2 Samuel17
1Nami kung kowi dow Ahithofel plan tek pe Absalawm mih, “Pe rui ang maru iun 12,000 ia diah, now aiak mih David kowi pe krawi ang diah.2Aia bowm thüm khe aia kowi mih ang nakowsenah kown. Nahanow aia dow nakram kown, now aia tut-e uowi miuüa dow napowt bowk kown towbowt. Nakhowk khe dow mang lowk iachow kowi taih ang nasaiah kown.3Nahanow maru maten kowi dow en tut-e ang nauang pawla kown towbowt. Nakowngta kownkow en nau mih dow lowk iachow taih. Aia kowi ang kowngta hanow akeng miuüa maten dow pren kowi thaulangma nauowi kown taih,” pakhai.4Absalawm hai Israel lawngtang aluchowuüa dow Ahithofel kowh nami prengia mih nauta khai.5Nachenganchepaw Absalawm tek mih, “Arki krungchak Husai kowi uang hawla diah. Nami lawnguan kowi tawng chow aia tek kown mih a-i sünta pe madiah sik,” pakhai.6Husai uang ting khowk hanow Ahithofel kowh prengia lai dow Absalawm hawt tek pe khai. Now Husai kowi Absalawm lüntaah mih, “Ahithofel kowh prengia lawnguan kowi tawng chow en ka tuak? Aia tek iawng anging nachang kown bow? Nami prengia che en nauta dowi hanow pe anging prengia diah,” pakhai.7Husai tek pe Absalawm mih, “Khaleng kowh Ahithofel pe enni mih prengia tarapdow iung dowi chekhai.8En pa hai aia kowh maru-uüa dow tasen kiakma kangowh pami en aiawng tuk towbowt. Amatni dow kaurawng kowi kowh cham khün chah reng mih tawmma iawng kramra uowima chekhai. Nami klen kowi en pa dow tasen reng mih maru chekhai; aia dow aia kowh siphaiuüa tut-e natawi iak kown nadowi.9Aia dow puk kowi lah, akeng mih arah kowi lah kawmat mih nacham tapet bowt. Tasen uown prakowi en kowh siphaiuüa che kowng pre sum ia hanow nami satang ta miuüa natek kown mih, ‘Absalawm kowh siphai hawmh kowng sangrum khowk,’ napa kown.10Nakhowk khe dow akürma mih hai krangsi iawng sakkraingma mih en kowh siphai khowm padow kram kowh amawlawma nauowi kown. Tawngplawng kowchow panow en pa dow tasen kiakma, now aia tut-e kowh maru-uüa paw sakkraingma kangowh pami Israel maten tuk bowk chekhai.11“Naiawng rakowi ang kowh prengia dow maiawng: Dan marow hownia Ber-Seba marow mowr mih Israeluüa maten kowi rik kuaah diah. Nahanow amatni dow sata pang kowi kowh sema nowng rüaah dowi mih iawng akawmma naown kown towbowt. Now naiawngün maru-uüa hown en phai kowsen diah.12Nahanow lowra kowi aia cham uowi chepaw aia kowi dow a-i nakrawi ka kown towbowt. Now a-i dow nang kla khe kowh iawng akawm srui aia kowi nasenah kown. Aia hai aia kowh maru-uüa kowi dow lowk iachow kowi paw a-i nape singah kown nadowi.13Aia che marow kowi cham powt khai hanow nami marow dow leng hown a-i khuowkah kown, now tabur pat a-i Israeluüa maten naküngah kown. Now nami marow dow huaklu lowkchow khowm ta dowh dowi iawng lawngrawi kowi a-i nauang küngla kown,” pakhai.14Absalawm hai Israeluüa maten tek mih, “Ahithofel kowh prengia lak-e Husai kowh prengia lang iung,” pakhai. Tawngplawng kowchow panow Absalawm luk kowi nauang pawla pe piakra kownkow CHAKRAMANG dow Ahithofel kowh aiungma mih prengia napiakta pe kown mih rik khowmta khai bowt.15Nami kung kowi uamow Zadawk hai uamow Abiathar iüah kowi Husai tek pe mih, “Absalawm hai Israel lawngtang aluchowuüa kowi Ahithofel peah prengia chowdiah. Nachenganchepaw amatni kowi dow ang plan peah prengia khai.16Enchi mih mami satang kawmat David kowi krawi phowng pe kown mih, ‘Süngrüp süngkangma re-e kowh Jawrdan aw khawk hown nowng pownah mih arah kowi hangkow iak büah tham bowt; aw paipra pown kowi enni napown kown takla. Nadowi now en hai en kowh maru-uüa nakowng bowk kown