2 Samuel19
1Akung kowi Absalawm vüi kowi mang kar mih hai uowila uiting uangtak mih lawnguan dow Joab kowi maru uang tek pe khai.2Nami ni dow David kowh siphaiuüa tasen awng mih ni chowdiah. Nachenganchepaw achapa vüi mang uowila uiting uangtak mih satang tata hanow siphaiuüa mih sak nga khai.3Amatni dow tasenra hownia atawmpa rukrai hown uang powt mih maru-uüa iawng nami ni mih kukpa kukpa marow kowi uang kup büah khai.4Mang dow aia kowh rut hown pumta lumowr hanow atün atünma kar hulu se tek mih, “Aw ang chapa Absalawm! Aw Absalawm, ang chapa, ang chapa!” pakhai.5Nakhowk khe Joab dow mang kim kowi kowkowiah hanow tek pe mang mih, “En kowh siphaiuüa mih en, en kowh chauüa, en kowh masi hai en changla masi mih narmauüa kowi lawng enni khai. Nachenganchepaw amatni kowi dow ani mih en peah rukrai khai.6Sui en miuüa kowi en sakrauah khai, now sakrau en miuüa kowi dow en suiah khai. En kowh siphai aluchow hai en kowh siphaiuüa dow en tut-e tawngpaw nadowi pami ani achima en tüng ang khai bowt. Ani anging kowng bowk chepaw Absalawm che ta sing khai e dow en naawmrawm kown chowdiah.7Naiawng rakowi kawmat mih prang kowi kowlawt hanow en kowh maru-uüa kowi kowtek pe awmrawm lai diah. Tawngplawng kowchow panow CHAKRAMANG ming lüklau se ang tekta khowk, en che en kowh maru-uüa tut-e kowkowi dowi hanow aiak mih amiapaw en tut-e nauowi kown nadowi bowt. Nami dow asowmchow hownia kawmat mowr kowi kowh en krumla mih phih lak-e en vüi nalang iuk kown,” pakhai.8Naiawng rakowi mang dow awr rü hanow Mahanaim marow tapplawt kowi kowchowm khai. Nahanow maru kawmuüa dow mang tut-e uang büah khai. Jerusalem marow kowi David uang plan mih
Nami takra kowi Absalawm kowh Israel siphaiuüa dow chowlowkkow kim prakowi powt büah bowk khai.9Israel krungchak maru-uüa maten dow taüa lawmlawm se tatek mih, “Ransu-uüa hai Filistinuüa rut hownia kowh lawng a-i mih dow mang David chowtaih. Nachenganchepaw kawmat dow aia mih Absalawm rakowi Israel pren hownia cham powt khai.10A-i luk kowi nachowm mang kownkow a-i nümnapah mih Absalawm mang dow tasenra kowi kowng khai bowt. Naiawng e mang David kowi naplan haw kown mih lawnguan kowi tawngpaw enni tek dowi kowbow?” pabüah khai.11Israeluüa tatek mih lawnguan dow mang David ta khai bowt. Naiawng rakowi aia dow uamow Zadawk hai uamow Abiathar kowi Juda krungchak lawngtang aluchowuüa tut-e mami laiklow nakowtek pe kownkow kowchinah khai, “Israeluüa dow ang chowng mang mih nauta khowk. Tawngplawng kowchow enni dow ang kim kowi nauang plan pawla ang kown mih kowi enni kra reng tak?12Enni dow ang kowh tainau chekhai, now ang hown pabuk panga chak chekhai. Nachenganchepaw tawngplawng kowchow enni dow ang kim kowi nauang plan pawla ang kown mih kowi enni kra reng tak?13Now Amasa kowi paw mami ang kowh laiklow enchi kowtek pe kown mih, ‘Achi dow pakimchak maru chekhai. Kawmat hownia Joab takcha en kowi che siphai aluchow ang tow en dowi hanow Thurai mih akraingma pacham pe ang ripra lah,’ pape diah,” pakhai.14Naiawng hown David dow Juda krungchakuüa kowh saktuak mih klowita pe khai. Naiawng rakowi amatni dow mang kowi krawi tek pe mih, “En hai en kowh maru iukuüa maten hown uang plan diah,” pakhai.15Naiawng rakowi mang dow Jerusalem marow kowi