2 Samuel18
1Akung kowi dow David mih aia kowh siphai hawmh maten kowi kuaah khai. Now naiawngün siphaiuüa luk kowi dow 1,000 ia kowi lowk ia, 100 ia kowi lowk ia chi aia tow pe aluchow khai.2Aia dow siphaiuüa kowi changah sum thum khai. Nami sum thum kowi pathum mih luk kowi kowh aluchow dow Joab, alowk mih thum kowi kowh aluchow dow Abisai, now alowk mih thum kowi kowh aluchow dow Ittai kowi aia tow pe khai. Abisai dow Joab kowh tainau chekhai, now Ittai dow Gatuüa süng hownia kowh maru chekhai. Now amatni kowi dow mang mih cham chinah tasen khai. Nakhowk khe siphaiuüa kowi mang tek pe mih, “Ang paw enni hown natawi kown,” pakhai.3Nachenganchepaw amatni tek pe mih, “Tasenra kowi en tawi lakke dowi tham. Anging powtta pe khai chepaw Absalawm kowh siphaiuüa nasak nga kown nadowi. Now saita anging dawnglang chepaw amatni dow nasak-ih kown nadowi. Amatni nau mih dow nasaita en kown mih chekhai. Amatni tut-e dow anging 10,000 ia lak-e en asung lang uowi chekhai. Naiawng rakowi marow kowi ta uowi now en uai khowng anging mih nalang iung rowt kown,” pakhai.4Mang klangah mih, “Enni tut-e iung iawng ang chang kown towbowt,” pape khai.
Now Joab, Abisai hai Ittai büah kowi mang peah ana mih, “Ang chapa Absalawm klanguüa kowi dow ang vüi kowi hangkow changah naklak büa diah,” pakhai. Absalawm lawnguan kowi naiawng siphai aluchowuüa kowi mang peah ana mih khin khe siphai hawmh dow tawi ta bowk chekhai.
Now David kowh 1,000 ia hai 100 ia mih siphai thumchakuüa dow Absalawm thumchak kowi nakowsenah kownkow lawt khai bowt. Nami khin khe mang dow marow tapplawt re-e ta iowng khai.7Nami ni dow Efraim süng kowi kaurawng kowi lainowmma tasen büah khai. David kowh siphaiuüa dow Absalawm kowh siphai 20,000 ia kowi saita khai. Absalawm kowh siphaiuüa dow tasen kowh kowng mih lak-e nami kaurawng kowi kowh kramra uowima mih chap hown kowng mih lang kawm chekhai. Naiawng hai David kowh siphaiuüa dow Absalawm kowh siphaiuüa kowi nowngta khai.9Tasen thüm khe Absalawm dow David kowh siphai hawmh hown uang takrum mowk khai. Naiawng rakowi aia dow aiukma mih sasua singh krüa iawng kawrnga hown iu powt khai. Nakhowk khe aia kowh lu dow nami singh mia bakka kowi takap khai. Now nami kawrnga dow chetta pe hanow aia dow tatar hüah khai.10David kowh maru lowk ia dow nami khita hanow kowtek pe Joab mih, “Sasua singh kowi Absalawm tatar hüah mih ang khi,” pakhai.11Nami maru kowi Joab tek pe mih, “Absalawm kowi en khi ah? Naiawng en khi khowk now tawngplawng kowchow aia kowi en saita dowi? Aia kowi en saita e dow tai hamüt iun hai tasen müa kekawm lowk ang pe en kown chowdiah,” pakhai.12Nami maru klangah mih, “En pe ang tai 1,000 iun chepaw mang kowh chapa kowi ang saiah dowi tham. Aia kowh chapa Absalawm kowi nachangah naklak dowi kownkow en kowi, Abisai kowi hai Ittai kowi mang pe enni ana mih anging ta bowk chekhai.13Mang kaah sakowm dowi iawng aia kowh chapa Absalawm kowi ang saita pe khai e dow nami lawnguan mang mih natuk ngengche kown. Tawngplawng kowchow panow aia tut-e dow tawngpaw nowngia ta-it dowi chekhai. Now nakhowk khe dow en paw natawi