Ис45
1Тыге Господь Кирлан, шке шӱрен палемдымыжлан, ойла:«Калык-влак кид йымалнет лийышт манын,Мый тыйым пурла кидет гыч кучем. Тылат омса-влак почылтыштда капка-влак петырыме ынышт лий манын,кугыжа-шамычын кыдалышт гыч ӱштым рудем. 2Мый тыйын ончычет каемда курык-влакым тӧрым ыштем,той омсам пудыртем,кӱртньӧ тӱкылтышым шалатем.3Мый пычкемыште аралыме поянлыкым,шылтыме шергакан погым тылат пуэм.Тый палышаш улат:Мый Господь, Израильын Юмыжо,тыйым лӱмет дене ӱжшӧ Юмо улам!4Кеч Мыйым пален отыл,Иаков тарземлан, ойырен налме Израилемлан кӧраМый тыйым лӱмет дене ӱжынам,тылат чап лӱмым пуэнам.5Мый Господь улам – весе уке,Мый дечем моло вес Юмо уке.Кеч Мыйым пален отыл,тыйым Мый вий-куат дене ӱшталынам.6Тек эрвел гыч касвел марте палат:Мый дечем моло уке, Мый Господь улам, весе уке.7Мый волгыдым шочыктем да пычкемышым ыштем,сай илышым пуэм да туткарым колтем.Мый, Господь, чыла тидым ыштем!8Кава, йоктаре кӱшыч чынлыкым –тек тудо пыл кокла гыч йога,тек мланде почылтеш, утарымашым конда,тудын дене пырля чынлык шочеш.Мый, Господь, чыла тидым ыштенам».9Ойго тудлан, кӧ шке Ыштышыж дене ӱчаша,вет тудо шун ате катык веле,мландыште кийыше катык кокла гыч иктыже!Каласа мо кӧршӧкым ыштышылан шун:«Ыштен кертат мо тый кӧршӧкым?»Каласа мо тылат ыштыме пашат:«Ок тол кид-йолет!»10Ойго тудлан, кӧ шке ачажлан ойла:«Кертынат мо тый йочам шочыктен?»але аважлан: «Кертынат мо тый азам ыштен?»11Тыге ойла Господь, Израильын святой Юмыжо да тудым Ыштыше:«Тыланда мо йочам-влакын ончыкылыкышт нерген йодаш,кидемын ыштыме паша дене Мылам мом ышташ туныкташ?12Мый мландым да тушан айдемым ыштенам.Тиде Мыйын кидем кавам шарен,тушто чыла мо улым Мый вуйлатем.13Чыным ышташ Мый Кирым нӧлталам,тудын чыла корныжым тӧрым ыштем.Тудо Мыйын олам угыч чоҥа,пленыш логалше калыкем эрыкыш луктеш –тӱлен налме деч посна, пӧлекым пуымо деч посна».Господь Саваоф тидым ойла.14Тыге ойла Господь:«Египетын паша лектышыже, Эфиопийын торгайыме сатужода Севаште илыше кугу капан еҥ-влак тый декет вончат, тыйын лийыт.Каят нуно почешет, шинчырлыме толыт,кумык возыт ончыкет, тыйым сӧрвален каласат:”Тый денет гына Юмо, весе уке,нимогай вес юмо уке”».15Чынжымак, Тый Шкендым шылтыше Юмо улат,Израильын Юмыжо, Утарыше!16Шояк юмым ыштыше-влак лийыт вожылтарыме, шӱктарыме,намысыш пуртымо лийыт нуно чыланат.17А Израильым Господь утара, курымешлан утара.Тетла те нигунам вожылтарыме, намысыш пуртымо огыда лий.18Тыге ойла Господь, кавам ыштыше –Юмо, Кӧ мландым ыштен, тудым шочыктен да негызлен,яра ынже лий, а тушто еҥ-влак илышт манын, тудым ыштен:«Мый Господь улам, весе уке.19Шолып огыл, пычкемыш верыште огыл Мый ойленам.Ойлен омыл Мый Иаков тукымлан:”Арам Мыйым кычалыда”.Мый, Господь, чыным ойлем, чынлыкым увертарем!20Погыныза да толза, лишемза чылан,кӧ калык-влак кокла гыч утаралт кодын.Шонен моштыдымо улыт нуно,кӧмыт пу гыч ыштыме шояк юмыштым нумал коштытда кумалыт юмылан, кудыжо ок утаре.21Шке коклаштыда каҥашымеке, увертарыза да каласыза:кӧ тидым ожнак каласен, шукертак увертарен?Мый, Господь, огыл мо?Уке Мый дечем моло вес Юмо,чын ыштыше да Утарыше Юмо весе уке.22Савырныза Мый декем, мландын чыла тӱржӧ-влак,тунам лийыда утарыме!Вет Мый Юмо улам, весе уке.23Шкем дене товатлем:Мыйын умшам гыч чынлык лектеш,ты шомакым Мый ом вашталте:кажне пулвуй Мыйын ончылнем сукен шинчеш,кажне йылме Мылам товатмутым пуа.24Ойлаш тӱҥалыт Мыйын нерген:”Господь дене гына – чын ыштымаш да куат”».Чылан, кӧ Тудлан шыдым кучен,Тудын дек толыт да вожылмашыш пурат.25А Израильын тукымжо-влак чыланГосподьын полшымыж дене чыныш лектыт да чапланат!
Institute for Bible Translation, Finland