nauang plan kownkow tarowng mang khai bowt. Now Juda krungchakuüa dow Jawrdan aw kowi mang kowi napownla kownkow Gilgal marow kowi uang rik uang büah khai. Naiawng rakowi Jawrdan aw re-e mang uang ting mih khin khe amatni dow aia hown uang takrum khai.16Nakhowk khe Simei dow Bahurim arah hownia alenma uang hanow mang David hown nauang tawi takrum kownkow Juda krungchak maru-uüa hown uang tawi khai. Simei dow Benjamin krungchak Gera kowh chapa chekhai.17Simei hown dow Benjamin krungchak maru-uüa uang tawi 1,000 ia khai. Now Sawl kimchak kowh nar Ziba paw uang tawi khai. Nami klen kowi aia kowh chapa laitanga ia hai aia kowh nar pirmi ia paw uang tawi khai. Amatni dow Jawrdan aw kowi David hown uang takrum khai.18Amatni dow mang low iawng nachang kownkow hai mang kimchakuüa bowkbowk kowi nauang pawla kownkow haipown Jawrdan aw khai. Simei kowi David saksing sanaah mih
Mang haipown Jawrdan aw kown chowbowt mih khin khe Simei dow mang pur kowi uang tabawk krawm khai.19Now tek pe mang mih, “Mangkri, sakrauma hown ang kowh angak lawtta ang diah. Jerusalem marow hownia en lawt khe kowh ang changta mih angak hangkow tuak ang diah. Nami dow en sak kowi mapaw hangkow towah diah.20Ang changta angak mih dow ang tuk khai bowt. Naiawng rakowi Josef krungchakuüa maten hownia ang kowh mangkri hown nauang rik takrum kownkow ani mih ang uang rik uang mih chekhai,” pakhai.21Nakhowk khe Zerui kowh chapa Abisai tek mih, “CHAKRAMANG nümnapah mih mang kowi pe piati khai rakowi Simei kowi dow nakowngta kown takla,” pakhai.22Nachenganchepaw Abisai hai atainau Joab iüah kowi David tek pe mih, “Nami lawnguan kowi tawngpaw enchi tawi tuak takla dowi. Ani mih tawngplawng kowchow enchi tuk kingküa ang khai? Ani dow mia iawng mih Israeluüa maru kowi paw naia sai kown nadowi. Ani dow Israel pren mang ang chowbowt,” pape khai.23Nami kung kowi takham se David tek pe Simei mih, “En kowi dow nakowngta en kown nadowi,” pakhai.24Nami kung kowi Sawl kowh chu Mefiboset dow mang hown nauang takrum kownkow Jerusalem hownia uang iu dowm khai. Jerusalem marow kowi aiungma David uang plan dowi mowr aia dow aia kowh khawk ün mingkhet dowi, mawmpawi ün khai dowi, now tawnguat paw chu dowi chekhai.25Now Jerusalem marow kowi David uang ting mih khin khe dow Mefiboset mih David hown uang takrum khai. Nakhowk khe aia kowi mang lüntaah mih, “Mefiboset, tawngplawng kowchow ang hown en tawi dowi da?” pakhai.26Mefiboset klangah mih, “Mangkri, ang kowh dow klowng baima chekhai pami en tuk. Jerusalem marow kowi en kowkowi kown mih satang ang ta hanow ang kowh nar Ziba kowi ang tek pe mih, ‘Mang tut-e ang natawi kownkow ang kowh kawrngaramchük luk kowi dau pe uan diah,’ ang pakhai. Nachenganchepaw aia dow powtta ang khai.27Aia dow mangkri tut-e ang uang kown nau dowi pahai uang küa dai khai. Nachenganchepaw mangkri dow aiung angak lawnguan kowi Thurai kowh kramamu iawng tuk chekhai. Naiawng rakowi en tut-e iung iawng chang ang taih.28Apa kowh pa Sawl kowh krungchakuüa maten dow mangkri tut-e kowng kown mih tataing chowdiah. Nachenganchepaw en dow en kowh pawitang kowi natawi taiua cha chakkham kown mih alow en pe ang khai. Naiawng rakowi ang kowh dow mangkri tut-e natekah kown mih tawngpaw uowi dowi bowt