tangila ang kown nadowi tham,” pape khai.14Joab tek pe mih, “En hown iawm khin kown ang nau dowi chekhai,” pakhai. Now Joab dow pawla reh sum pung hanow Absalawm sakmowr kowi kowsawtah khai. Nakhowk khe paw Absalawm dow sasua singh kowi tatar kawlaw tawkche kowng dowi tak chekhai.15Nami kung kowi Joab kowh tasen müa rutchün khawkleng uai mih siphai hamüt ia dow Absalawm kowi rumta lut khai, now amatni dow aia kowi sawtah hanow kowngta khai.16Nami kung kowi dow Joab mih nataingta tasen bowt kownkow tum baw khai. Naiawng rakowi siphai hawmh dow Absalawm kowh siphaiuüa kowi kawikrawi dowi bowt chekhai.17Now amatni dow Absalawm kowh uak mih kaurawng kowi kowh kuam iukma mih kowi kowkuakah khai. Now nami luk kowi dow cham kua pe hua hanow hua chun aiukma thawp pe lowk khai. Nami takra kowi Absalawm kowh Israel siphaiuüa dow chowlowkkow kim prakowi powt büah khai bowt.18Absalawm dow aia sing uowi reng tak khe Mang Lawngrawi kowi aiamat vüi chowk hua lowk khai. Tawngplawng kowchow panow aia tek mih, “Nata town ang ming kown mih ang kowh dow lowk iachow paw chapa uowi dowi chekhai,” pakhai. Naiawng rakowi aia dow nami hua kowi mih aia kowh ming chap pe khai. Kawmat paw nami chowkah mih hua kowi Absalawm kowh hua chowk padow maru tek pe reng chekhai.19Nami kung kowi uamow Zadawk kowh chapa Ahimaz tek pe Joab mih, “CHAKRAMANG dow David kowi mih ransu-uüa rut hownia lawngah khai bowt pami satang iung David tut-e kowpe tek ang diah,” pakhai.20Joab tek pe mih, “Aia kowh chapa kowng khai chedow ani mih tawng iawng mih satang iung paw David kowi hangkow tek pe diah. Akeng mih ni khe kowtek pe iang,” pape khai.21Nami kung kowi Ethiawpia chenchap maru lowk ia kowi Joab tek pe mih, “En khi-ah mih maten mang kowi kowtek pe diah,” pakhai. Nahanow nami maru dow Joab kowi chupla hanow kowiowm khai bowt.22Ahimaz plan tek pe Joab mih, “Lowra iawng pana lah. Sakrauma hown nami maru kung kowi pe kowi ang diah,” pakhai.
Joab klangah mih, “Pa, en kowtawi kown en nau mih tawng rakowi chow? En nakala awmrawm sung pat mih satang iung dow en kowh uowi dowi kowbow,” pakhai.23Ahimaz tek pe mih, “Lowra iawng pana lah. Pe kowi ang diah,” pakhai.
Nakhowk khe Joab tek pe mih, “Kowkowi bowt,” pape khai. Naiawng rakowi Ahimaz dow Jawrdan lawngrawi iawng kowkrawi iowm khai. Now Ethiawpia chenchap maru kowi kowkrawi ia owtta khai.24Nami khin khe David dow marow lak pra kowh tapplawt hai marow uat pra kowh tapplawt takra kowi chowm phülü khai. Now aia kowh kangchawng mih dow tapplawt luk kowi kowpün khai. Nakhowk khe kangchawng mih dow prang prakowi krawi tang mü hanow maru uai iowm lowk ia mih haikhita khai.25Now kangchawng mih dow mang kowi atünma iu hawah hanow nami lawnguan tek pe khai. Mang tek pe mih, “Maru che lowk iachow taih hanow uang pawla satang iung mih chowbowt,” pape khai. Now nami maru dow uang tatawn ngamlam khai bowt.26Nami kung kowi kangchawng mih dow maru uang plan iowm lowk ia mih plan khi khai iawk. Nakhowk khe aia dow marow tapplawt chawng mih maru kowi atünma iu hawah hanow tek pe mih, “Haimü madiah! Maru uang iowm lowk ia iawk,” pakhai.
