Ис47
1Чап верет гыч воло да пуракыш шич, Вавилон ӱдыр!Шинче мландымбалне, вет престол уке, Халдей ӱдыр!Тетла тыйым шыма да ныжыл манын огыт лӱмдӧ.2Нал вакшкӱм да ложашым йоҥышто.Чурий леведышетым кораҥде да, урвалтым нӧлталын,йолетым чараҥде, эҥерла гоч вончо.3Тек тыйын чаралыкет почылтеш,тек ужыт намысле веретым.Мый ӱчым шуктем, нигӧм ом чамане».4Мемнан Сулен налшына – Израильын святой Юмыжо,лӱмжӧ Тудын – Господь Саваоф!5«Шып шинче, Халдей ӱдыр, кай пычкемышыш!Тетла тыйым ”кугыжаныш-влакын озаже” манын огыт лӱмдӧ.6Шке калыкемлан Мый шыдешкенам,тудым намысыш пуртен, кидышкет пуэнам.А тый нуным чаманен отыл,шоҥгыеҥ-влак ӱмбакат неле нумалтышым пыштенат.7Ойленат: ”Мый курымеш оза лиям”,но варажым мо лиеш, шоналтен отыл.8Колышт кызыт, ракатланен илыше,лӱдыкшӧ деч посна илыше,шке семынет тыге шонышо:”Мый веле, нигӧ уке мый гаем!Нигунам ом код тулык, йоча-влакем ом йомдаре!”9Вучыдымын, ик кечыште, тый декет толеш кокытшат –йоча-влакым йомдарымаш да тулык вате кодмаш.Шуко юзыланет да юлыметын вийже кугу гынат,нуно ӱмбакет кугу куат дене толыт.10Тый шке осал пашатлан инаненат,тыге ойленат: ”Нигӧ мыйым ок уж”.Мунлылык ден шинчымашет тыйым ондаленыт.Шке семынет тый шоненат:”Мый гына, нигӧ уке мый гаем”.11Толеш тый декет азап – юзыланымет ок полшо,сӱмырла ӱмбакет туткар – поктен колташ виет ок сите,вучыдымын толеш ӱмбакет пытымаш –тудын нерген тый от тогдае.12Ну мо, умбакыжат юло да эше шукырак юзылане,вет тидым тый самырык годсек ыштен шогенат.Ала иктаж-могай шот лектеш,ала иктаж-кӧм лӱдыктен кертат...13Эре каҥашым поген, тый ноенат.Тек кавам эскерыше, шӱдырмужаҥда у тылзе почеш мужедшет-влак кынел шогалытда тыйым мо лийшаш деч саклен кодат.14Но нуно олым гай лийыч, нуным тул йӱлалтыш,тулйолкын деч шкештым ышт керт арален.Ыш код ыраш ситыше тулшол,тул ончылно шинчаш – тулйолкын.15Теве тыгай лийыныт нуно тылат,кӧмыт дене пырля тый тыршенат,кӧмыт дене самырык годсек торгаенат.Кажныже соптыртатен шке корныж дене –тыйым утарыше нигӧ уке».
Institute for Bible Translation, Finland