chekhai,” pakhai.29Mang klangah mih, “Tawngpaw en atek lakke dowi bowt. Sawl kowh dawngthawnguan dow Ziba enchi mih taretah iüah towbowt,” pape khai.30Nakhowk khe Mefiboset tek pe mang mih, “Uowi mih maten dow Ziba pacham pawla towbowt. Tawngplawng kowchow panow ang kowh awmrawmra dow aiungma mangkri uang nowng plan mang mih chekhai,” pakhai.31Now Gilead süng kowi kowh Rogelim marow hownia kowh Barzilai dow David hown nauang takrum kownkow Jawrdan aw re-e uang khai. Now aia dow David hown haitaiua pown Jawrdan aw khai.32Barzilai dow lainowmma lawngtang khai bowt; aia dow 80 ning khowk chekhai. Now aia dow lainowmma kureng khai. Mahanaim marow kowi David uang uowi mih khin khe aia dow David kowi peah chakkham khai.33Mang tek pe Barzilai mih, “Ang hown uang tawi pown aw now Jerusalem marow kowi ang tut-e tawi uowi diah. Ang thum en sow,” pakhai.34Nachenganchepaw Barzilai tek pe mih, “Mangkri, ang dow mün ning paw sing dowi bowt tham. Naiawng rakowi Jerusalem marow kowi tawng chow ang natawi chang bowt kown?35Ang dow 80 ning chih khai bowt, now tawng chap paw ang tut-e awmrawmra uowi dowi bowt. Cham cha cham kham chepaw asowr ang tuk dowi bowt, now meng sarauüa kowh meng klow paw ang ta dowi bowt chekhai. Naiawng rakowi ang dow en vüi kurdik nachowng kown chekhai.36Mangkri, ang dow en kowh saksing sanara naka kown mih tataing dowi. Naiawng rakowi ang dow en hown haitaiua pown Jawrdan aw krowngchow kown mih taih.37Nami kung kowi dow ang kowh marow kowi pe plan ang diah. Tawngplawng kowchow panow nakowi kowng hanow au apa iüah tadupra re-e natadup kown ang nau. Nachenganchepaw mow ang kowh chapa Kimham. Aia dow en hown pacham tawi pown Jawrdan aw lah. En tut-e iung iawng aia vüi kowi en nachang pe kown,” pakhai.38Mang tek pe mih, “Kimham mih ang hown natawi pown aw kown. Now aia vüi dow en nauah iawng ang nachang pe kown. Nami klen kowi en nau mih uowi khai tak hanow nami iawng ang nachang en kown,” pape khai.39Nami kung kowi David hai aia kowh maru-uüa maten dow haipown Jawrdan aw khai bowt. Now mang dow Barzilai kowi nam pe awm hanow peah prasi khai. Barzilai dow Jawrdan aw mapra pown kowi uai plan pown hanow kim prakowi mang khai.40Naiawng hai Juda krungchak maten hai Israeluüa dawnglang dow David kowi Jawrdan aw haipownla khai. Now David dow Kimham hown Gilgal marow kowi kowkowi khai.41Israeluüa maten dow mang tut-e uangah hanow tek pe mih, “Tawngplawng kowchow anging kowh tainau Judauüa kukpa uang tuk pawla en khai? Tawngplawng kowchow amatni kangowh chow en kowi, en kowh kimchakuüa kowi hai en kowh maru-uüa kowi haituk pownla enni Jawrdan aw khai?” pabüah khai.42Juda maru-uüa klangah mih, “Mang dow anging kowh tasin taken mih chekhai rakowi naiawng anging chang mih chowtaih. Tawngplawng kowchow enni tuk kunmarau khai? Mang hownia anging tawi ka chakkham khai bow? Aia pe anging awmrawm sung khai bow?” pabüah khai.43Israel maru-uüa tek pe mih, “Enni Juda maru-uüa hown David lang tasin taken tawkche aia luk kowi anging kowh alow lang hu. Tawngplawng kowchow panow anging Israel dow hamüt chenchap chekhai. Naiawng chepaw tawngplawng kowchow enni tow anging asung dowi? Mangkri kowi nakowplan paw kown mih lawnguan anging nadowi bow rik tek?” pape khai.
