YESAYA51
Baabuɛ Kɔnɛɛ Okpee Kaafutu Sɛlaa Baata Yerusalem
1“Bikyɔɔ mi atoko, aye ba nikowolaa ni ɔsaabla tininiaye ba nikowolaa ni SAATE nwu:Binyu difuɔnkpaa le kamɛ beewola ye beediki niku difuɔnkpaa kabiɛkɔ ka beekutu ye beediki ni;2binyu teeye Abraham,ku Sara wɔ nialofo ye ni.Obe wɔ lalɛɛ nwɔ ni otii onwii aale,kafɔɔ lawii nwɔ lɛyɔɔ lɛtɔɔ banantii kpinwu.3Nwaako Saate nwu kamakpee Sion kɔnɛɛ kaafutuabanyu mbiɛkɔ nɔɔ mmuu kafɔɔ ku nyaami ɔnya;ababla ɔfaafuu nɔɔ fɛle Eden,kasɔ fukuti nɔɔ fɛle Saate nwu kɔba.Babanya suoto lɛyɔɔ ku lɛpɔ ninwɔɔ kamɛ,sɛfa ɔpɛ ku sinu ɔsa sɛlɔ.4“Batii nii, bikyɔɔ mi atoko;kale nii, binu mi ɔlaa:Kufiofa nwu kamadie di ɔkyɛ nii kunsifi;lɛkanko tinini nii kamakple lɛkpa ninta nnle.5Ɔsaabla tinini nii kɔwa wla,didiki nii nkyɛ di osukukɔnɛɛ nii kafɔɔ kamakanko nnle.Nsɔ nwu di ntu lɛmana diekyi ni nsoko miboonyu osuku manta kɔnɛɛ nii ɔsaabla.6Bitakatɛsa anu lee binyu osi,biɛwakosa anu kasɔ binyu kasɔ;osi nwu kamayɛ fɛ kɔyɔ,kasɔ kamayɛɛ fɛ dibulakamɛ nika basiɛtɛ kamakpi fɛ basunsũ.Kafɔɔ didiki nii kamate dinaa ni kaloo,ɔsaabla tinini nii kafɔɔ dilabawa kaloo diidii.7“Bikyɔɔ mi atoko, aye ba ninye ni nle ninlɛ ni,aye batii ba di kufiofa nii nsi ye ni di otu kamɛ:Bitanyɛkɛ nse batii lelo ye lɔpɔɔee difu lapɛ ye di atufa lɛma suoto.8Diekye bakunsũ kamawee ma fɛ dibula;dikudikudi nwu kamaya ma fɛ oleteku.Kafɔɔ ɔsaabla tinini nii kamate dinaa ni kaloo,didiki nii kamafe di ana amuu kamɛ.”9Sɛnkɛ, sɛnkɛ! Faakpee osie,oo SAATE kɔnɛɛ;sɛnkɛ fɛ saa obe wɔ nintɔbafe ni,fɛ saa ana obe kamɛ.Diele afɔ niabɛbɛɛ Rahab kɔkyɛɛ kɔkyɛɛfaatofo kafɔɔ boso nwu lɛsaa?10Diele afɔ niasɔɔsa lekpo nwu,ntu nwu kakyofokɔ,faadiki osuku di lekpo nwu kakyofokɔmmle okle di batii ba faadiki ni kafuo ni ɔtaalɛ?11Mmle okle di batii ba di SAATE nwu lefũ ɛɛya ni kamakple manwa.Bababuo Sion ku sinu;suoto lɛyɔɔ le ninnaa ni kaloo lɛkakoto katika di asi lɛma.Lɛpɔ ku suoto lɛyɔɔ kamakple ma lele,sɛnyaami ku sikududu owi dilabasinwɛ.12Ami, nwaako ami, ninle otii wɔ ninkpee ye ni kɔnnɛɛ kaafutu.Be oso fɔɔyɛkɛ otii-nyubatii babisuɔtɔbi ba ninte ni fɛ sɛfa,13alɛ faayee SAATE nwu Blatɛ lɛfɔ,nnwɔ niɛnanfi ni koloɛɛtɛ ni kasɔ kafɔɔ lɛsɔse,alɛ faasiɛ di lɛyɛkɛ kamɛ dii bialata nyinkatɛ ɔblɔ oso,nnwɔ nielolaa ni suoto alɛ ɔɔwɔɔsa ni asaa?Ɔfɛ di nyinkatɛ nwu ɔblɔ nkpe?14Babadiɛ leyo batentɛ wla;blabakpi di leyo katenkɔ lɛma nwu nkpo,ee alesaa afĩ ma.15Diekye ami ninle SAATE nwu Yaa lɛfɔ,nnwɔ ninta lekpo nfuu ninkpɛ ni afɛɛfɔ-leyooto nɔɔ ninle Saate wɔ Ninlenke ni.16Ntɔɔyɔ sɛlaa nii lekpee fɔ kaanyaletĩi fɔ kafɔɔ ku kɔnɛɛ nii oyududu-ami niese kolo di nfũ kute nii,ni lese kafɔɔ kasɔ lɛsɔse nɛ,ni latɔkɔ Sion nlɛ, ‘Aye ninle mi batii nɛ.’ ”Yerusalem Dibuo Kalookɔ
17Sɛnkɛ, sɛnkɛ!Oo Yerusalem, taka,afɔ wɔ nintoonyi feekyeko ni SAATE nwu nnɛɛ kamɛdi ɔblɔ nɔɔ opũ nwu kamɛ,fatoonyi fɛɛlaase bia akpitidi opũ wɔ ninta batii nnsiɛ nii.18Di babisuɔtɔbi ba bamuu eelofo niikuonwii lɛma ditawɛ aatuo nwɔ ni osuku;babisuɔtɔbi ba bamuu aanyu ni disikuonwii ditawɛ aaklee nwɔ ni kɔɔnɛɛ.19Abuo anyɔ ya mmle ntɔɔwa fɔ di suoto-owe nimakpee fɔ kɔnɛɛ kaafutu?-asaa ɔlalaasa ku kawɔɔ, kɔka ku kapamii-owe nimafuo fɔ obunka?20Ɔnyɛɛ ntooloo babisuɔtɔbi lɛfɔ;batente di lɛkpaka biala,fɛ kakpini niebuo okũ.SAATE nwu ɔblɔ ntoomiɛ maku Yaa ɔlaa osĩ ɔta.21Nkpo oso nu ɔlaa wɔ mmle, afɔ wɔ batootuo ni dibuo,bɛɛta fɔ foosiɛ, kafɔɔ diele nta feenyi.22Nnya ɔlaa wɔ di SAATE Kplɛ lɛfɔ nwu kobuɛ ni alɛ,Yaa lɛfɔ wɔ nintitĩi ni batii nɔɔ:“Nyu, ntoofũ opũ wɔ niɛta fɔ foosiɛ nidi nnɛɛ lɛfɔ kamɛ;diidii flɔbasinnyidi opũ nwu, ɔblɔ nii opũ nwu kamɛ.23Kamayɔ nwu nkleesa mba niabla ye ni amumu,mba niatɔkɔ ye ni alɛ,‘Biklɛ bite kaasɔ buɔnafu ye bufe.’Ni biabla kamaa lee fɛle kasɔ,fɛle osuku baakyɛ manfe nii.”The Seed Company