Meng Lai37
David kowh meng.
1Maru ngakuüa lawnguan kowi hangkow tuak krat diah,maru chang lup ngak mih khi hanow hangkow ir diah.2Tawngplawng kowchow panow maru ngakuüa dow bawrchak iawng nalüa keu kown taih,amatni dow asingma mih pram iawng mün ni paw nakham kown nadowi.3CHAKRAMANG luk kowi owmsak reng diah, now chang lup iung reng diah;nahanow enni kowh pren kowi athaulangma hai aiungma enni naka uowi kown.4CHAKRAMANG tut-e cham awmrawmra diah;nahanow en sak nau iawng aia nachang en kown taih.5En kowh sangkrangra maten CHAKRAMANG luk kowi tang pe diah,aia luk kowi neplawng nesak diah; nahanow aia mih nakhowng en kown taih.6Aia dow en kowh tachi tanawmra mih anowi iawng tawk pluplup nachang en kown,en kowh anowmma mih lup dow ni-e kowh sat nowi iawng achimma natüng en kown.7CHAKRAMANG pur kowi sak klamma hown uowi diah,kunma thawngma hown aia kowi hawt chawngah diah.Maru ngakuüa chang lup ngak mih phaw khai chepaw hangkow tuak krat diah,amatni kowh sangkrangra ngak iawng lup phaw khai chepaw hangkow sak-hiah diah.8Kunmaraura rimta diah, kunma ngak tüng nuata diah.Tawngplawng kowchow panow nami dow angak prakowi napawla en kown mih taih.9Maru ngakuüa kowi dow CHAKRAMANG napiakta kown.Tawkche CHAKRAMANG luk kowi owmsak miuüa dow naka powng pren kown.10Khin kra dowi kowi maru ngakuüa dow nachur kown chowbowt,amatni kowi dow krawi chamah chepaw naka kown nadowi bowt.11Nachenganchepaw khamsum khamdaw miuüa dow naka powng pren kown,thaulangma ka uowi rakowi amatni dow napiaw napa kown.12Maru ngakuüa dow maru iunguüa kowi kingküala kown mih sangkrang reng,amatni dow maru iunguüa kowi sui lai bowt kowh mik ngak hown müah khai.13Nachenganchepaw CHAKRAMANG dow maru ngakuüa kowh piakra ni uang tawn khowk mih tuk chekhai.Naiawng rakowi aia dow maru ngakuüa kowi müah hanow renah reng chekhai.14Ngarai miuüa hai akhawr hown uowi miuüa kowi napiakah kownkow,tiama nowm kowi mang miuüa kowi nasaita kownkowmaru ngakuüa dow par saidawng hai uüi leba reng chekhai.15Tawkchedow amatni kowh saidawng mih amatni buk kowi chowtaih nakup kown,now amatni kowh leba paw nataklowk kown.16Maru ngakuüa kowh dow dawngthawnguan ahuma uowi chepaw naia.Tawkche dawngthawnguan a-echow chepaw Thurai nau iawng uowi mih lang iung.17Maru ngakuüa kowh rut dow nataklowk kown.Tawkche Thurai maru-uüa kowi dow CHAKRAMANG nadowkah reng kown.18CHAKRAMANG dow ni towng maru iunguüa kowi mingkhetah reng chekhai,amatni kowh dawngthawnguan kakbak dow chowngchowng saksakma nauowi reng kown.19Akrat pusa mih khin khe amatni dow narukrai kown nadowi,khown kuak mih khin khe amatni dow alawkma naka chakkham kown.20Nachenganchepaw maru ngakuüa dow napiak kown;CHAKRAMANG kowh ransu-uüa dow klangiungma mih pau iawng natama kown,amatni dow maikhük tama mih iawng alenma natama kown.21Maru ngakuüa dow cham paw tangka khawi chepaw planah dowi bowt chekhai.Tawkche Thurai maru-uüa dow kawklawma hai saksing sanama chekhai.22CHAKRAMANG peah prasi miuüa dow naka powng pren kown.Tawkche CHAKRAMANG peah piati miuüa dow napiak bowk kown.23CHAKRAMANG dow aia maru-uüa kowi khowm bowk pe tiama reng chekhai;aia kowi peah awmrawmra reng miuüa kowi dow aia khetah reng chekhai.24Tim khowk chepaw amatni dow naplan rü iawk kown.Tawngplawng kowchow panow amatni kowi dow CHAKRAMANG dowkah reng chekhai.25Ang klanguüa kowh ang lawngtang prang towbowt;tawkche Thurai nau iawng uowi miuüa kowi Thurai nuata mih hai,amatni kowh krungchakuüa lu lük takla mih ang khi dowi tak chekhai.26Amatni dow kawklawma hai pe tangka khawi reng,amatni nakaah kown mih chu chauüa dow amatni kowh prasira chekhai.27Lup ngak chang towta diah, now chang lup iung diah;nahanow nami pren kowi dow chownglawng prat naka uowi kown.28Tawngplawng kowchow panow CHAKRAMANG dow tara nowm kowi lang nau reng;aia dow aia maru-uüa kowi nuata dowi chekhai.Aia maru-uüa kowi dow chowngchowng saksakma aia natakhula reng kown.Tawkche maru ngakuüa kowh krungchakuüa kowi dow aia napiakah reng kown.29Achinawmma miuüa dow naka powng pren reng kown,now amatni dow nakowi naka uowi reng kown.30Thurai maru-uüa kowh nawr dow tek chanlai laiklow reng,amatni kowh dai dow tara nowm laiklow tek reng chekhai.31Amatni dow Thurai kowh ari aiang sak kowi towah reng chekhai,aia tiama hownia dow nacham tapleng büah kown nadowi.32Maru ngakuüa dow Thurai maru-uüa kowi krawi mitah reng,amatni dow Thurai maru-uüa kowi nasaiah kownkow kamrüt reng chekhai.33Nachenganchepaw CHAKRAMANG dow amatni kowi mih maru ngakuüa rut kowi naap-ah kown nadowi,aia maru-uüa kowi dow tara chetra kowi mih CHAKRAMANG natang pe aprek kown nadowi chekhai.34CHAKRAMANG luk kowi owmsak diah, now aia tiama kowi mang diah;nahanow en naka powng pren kownkow kri kraingma aia nachang en kown,now ransu-uüa piak mih khin khe en namüah phülü kown.35Angakma mih maru iuksown mih ang khi khowk,aia dow krawng iungma mih kowi kowh singh sa urlur mih iawng chekhai.36Tawkche akung kowi dow aia mih tapiak hanow hing tama khai;aia kowi ang krawi chamah chepaw ang krumah dowi chekhai.37Anowmma mih hai aiungma mih maru prakowi tang mü diah,nau taking tasangra reng miuüa kowh dow krungchak nauowi kown.38Tawkche maru ngakuüa dow natapiak kown,maru ngakuüa kowh krungchakuüa dow napiak bowk kown.39Thurai maru-uüa kowi lawngah reng mih dow CHAKRAMANG chowtaih,aia dow kla phih mih khin khe kowh akhawtma mih kangchawngra kim chekhai.40Amatni kowi dow CHAKRAMANG khowngah hai takhula reng,amatni kowi dow ransu-uüa rut hownia CHAKRAMANG lawngah reng chekhai.Amatni dow CHAKRAMANG tut-e tatung tanim reng chekhai.Naiawng rakowi amatni kowi dow CHAKRAMANG lawngah reng chekhai.The Seed Company