Nachenganchepaw Juda maru-uüa kowh laiklow dow Israel maru-uüa kowh lak-e lang rang chekhai.
Nami takra kowi Absalawm kowh Israel siphaiuüa dow chowlowkkow kim prakowi powt büah bowk khai.9Israel krungchak maru-uüa maten dow taüa lawmlawm se tatek mih, “Ransu-uüa hai Filistinuüa rut hownia kowh lawng a-i mih dow mang David chowtaih. Nachenganchepaw kawmat dow aia mih Absalawm rakowi Israel pren hownia cham powt khai.10A-i luk kowi nachowm mang kownkow a-i nümnapah mih Absalawm mang dow tasenra kowi kowng khai bowt. Naiawng e mang David kowi naplan haw kown mih lawnguan kowi tawngpaw enni tek dowi kowbow?” pabüah khai.11Israeluüa tatek mih lawnguan dow mang David ta khai bowt. Naiawng rakowi aia dow uamow Zadawk hai uamow Abiathar kowi Juda krungchak lawngtang aluchowuüa tut-e mami laiklow nakowtek pe kownkow kowchinah khai, “Israeluüa dow ang chowng mang mih nauta khowk. Tawngplawng kowchow enni dow ang kim kowi nauang plan pawla ang kown mih kowi enni kra reng tak?12Enni dow ang kowh tainau chekhai, now ang hown pabuk panga chak chekhai. Nachenganchepaw tawngplawng kowchow enni dow ang kim kowi nauang plan pawla ang kown mih kowi enni kra reng tak?13Now Amasa kowi paw mami ang kowh laiklow enchi kowtek pe kown mih, ‘Achi dow pakimchak maru chekhai. Kawmat hownia Joab takcha en kowi che siphai aluchow ang tow en dowi hanow Thurai mih akraingma pacham pe ang ripra lah,’ pape diah,” pakhai.14Naiawng hown David dow Juda krungchakuüa kowh saktuak mih klowita pe khai. Naiawng rakowi amatni dow mang kowi krawi tek pe mih, “En hai en kowh maru iukuüa maten hown uang plan diah,” pakhai.15Naiawng rakowi mang dow Jerusalem marow kowi nauang plan kownkow tarowng mang khai bowt. Now Juda krungchakuüa dow Jawrdan aw kowi mang kowi napownla kownkow Gilgal marow kowi uang rik uang büah khai. Naiawng rakowi Jawrdan aw re-e mang uang ting mih khin khe amatni dow aia hown uang takrum khai.16Nakhowk khe Simei dow Bahurim arah hownia alenma uang hanow mang David hown nauang tawi takrum kownkow Juda krungchak maru-uüa hown uang tawi khai. Simei dow Benjamin krungchak Gera kowh chapa chekhai.17Simei hown dow Benjamin krungchak maru-uüa uang tawi 1,000 ia khai. Now Sawl kimchak kowh nar Ziba paw uang tawi khai. Nami klen kowi aia kowh chapa laitanga ia hai aia kowh nar pirmi ia paw uang tawi khai. Amatni dow Jawrdan aw kowi David hown uang takrum khai.18Amatni dow mang low iawng nachang kownkow hai mang kimchakuüa bowkbowk kowi nauang pawla kownkow haipown Jawrdan aw khai. Simei kowi David saksing sanaah mih
