Ис46
1Камвозын Вил, сӱмырлен Нево, вольык тупыш пӧштыртымӧ улыт нине шояк юмо-влак.Ондак нуным те нумалында,а кызыт нуно нойышо вольыкыннеле нумалтышыже лийыныт.2Тайненыт, йӧрлыныт нуно пырля,утарен огыт керт тиде нумалтышым,шкештат нуно пленыш каят.3«Колыштса Мыйым, Иаков тукымда Израильын утаралт кодшыжо-влак –те, кӧм ава мӱшкыр гыч лекмекак кидышкем налынам,шочмыда годсек нумалын коштынам.4Шоҥгеммешкыда Мый Тудак кодам,чал лиймекыдат тендам нумалаш тӱҥалам.Мый тендам ыштенам да тӱҥалам нумалаш,тендан верч азапланаш, тендам аралаш.5Кӧ дене те Мыйым таҥастареда,кӧм Мыйын гайым муыда?Кӧм, икгайым муын, Мый денем таҥастареда?»6Ястарат калта гыч шӧртньым,виса дене шийым висат да тарлат шӧртньыӱзгар мастарым –тудыжо тидын дене юмым ышта.Вара тиде шояк юмылан кумалыт,тудын ончылно кумык возыт.7Тудым вачӱмбакышт нӧлталыт,нумал наҥгаят да шке верышкыже шогалтат.Тудо шога, шке верже гыч ок тарване.Тудлан кычкырат – ок вашеште,азап деч тудо ок утаре.8«Мый дечем кораҥше-влак,шарналтыза тидым да шоналтыза,шӱмышкыда пыштыза!9Шарналтыза ондакысым, акрет годымак лийшым.Мый Юмо улам – уке весе,Мый Юмо улам – весе уке Мый гаем.10Тӱҥалтыштак увертаренам Мый – мо мучаште лиеш,ожнак каласенам тудым, мо эше лийын огыл.Ойлем Мый: ”Мом шонен пыштенам – шукталтеш,мом Мый шоненам – ыштем!”11Эрвел гыч ӱжам Мый пӱркытым,умбал мланде гыч тудым ӱжам,да тудо Мыйын шонымем шукта.Мом каласенам – Мый шуктем,мом шонен пыштенам – ыштем!12Колыштса Мыйым, ӱскырт-влак,чынлык деч умбалне шогышо-влак!13Лишемденам Мый чынлыкым – тудо воктенак,Мыйын утарымашем толаш ок юватыл.Пуэм Мый Сионлан утарымашым,Израильлан – шке чапем.
Institute for Bible Translation, Finland