chekhai,’ pape diah,” pakhai.17Nami khin khe Jonathan hai Ahimaz iüah dow En-Rogel pami arah kowi nata satang kownkow hawt chawng hüah chekhai. Tawngplawng kowchow panow amatchi dow Jerusalem marow kowi maru nakhi-ah kown mih nau iüah dowi chekhai. Amatchi kowi dow narma lowk ia mih uang phowng pe satang reng chekhai. Now nami satang dow mang David kowi amatchi kowplan phowng pe reng chekhai.18Nachenganchepaw akat khe dow amatchi kowi mih klanguüa lowk ia khita khai. Now nami klanguüa dow Absalawm kowi kowtek pe khai. Naiawng rakowi Jonathan hai Ahimaz iüah dow nami hownia alenma powt iüah khai, now Bahurim marow kowi kowh maru lowk ia kim kowi kowkup iüah khai. Nami maru kowh viadawng kowi dow tuikuam uowi lowk chekhai. Now amatchi dow nami tuikuam lak kowi kowtapet iüah khai.19Now nami kim iah kowh masi dow tuikuam mowr kowi iu be pe uanchow khai, now nami uanchow luk kowi dow dia pe luprak khai. Naiawng rakowi amatchi tapet mih dow miapaw tuk dowi chekhai.20Absalawm kowh maru-uüa dow uangah hanow nami kim iah masi kowi lüntaah mih, “Ahimaz hai Jonathan iüah tawng kowi chow?” pakhai.
Nami masiuüa klangah mih, “Amatchi dow aw paipra pown kowi chowbowt,” pape khai. Now Absalawm kowh maru-uüa dow kowiüah kowi krawi ka cham dowi chekhai. Naiawng rakowi amatni dow Jerusalem marow kowi uang plan khai.21Maru-uüa powt kung kowi Ahimaz hai Jonathan iüah dow nami tuikuam hownia awr lawt khai bowt. Now amatchi dow David tut-e kowkowi khai. David hai aia kowh maru-uüa kowi nasaiah kownkow Absalawm sangkrang mih lawnguan dow David kowi lawp pe iüah khai. Now amatchi tek pe mih, “Jawrdan aw paipra pown kowi alenma kowkowi büa diah,” pakhai.22Naiawng rakowi David hai aia kowh maru-uüa dow haiuown pown Jawrdan aw khai. Now amatni bowkbowk dow uar thowi dowi rawn Jawrdan aw paipra pown kowi kowting büah khai.23Ahithofel dow aia kowh prengia iawng Absalawm chang pe dowi mih tuk khai bowt. Naiawng rakowi aia dow kawrngaramchük luk kowi dau pe uan hanow marow kowi kowh aia kim kowi kowmang khai. Now aia kimchakuüa kowi aia kowh dawngthawnguan lawnguan tawng chow achang takla mih aia khowm bowkla pe khai. Nami kung kowi aia dow taawk khai. Now aia kowi dow a-pa kowh tadupra kowi dupah khai.24Nami kung kowi dow David mih Mahanaim marow kowi kowting khai bowt. Nami khin khe Absalawm dow Israeluüa maten hown Jawrdan aw paipra pown kowi kowtowm khai bowt.25Absalawm dow aia kowh siphai aluchow Joab takcha Amasa kowi towah khai. Amasa dow Ismael krungchak Jether kowh chapa chekhai. Now a-u dow Nahas kowh chama Abigail chekhai. Abigail hai Zerui iüah dow amachak chekhai. Zerui dow Joab kowh u chekhai.26Nami kung kowi dow Absalawm hai Israeluüa mih Gilead süng kowi kowkhup tangbung büah khai.27Mahanaim marow kowi David uang towm mih khin khe maru sum ia mih aia kowi uang khowngah khai. Lowk ia mih dow Amawnuüa kowh Rabba marow kowi kowh uowi mih Nahas kowh chapa Sobi chekhai. Alowk mih dow Lo-Debar marow kowi kowh uowi mih Amiel kowh chapa Makir chekhai. Now alowk mih dow Gilead süng kowi kowh Rogelim marow kowi uowi mih Barzilai chekhai.28Amatni dow David hai aia kowh maru-uüa vüi phangbek, biatum hai bawn puh ün uang pawla pe khai. Nami klen kowi David hai aia kowh maru-uüa nachaah kownkow püm, iakmow, kawmdi, püm haiia, be nuk, daing, kuai tui, iawn tui, chia iawn tui bawi hai ruapur ün uang pawla pe büah khai. Tawngplawng kowchow panow süngrüp süngkangma iawng uaimang mih lawi hawm sakkrai tui sakkrai hown amatni bowm khowk pami nami maru sum ia mih ka tuak khai.