Mang tek pe mih, “Nami paw uang pawla satang iung mih chowbowt,” pape khai.27Nakhowk khe kangchawng mih maru tek mih, “Uai rik iowm mih dow uamow Zadawk kowh chapa Ahimaz kowh iowm powmma kowbow?” pakhai.
Mang tek mih, “Aia dow maru iungma chekhai. Aia dow uang pawla satang iung mih chowbowt,” pape khai.28Ahimaz dow mang kowi atünma hawah se tek pe mih, “Taking tasangra pauowi lah,” pakhai. Nami kung kowi aia dow mang pur kowi krawng kowi tabawkah krawm se chupah khai. Now tek pe mih, “Mangkri, CHAKRAMANG en kowh Thurai dow akiow pauowi lah. Aia dow kingküa en mih maru-uüa kowi anging rut kowi apta anging khai bowt,” pakhai.29Aia kowi mang lüntaah mih, “Absalawm klanguüa dow iung reng tak bow?” pakhai.
Ahimaz klangah mih, “En tut-e Joab uang chin ang mih khin khe maru kawmuüa lainowmma pusa mih ang khila khai. Nachenganchepaw tawng chow own mih ang tuk dowi chekhai,” pape khai.30Mang tek pe mih, “En cham lang süt ditchow diah,” pakhai. Naiawng rakowi Ahimaz dow lang süt hanow cham lang iowng khai.31Nami kung kowi nami Ethiawpia chenchap maru dow kowting hanow tek pe mang mih, “Mangkri, en vüi ang uang pawla en satang iung mih chowbowt. Kingküa en miuüa rut hownia CHAKRAMANG mih ani dow lawng en khai bowt,” pakhai.32Nami Ethiawpia chenchap maru kowi mang lüntaah mih, “Absalawm klanguüa dow iung reng tak bow?” pakhai.
Nami maru tek pe mih, “Mangkri, en kowh ransu-uüa hai kingküa en miuüa maten dow Absalawm iawng pacham phaw lah,” pape khai.33Nami tata hanow mang dow lainowmma sak nga khai. Aia dow tapplawt luk kowi kowh kim kowi kowpün hanow kowkar khai. Aia dow awr pün khe karla se tekla mih, “Aw ang chapa Absalawm! Ang chapa Absalawm! En takcha ang che kowng khai panü! Aw Absalawm, ang chapa, ang chapa!” pakhai.
Now Joab, Abisai hai Ittai büah kowi mang peah ana mih, “Ang chapa Absalawm klanguüa kowi dow ang vüi kowi hangkow changah naklak büa diah,” pakhai. Absalawm lawnguan kowi naiawng siphai aluchowuüa kowi mang peah ana mih khin khe siphai hawmh dow tawi ta bowk chekhai.
