Meng Lai38
Mami dow David kowh meng chekhai. Mami dow sak kowi towah reng kown mih meng chekhai.
1Aw CHAKRAMANG, en kunmarau rakowi hauang nang ang diah,en kunmarau ang lai rakowi hauang hawi ang diah.2Tawngplawng kowchow panow leba sek hown en ap ang khai,en kowh rut hown en uang napta ang hüah khai.3En kunmarau ang rakowi ang kowh kow nga mih nowm khowk,ang kowh angak rakowi ang kowh hut paw iung dowi bowt chekhai.4Ang kowh lup ngak dow hu krang ang luk kowi chut khai bowt,ang kowh angak di lai bowt kowh ang nowng kurah dowi bowt chekhai.5Ang buala lai rakowi ang kowh ma hownia nam ngak tauet khai bowt,nami ma dow uown su iawlaw khowk chekhai.6Ang kowh arau rakowi ang tabawk hüah towbowt,uowila uiting uangtak mih iawng ni chut chi ang uowi khai.7Ang kowh kawmh paw lainowmma rau khai,ang kowh kow mih lainowmma nga khai bowt.8Ang kowh kür uowi dowi bowt kowh ang tim khai bowt,ang kowh sak-uih rau lai bowt kowh ang nguk runrun towbowt.9Aw CHAKRAMANG, ang kowh naura sia en tuk bowk chekhai,ang kowh sak hü kawm mih khowm padow en tut-e ia tapet dowi chekhai.10Ang kowh sakmowr mih thü dukluk towbowt, ang kowh kür uowi dowi bowt,now ang kowh mik khowm padow uang iiu tüng khowk chekhai.11Maiawng ang uowi mih khi hanow ang auiuauüa khowm padow alakma lang uowi khai,ang kowh kimchakuüa khowm padow ang hownia alakma lang süt khai.12Lim ang sak miuüa dow chak ang leng khai,napiak ang kown nau miuüa dow tüng ang kram khai.Ni chut chi amatni dow nakuan ang kownkow thawp prengia khai.13Param pangma mih iawng ang chowng khai bowt, tawngpaw ang ta dowi bowt;lai a-ma mih iawng ang chowng khai bowt, tawngpaw ang nowng tek dowi bowt.14Ang dow maru klang ang khe tawngpaw ta dowi mih maru iawng towbowt chekhai,now tawngpaw tuk tek dowi mih maru iawng towbowt chekhai.15Aw CHAKRAMANG, en prakowi ang tang mü khai,aw CHAKRAMANG ang kowh Thurai, en chowtaih nauang klang ang kown.16Tawngplawng kowchow panow, “Ang tatheu khe ransu-uüa kowi hangkow pe awmrawmah diah,amatni kowi mih ang rakowi hangkow pe ka changah bawri diah,” pahai ang tek en khowk chekhai.17Tawngplawng kowchow panow ang natim kown chowbowt,ang kowh arau mih mapaw rim dowi bowt chekhai.18Ang kowh atawi mih ang uang taphuang khowk,ang kowh angak rakowi ang kowh sak piak khai bowt.19Ang kowh ransu-uüa dow kow iungma hai akürma chekhai,aiawnglowma sui ang mih maru akawmma chekhai.20Amatni dow ang changah aiung mih takcha chang ang angak khai,ang krawi cham aiung rakowi amatni dow kingküa ang khai.21Aw CHAKRAMANG, hauang nuata ang diah,Aw ang kowh Thurai, ang hownia alakma kowi hang cham uowi diah.22Aw CHAKRAMANG, ang kowh lawng miia,nauang khowng ang kownkow alenma uang tarü diah.The Seed Company