiɛ kaku lakple kafɔɔ ɔlɛma;baamufũ mi sɛlanle, baasĩ mi kafɔɔ.Owe nienyu mba mmle beemuɔ?lete nii niabu,ni mba mmle ɔfɛ beekye bɛɛwa?’ ”22Nnya ɔlaa wɔ di SAATE Kplɛ nwu kobuɛ ni:“Nyu, kamawii nnɛɛ nlɛɛ nnle,kamatakatɛsa flankaa nii nkyɔɔ batii nwu;babakpaa babisuɔtɔbi lee ninnɛɛ lɛma manwakomantika babisankobi lee di amuusi.23Baka kamale babi lɛfɔ banyuntɛ,baka-sanko kafɔɔ kamata babi lɛfɔ lɛnyɛɛ mannyɛɛfu.Babawakasɔ di anu lɛfɔ manse ntũ kaasɔ;babafĩfĩɔ nkpaatũ lɛfɔ kɔtɛ.Ninfɛ fabatofo falɛ ami ninleSAATEnwu nɛ;mba nietika mi ni disi sinunsɔ dilabakpɛ ma.”24Baafuo kpɛtɛ asaa ɔyɔ osifiko,ee manfũ mba beemufũ ni di sientɛ nnɛɛ?25Kafɔɔ nnya ɔlaa wɔ di SAATE nwu kobuɛ ni:“Nwaako, mba beemufũ nii, babafũ ma di kpɛtɛ nnɛɛ kamɛ,manfũ kafɔɔ sientɛ asaa di nnɛɛ;kamakpɛ mba nikɔkpɛko fɔ niibabi lɛfɔ kafɔɔ kamadiki ma.26Kamata mba nienyinka fɔ bɛɛtɛ ni kaasɔ nwee mma bamu suoto sina;babasiɛ mma bamu ntɔ fɛ nta.Ninfɛ di batii bamuu kamatofoalɛ, ami SAATE nwu, ninle fɔ Funtɛ,ku Dikitɛ, Yakob Sientɛ nwu.”The Seed Company