Meng Lai39
Meng sara Jeduthun vüi kowi kowh David tekah mih meng.
1Ang tek mih, “Kaneuma ang natek laiklow kown;ang kowh dai hown mapaw ang chang angak dowi pat.Ang pur kowi maru ngakuüa uowi mowr mih,ang kowh nawr ang namumta hüah kown,” pakhai.2Naiawng rakowi mumta nawr hanow ririmma ang uowi khai,lai iung khowm padow ang tek dowi bowt chekhai;tawkche ang kowh tuak kratra mih uang hu ngamlam khai.3Ang kowh sak mih den hunglung khai,ang sak kowi mih maih lün pluplup iawng ang tatuk khai.Achur kowi ang tek mih,4“Aw CHAKRAMANG, tawng khe chow ang kowh chowng chur kown?Mün ni tak chow ang nasing kown mih tek ang diah,ang kowh chownglawng mün khowt chow town khai mih pe tuk ang diah.5Ang kowh chownglawng dow apawkchow taih en chang ang khai;en mik kowi dow ang kowh chownglawng mih tawngpaw nadowi chekhai,lusa maru kowh chownglawng dow kawli krowngchow klen kowi tawngpaw nadowi chekhai.6Lusa maru kowh chownglawng dow atowngchow taih.Nami dow anim iawng alenma tama reng chekhai;Lusa maru dow aiawnglowma pusa khai;amatni dow krüm dawngthawnguan khai.Tawkche nami dawngthawnguan mia chow ta powng kown mih tuk büah dowi.7“Aw CHAKRAMANG, tawng kowi chow ang owmsak bowt kown?Ang kowh owmsakra maten dow en luk kowi chowtaih chekhai.8Ang kowh angak maten hownia uang lawng ang diah,sangching uowi dowi miuüa tut-e hauang changla ang rensi kau diah.9Ririmma ang uowi khai, ang nalai kown nadowi bowt;tawngplawng kowchow panow mami akratra maten dow en uang pe tingah mih chowtaih.10Ang luk kowi kowh en kowh ripra mih henta ang diah,en rut hown kowh müa dang hown ang nakowng kown chowbowt.11Angak rakowi maru kowi lai rangma hown en hawiah reng.Nakhowk khe lowngsirin natchowua kowi iawngamatni kowh chownglawng khowm en piakta pe reng.Lusa maru dow kawli krowngchow taih chekhai.12“Aw CHAKRAMANG, ang awr lü mih sünta ang diah,ang awr kar mih kowi pe param diah;ang kowh mik tui khi hanow ririmma hang uowi diah;tawngplawng kowchow panow ang kowh pipu-uüa maten iawng ang uowi khai,mami lusa kowi dow en pur kowi khari kowi mih iawng ang uowi khai.13Kowng dowi rawn ang naia awmrawmla iawk kownkowang luk hownia en kowh mik mük ngak mih cham plengta ang diah,” pakhai.The Seed Company