Now David kowh 1,000 ia hai 100 ia mih siphai thumchakuüa dow Absalawm thumchak kowi nakowsenah kownkow lawt khai bowt. Nami khin khe mang dow marow tapplawt re-e ta iowng khai.7Nami ni dow Efraim süng kowi kaurawng kowi lainowmma tasen büah khai. David kowh siphaiuüa dow Absalawm kowh siphai 20,000 ia kowi saita khai. Absalawm kowh siphaiuüa dow tasen kowh kowng mih lak-e nami kaurawng kowi kowh kramra uowima mih chap hown kowng mih lang kawm chekhai. Naiawng hai David kowh siphaiuüa dow Absalawm kowh siphaiuüa kowi nowngta khai.9Tasen thüm khe Absalawm dow David kowh siphai hawmh hown uang takrum mowk khai. Naiawng rakowi aia dow aiukma mih sasua singh krüa iawng kawrnga hown iu powt khai. Nakhowk khe aia kowh lu dow nami singh mia bakka kowi takap khai. Now nami kawrnga dow chetta pe hanow aia dow tatar hüah khai.10David kowh maru lowk ia dow nami khita hanow kowtek pe Joab mih, “Sasua singh kowi Absalawm tatar hüah mih ang khi,” pakhai.11Nami maru kowi Joab tek pe mih, “Absalawm kowi en khi ah? Naiawng en khi khowk now tawngplawng kowchow aia kowi en saita dowi? Aia kowi en saita e dow tai hamüt iun hai tasen müa kekawm lowk ang pe en kown chowdiah,” pakhai.12Nami maru klangah mih, “En pe ang tai 1,000 iun chepaw mang kowh chapa kowi ang saiah dowi tham. Aia kowh chapa Absalawm kowi nachangah naklak dowi kownkow en kowi, Abisai kowi hai Ittai kowi mang pe enni ana mih anging ta bowk chekhai.13Mang kaah sakowm dowi iawng aia kowh chapa Absalawm kowi ang saita pe khai e dow nami lawnguan mang mih natuk ngengche kown. Tawngplawng kowchow panow aia tut-e dow tawngpaw nowngia ta-it dowi chekhai. Now nakhowk khe dow en paw natawi tangila ang kown nadowi tham,” pape khai.14Joab tek pe mih, “En hown iawm khin kown ang nau dowi chekhai,” pakhai. Now Joab dow pawla reh sum pung hanow Absalawm sakmowr kowi kowsawtah khai. Nakhowk khe paw Absalawm dow sasua singh kowi tatar kawlaw tawkche kowng dowi tak chekhai.15Nami kung kowi Joab kowh tasen müa rutchün khawkleng uai mih siphai hamüt ia dow Absalawm kowi rumta lut khai, now amatni dow aia kowi sawtah hanow kowngta khai.16Nami kung kowi dow Joab mih nataingta tasen bowt kownkow tum baw khai. Naiawng rakowi siphai hawmh dow Absalawm kowh siphaiuüa kowi kawikrawi dowi bowt chekhai.17Now amatni dow Absalawm kowh uak mih kaurawng kowi kowh kuam iukma mih kowi kowkuakah khai. Now nami luk kowi dow cham kua pe hua hanow hua chun aiukma thawp pe lowk khai. Nami takra kowi Absalawm kowh Israel siphaiuüa dow chowlowkkow kim prakowi powt büah khai bowt.18Absalawm dow aia sing uowi reng tak khe Mang Lawngrawi kowi aiamat vüi chowk hua lowk khai. Tawngplawng kowchow panow aia tek mih, “Nata town ang ming kown mih ang kowh dow lowk iachow paw chapa uowi dowi chekhai,” pakhai. Naiawng rakowi aia dow nami hua kowi mih aia kowh ming chap pe khai. Kawmat paw nami chowkah mih hua kowi Absalawm kowh hua chowk padow maru tek pe reng chekhai.19Nami kung kowi uamow Zadawk kowh chapa Ahimaz tek pe Joab mih, “CHAKRAMANG dow David kowi mih ransu-uüa rut hownia lawngah khai bowt pami satang iung David tut-e kowpe tek ang diah,” pakhai.20Joab tek pe mih, “Aia kowh chapa kowng khai chedow ani mih tawng iawng mih satang iung paw David kowi hangkow tek pe diah. Akeng mih ni khe kowtek pe iang,” pape khai.21Nami kung kowi Ethiawpia chenchap maru lowk ia kowi Joab tek pe mih, “En khi-ah mih maten mang kowi kowtek pe diah,” pakhai. Nahanow nami maru dow Joab kowi chupla hanow kowiowm khai bowt.22Ahimaz plan tek pe Joab mih, “Lowra iawng pana lah. Sakrauma hown nami maru kung kowi pe kowi ang diah,” pakhai.