Mang haipown Jawrdan aw kown chowbowt mih khin khe Simei dow mang pur kowi uang tabawk krawm khai.19Now tek pe mang mih, “Mangkri, sakrauma hown ang kowh angak lawtta ang diah. Jerusalem marow hownia en lawt khe kowh ang changta mih angak hangkow tuak ang diah. Nami dow en sak kowi mapaw hangkow towah diah.20Ang changta angak mih dow ang tuk khai bowt. Naiawng rakowi Josef krungchakuüa maten hownia ang kowh mangkri hown nauang rik takrum kownkow ani mih ang uang rik uang mih chekhai,” pakhai.21Nakhowk khe Zerui kowh chapa Abisai tek mih, “CHAKRAMANG nümnapah mih mang kowi pe piati khai rakowi Simei kowi dow nakowngta kown takla,” pakhai.22Nachenganchepaw Abisai hai atainau Joab iüah kowi David tek pe mih, “Nami lawnguan kowi tawngpaw enchi tawi tuak takla dowi. Ani mih tawngplawng kowchow enchi tuk kingküa ang khai? Ani dow mia iawng mih Israeluüa maru kowi paw naia sai kown nadowi. Ani dow Israel pren mang ang chowbowt,” pape khai.23Nami kung kowi takham se David tek pe Simei mih, “En kowi dow nakowngta en kown nadowi,” pakhai.24Nami kung kowi Sawl kowh chu Mefiboset dow mang hown nauang takrum kownkow Jerusalem hownia uang iu dowm khai. Jerusalem marow kowi aiungma David uang plan dowi mowr aia dow aia kowh khawk ün mingkhet dowi, mawmpawi ün khai dowi, now tawnguat paw chu dowi chekhai.25Now Jerusalem marow kowi David uang ting mih khin khe dow Mefiboset mih David hown uang takrum khai. Nakhowk khe aia kowi mang lüntaah mih, “Mefiboset, tawngplawng kowchow ang hown en tawi dowi da?” pakhai.26Mefiboset klangah mih, “Mangkri, ang kowh dow klowng baima chekhai pami en tuk. Jerusalem marow kowi en kowkowi kown mih satang ang ta hanow ang kowh nar Ziba kowi ang tek pe mih, ‘Mang tut-e ang natawi kownkow ang kowh kawrngaramchük luk kowi dau pe uan diah,’ ang pakhai. Nachenganchepaw aia dow powtta ang khai.27Aia dow mangkri tut-e ang uang kown nau dowi pahai uang küa dai khai. Nachenganchepaw mangkri dow aiung angak lawnguan kowi Thurai kowh kramamu iawng tuk chekhai. Naiawng rakowi en tut-e iung iawng chang ang taih.28Apa kowh pa Sawl kowh krungchakuüa maten dow mangkri tut-e kowng kown mih tataing chowdiah. Nachenganchepaw en dow en kowh pawitang kowi natawi taiua cha chakkham kown mih alow en pe ang khai. Naiawng rakowi ang kowh dow mangkri tut-e natekah kown mih tawngpaw uowi dowi bowt chekhai,” pakhai.29Mang klangah mih, “Tawngpaw en atek lakke dowi bowt. Sawl kowh dawngthawnguan dow Ziba enchi mih taretah iüah towbowt,” pape khai.30Nakhowk khe Mefiboset tek pe mang mih, “Uowi mih maten dow Ziba pacham pawla towbowt. Tawngplawng kowchow panow ang kowh awmrawmra dow aiungma mangkri uang nowng plan mang mih chekhai,” pakhai.31Now Gilead süng kowi kowh Rogelim marow hownia kowh Barzilai dow David hown nauang takrum kownkow Jawrdan aw re-e uang khai. Now aia dow David hown haitaiua pown Jawrdan aw khai.32Barzilai dow lainowmma lawngtang khai bowt; aia dow 80 ning khowk