Meng Lai52
Mami dow David kowh meng chekhai. Mami meng aia tek mih dow Ahimelek kim kowi aia uowi pami satang Sawl kowi Edawm chenchap Doeg uang phowng pe khe kowh chekhai.
1Aw akürma mih siphai, tawngplawng kowchow en kowh lup ngak hown en tuk chang bawri khai?Thurai dow achowngma chet tara nowm reng pami en tuk dowi ü?2En kowh sangkrangra dow nakrawi piak maru kown mih kangowh chekhai,en dow kuanlama, en kowh dai dow achukma mih sangthünchow iawng chekhai.3En dow aiung lak-e angak kowi en lang nau khai,now lainowm lak-e dai lai kowi en lang nau khai.4Aw kuanlalu, en dow krawi kuan maru reng,en dow maru napiakla kown mih laiklow prakowi lang nau chekhai.5Nachenganchepaw Thurai dow chowngchowng saksakma vüi nahing piakta en kown;aia dow en kim hownia nauang küngla en kown,aia dow lusa maru uowi mih pren hownia mawh chawi iawng nachawi en kown.6Naiawngün khita hanow Thurai maru-uüa dow ringkawma hown nakram kown,amatni dow prawngren en se natek en kown mih,7“Pai iow, paimi maru dow Thurai luk kowi neplawng nesak dowi pai,paimi maru dow aia kowh dawngthawnguan luk kowi chowtaih neplawng nesak reng.Aia dow aia kowh angakma mih kür luk kowi neplawng nesak khai,” napa kown.8Nachenganchepaw ang dow Thurai kim kowi kowh awr iuk mih kanrawn singh iawng chekhai;ang dow Thurai kowh achur uowi dowi mih sakraura luk kowi neplawng nesak reng chekhai.9Aw Thurai, en kowh lup rakowi atungma ang nakiow en kown,en iung mih lawnguan dow en maru-uüa pur kowi ang naphuang kown.The Seed Company