Nami masiuüa klangah mih, “Amatchi dow aw paipra pown kowi chowbowt,” pape khai. Now Absalawm kowh maru-uüa dow kowiüah kowi krawi ka cham dowi chekhai. Naiawng rakowi amatni dow Jerusalem marow kowi uang plan khai.21Maru-uüa powt kung kowi Ahimaz hai Jonathan iüah dow nami tuikuam hownia awr lawt khai bowt. Now amatchi dow David tut-e kowkowi khai. David hai aia kowh maru-uüa kowi nasaiah kownkow Absalawm sangkrang mih lawnguan dow David kowi lawp pe iüah khai. Now amatchi tek pe mih, “Jawrdan aw paipra pown kowi alenma kowkowi büa diah,” pakhai.22Naiawng rakowi David hai aia kowh maru-uüa dow haiuown pown Jawrdan aw khai. Now amatni bowkbowk dow uar thowi dowi rawn Jawrdan aw paipra pown kowi kowting büah khai.23Ahithofel dow aia kowh prengia iawng Absalawm chang pe dowi mih tuk khai bowt. Naiawng rakowi aia dow kawrngaramchük luk kowi dau pe uan hanow marow kowi kowh aia kim kowi kowmang khai. Now aia kimchakuüa kowi aia kowh dawngthawnguan lawnguan tawng chow achang takla mih aia khowm bowkla pe khai. Nami kung kowi aia dow taawk khai. Now aia kowi dow a-pa kowh tadupra kowi dupah khai.24Nami kung kowi dow David mih Mahanaim marow kowi kowting khai bowt. Nami khin khe Absalawm dow Israeluüa maten hown Jawrdan aw paipra pown kowi kowtowm khai bowt.25Absalawm dow aia kowh siphai aluchow Joab takcha Amasa kowi towah khai. Amasa dow Ismael krungchak Jether kowh chapa chekhai. Now a-u dow Nahas kowh chama Abigail chekhai. Abigail hai Zerui iüah dow amachak chekhai. Zerui dow Joab kowh u chekhai.26Nami kung kowi dow Absalawm hai Israeluüa mih Gilead süng kowi kowkhup tangbung büah khai.27Mahanaim marow kowi David uang towm mih khin khe maru sum ia mih aia kowi uang khowngah khai. Lowk ia mih dow Amawnuüa kowh Rabba marow kowi kowh uowi mih Nahas kowh chapa Sobi chekhai. Alowk mih dow Lo-Debar marow kowi kowh uowi mih Amiel kowh chapa Makir chekhai. Now alowk mih dow Gilead süng kowi kowh Rogelim marow kowi uowi mih Barzilai chekhai.28Amatni dow David hai aia kowh maru-uüa vüi phangbek, biatum hai bawn puh ün uang pawla pe khai. Nami klen kowi David hai aia kowh maru-uüa nachaah kownkow püm, iakmow, kawmdi, püm haiia, be nuk, daing, kuai tui, iawn tui, chia iawn tui bawi hai ruapur ün uang pawla pe büah khai. Tawngplawng kowchow panow süngrüp süngkangma iawng uaimang mih lawi hawm sakkrai tui sakkrai hown amatni bowm khowk pami nami maru sum ia mih ka tuak khai.
The Seed Company