Joab klangah mih, “Pa, en kowtawi kown en nau mih tawng rakowi chow? En nakala awmrawm sung pat mih satang iung dow en kowh uowi dowi kowbow,” pakhai.23Ahimaz tek pe mih, “Lowra iawng pana lah. Pe kowi ang diah,” pakhai.
Nakhowk khe Joab tek pe mih, “Kowkowi bowt,” pape khai. Naiawng rakowi Ahimaz dow Jawrdan lawngrawi iawng kowkrawi iowm khai. Now Ethiawpia chenchap maru kowi kowkrawi ia owtta khai.24Nami khin khe David dow marow lak pra kowh tapplawt hai marow uat pra kowh tapplawt takra kowi chowm phülü khai. Now aia kowh kangchawng mih dow tapplawt luk kowi kowpün khai. Nakhowk khe kangchawng mih dow prang prakowi krawi tang mü hanow maru uai iowm lowk ia mih haikhita khai.25Now kangchawng mih dow mang kowi atünma iu hawah hanow nami lawnguan tek pe khai. Mang tek pe mih, “Maru che lowk iachow taih hanow uang pawla satang iung mih chowbowt,” pape khai. Now nami maru dow uang tatawn ngamlam khai bowt.26Nami kung kowi kangchawng mih dow maru uang plan iowm lowk ia mih plan khi khai iawk. Nakhowk khe aia dow marow tapplawt chawng mih maru kowi atünma iu hawah hanow tek pe mih, “Haimü madiah! Maru uang iowm lowk ia iawk,” pakhai.
Mang tek pe mih, “Nami paw uang pawla satang iung mih chowbowt,” pape khai.27Nakhowk khe kangchawng mih maru tek mih, “Uai rik iowm mih dow uamow Zadawk kowh chapa Ahimaz kowh iowm powmma kowbow?” pakhai.
Mang tek mih, “Aia dow maru iungma chekhai. Aia dow uang pawla satang iung mih chowbowt,” pape khai.28Ahimaz dow mang kowi atünma hawah se tek pe mih, “Taking tasangra pauowi lah,” pakhai. Nami kung kowi aia dow mang pur kowi krawng kowi tabawkah krawm se chupah khai. Now tek pe mih, “Mangkri, CHAKRAMANG en kowh Thurai dow akiow pauowi lah. Aia dow kingküa en mih maru-uüa kowi anging rut kowi apta anging khai bowt,” pakhai.29Aia kowi mang lüntaah mih, “Absalawm klanguüa dow iung reng tak bow?” pakhai.
Ahimaz klangah mih, “En tut-e Joab uang chin ang mih khin khe maru kawmuüa lainowmma pusa mih ang khila khai. Nachenganchepaw tawng chow own mih ang tuk dowi chekhai,” pape khai.30Mang tek pe mih, “En cham lang süt ditchow diah,” pakhai. Naiawng rakowi Ahimaz dow lang süt hanow cham lang iowng khai.31Nami kung kowi nami Ethiawpia chenchap maru dow kowting hanow tek pe mang mih, “Mangkri, en vüi ang uang pawla en satang iung mih chowbowt. Kingküa en miuüa rut hownia CHAKRAMANG mih ani dow lawng en khai bowt,” pakhai.32Nami Ethiawpia chenchap maru kowi mang lüntaah mih, “Absalawm klanguüa dow iung reng tak bow?” pakhai.
Nami maru tek pe mih, “Mangkri, en kowh ransu-uüa hai kingküa en miuüa maten dow Absalawm iawng pacham phaw lah,” pape khai.33Nami tata hanow mang dow lainowmma sak nga khai. Aia dow tapplawt luk kowi kowh kim kowi kowpün hanow kowkar khai. Aia dow awr pün khe karla se tekla mih, “Aw ang chapa Absalawm! Ang chapa Absalawm! En takcha ang che kowng khai panü! Aw Absalawm, ang chapa, ang chapa!” pakhai.
The Seed Company