chekhai. Now aia dow lainowmma kureng khai. Mahanaim marow kowi David uang uowi mih khin khe aia dow David kowi peah chakkham khai.33Mang tek pe Barzilai mih, “Ang hown uang tawi pown aw now Jerusalem marow kowi ang tut-e tawi uowi diah. Ang thum en sow,” pakhai.34Nachenganchepaw Barzilai tek pe mih, “Mangkri, ang dow mün ning paw sing dowi bowt tham. Naiawng rakowi Jerusalem marow kowi tawng chow ang natawi chang bowt kown?35Ang dow 80 ning chih khai bowt, now tawng chap paw ang tut-e awmrawmra uowi dowi bowt. Cham cha cham kham chepaw asowr ang tuk dowi bowt, now meng sarauüa kowh meng klow paw ang ta dowi bowt chekhai. Naiawng rakowi ang dow en vüi kurdik nachowng kown chekhai.36Mangkri, ang dow en kowh saksing sanara naka kown mih tataing dowi. Naiawng rakowi ang dow en hown haitaiua pown Jawrdan aw krowngchow kown mih taih.37Nami kung kowi dow ang kowh marow kowi pe plan ang diah. Tawngplawng kowchow panow nakowi kowng hanow au apa iüah tadupra re-e natadup kown ang nau. Nachenganchepaw mow ang kowh chapa Kimham. Aia dow en hown pacham tawi pown Jawrdan aw lah. En tut-e iung iawng aia vüi kowi en nachang pe kown,” pakhai.38Mang tek pe mih, “Kimham mih ang hown natawi pown aw kown. Now aia vüi dow en nauah iawng ang nachang pe kown. Nami klen kowi en nau mih uowi khai tak hanow nami iawng ang nachang en kown,” pape khai.39Nami kung kowi David hai aia kowh maru-uüa maten dow haipown Jawrdan aw khai bowt. Now mang dow Barzilai kowi nam pe awm hanow peah prasi khai. Barzilai dow Jawrdan aw mapra pown kowi uai plan pown hanow kim prakowi mang khai.40Naiawng hai Juda krungchak maten hai Israeluüa dawnglang dow David kowi Jawrdan aw haipownla khai. Now David dow Kimham hown Gilgal marow kowi kowkowi khai.41Israeluüa maten dow mang tut-e uangah hanow tek pe mih, “Tawngplawng kowchow anging kowh tainau Judauüa kukpa uang tuk pawla en khai? Tawngplawng kowchow amatni kangowh chow en kowi, en kowh kimchakuüa kowi hai en kowh maru-uüa kowi haituk pownla enni Jawrdan aw khai?” pabüah khai.42Juda maru-uüa klangah mih, “Mang dow anging kowh tasin taken mih chekhai rakowi naiawng anging chang mih chowtaih. Tawngplawng kowchow enni tuk kunmarau khai? Mang hownia anging tawi ka chakkham khai bow? Aia pe anging awmrawm sung khai bow?” pabüah khai.43Israel maru-uüa tek pe mih, “Enni Juda maru-uüa hown David lang tasin taken tawkche aia luk kowi anging kowh alow lang hu. Tawngplawng kowchow panow anging Israel dow hamüt chenchap chekhai. Naiawng chepaw tawngplawng kowchow enni tow anging asung dowi? Mangkri kowi nakowplan paw kown mih lawnguan anging nadowi bow rik tek?” pape khai.
Nachenganchepaw Juda maru-uüa kowh laiklow dow Israel maru-uüa kowh lak-e lang rang chekhai.
The Seed Company