Meng Lai53
Mami dow David kowh meng chekhai.
1Abualama mih maru-uüa dow Thurai uowi dowi padow tuak reng,amatni dow lup ngak hai suiiai kaniaima mih lup chang reng chekhai.Lup iung chang mih maru amiapaw uowi dowi bowt chekhai.2Thurai dow mukuang pren hownia lusa maru kowi iu tang müah reng chekhai;aia iu tang mü mih dow chanlaima hown mang mih uowi ne chünchü mih natukla kownkow chekhai,now aia kowi cham mih uowi ne chünchü mih natukla kownkow chekhai.3Tawkche maru kawmuüa dow tiama nowm hownia plan bowk khowk,amatni dow piak bowk khowk chekhai.Lup iung chang mih maru lowk iachow khowm uowi dowk chekhai.4Chang lup ngak mih maru-uüa tawng chow khowt pat tuk buala khai?Amatni dow tawngpaw tuak dowi kowi ang maru-uüa kowi piakah khai,now Thurai kowi nachup kown mih paw tuak büah dowi chekhai.5Tawkche akung kowi amatni dow lainowmma nakram kown,amatni dow nami dowi rawn naiawng khowt katpaw kram dowi tak chekhai.Tawngplawng kowchow panow aia maru-uüa kowh ransu-uüa hut mih Thurai nacham setta pe plawt kown,ransu-uüa kowi dow Thurai nuata rakowi aia maru-uüa mih nanowngta kown.6Israeluüa kowh lawngra dow Zaiawn hungh hownia pacham uang lah.Thurai dow aia maru-uüa kowi naplan peah iungra iawk kown;Jakawb krungchakuüa dow naawmrawm kown,Israel krungchakuüa dow napiaw bowt kown.The Seed Company