Romans2
1येहिगुने, हे आदमी! सभे के न्याय करे वाला, तोरा भीर कोई बहाना नऽ हे, काहेकि जे बात में तूँ दोसर के न्याय करऽ हऽ, ओकरे में तूँ अपने आप के भी दोषी ठहरावऽ हऽ; काहेकि तूँ जे न्याय करऽ हऽ, खुदे ओही कामवन पर अमल करऽ हऽ।2अखनी हमनी जानऽ ही कि परमेश्वर के न्याय अईसन कामवन पर अमल करे वालन के खिलाफ सच के मुताबिक होवऽ हे।3बाकि हे आदमी! का तूँ ई सोचऽ हऽ, जे अईसन कामवन के अमल करेवालन के न्याय करऽ हऽ, आउर तूँ खुदे ओही कामवन के अमल कर रहलऽ हे, तऽ तूँ परमेश्वर के न्याय से बच जईवऽ?4कि तूँ उनकर दया आउर सहनशीलता आउर धीरजरुपी सम्पति के तुच्छ जानऽ हऽ, ई जानले बेगर कि परमेश्वर के भलाई मन फिरावऽ के तरफ तोर अगुवाई कर रहल हे?5बाकि तोर कठोर आउर बिन पछतावा के मन के मुताबिक, तूँ गोस्सा आउर परमेश्वर के धर्मी न्याय के प्रकट होवे के दिन के लागी, अपने आप ला गोस्सा बटोर रहलऽ हे:6जे सभे कोई के ओकर काम के मुताबिक भुगतान करतन; 7सचमुच में, अनन्त जिनगी ओखनी के मिलत, जे भला काम में स्थिर रहे के कारण महिमा आउर आदर आउर अमरता के खोज में हथन,8एकर उल्टा, परमेश्वर के गोस्सा से उनका प्रति कठोर दंड मिलत जे स्वार्थी हथन आउर सच्चाई आउर धरम के नऽ मानऽ हथन बाकि अधर्म के मानऽ हथन।9दुःख आउर संकट सभे ऊ आदमी के प्राण पर आ पड़त, जे बुराई पैदा करऽ हथन, पहिले तऽ यहूदी पर फिनो यूनानी दूनो पर।10बाकि महिमा आउर आदर आउर शान्ति हर एक के मिलतन, जे भलाई करऽ हे, पहिले तऽ यहूदी के आउर फिनो यूनानी दूनो के।11काहेकि परमेश्वर कोई पक्षपात नऽ करऽ हथन। 12काहेकि जेतना भी व्यवस्था के बिना पाप करलन हे, ओखनी व्यवस्था के बेगर नाश भी होत, बाकि जेतना लोग व्यवस्था के द्वारा पाप करलन हे, ओखनी व्यवस्था के द्वारा सजा पईतन।13काहेकि परमेश्वर भीर व्यवस्था के सुने वाला धर्मी नऽ हे, बाकि व्यवस्था के पालन करे वाला धर्मी ठहरावल जायेत।14काहेकि जखनी अन्यजाति, जेकर भीर व्यवस्था नऽ हे स्वभाव ही से व्यवस्था के कामवन के करऽ हे, तऽ ओखनी, व्यवस्था के बिना, अपना लागी एगो व्यवस्था हे,15जे व्यवस्था के काम के अपन हृदय में लिखल देखावऽ हे, आउर ओखनी के विवेक गवाही दे हे, आउर ओखनी के बीच के विचार तऽ ओखनी पर दोष लगावऽ हे, चाहे फिनो ओखनी के बचाव भी करऽ हे,16ऊ दिन जखनी परमेश्वर आदमी के छिपल बात के न्याय, हमर सुसमाचार के मुताबिक, मसीह यीशु के द्वारा करतन।17बाकि जदि तूँ अपन नाम यहूदी बतावऽ हऽ आउर व्यवस्था पर भरोसा रखऽ हे आउर परमेश्वर में घमण्ड करऽ हे,18उनकर इच्छा के जान के आउर व्यवस्था से निर्देश पाके, ऊ बात के स्वीकार करऽ जे बढ़ियाँ हे;19आउर तूँ खुद के भरोसा करलऽ हे कि तूँ आंधर के आदमी के राह देखावे वाला हे, आउर अंधार में पड़ल लोग के ज्योति हे,20मूरख आदमी के प्रशिक्षक हे, लईकवन के गुरु हे, जे व्यवस्था में ज्ञान आउर सच के जईसे रखऽ हे,21फिनो तूँ, जे दोसरा के शिक्षा दे हऽ, का अपने आप के नऽ सिखावऽ हऽ? तूँ जे चोरी नऽ करे के प्रचार करऽ हऽ, का तूँ चोरी करऽ हऽ? 22तूँ जे कहऽ हऽ कि व्यभिचार नऽ करऽ, का तूँ व्यभिचार करऽ हऽ? तूँ, जे मूर्तियन से घिन मानऽ हऽ, का तूँ मन्दिरवन के लूटऽ हऽ?23तूँ जे व्यवस्था पर घमण्ड करऽ हऽ, का तूँही व्यवस्था के उल्लंघन कर के परमेश्वर के अनादर करऽ हऽ?24काहेकि तोहनी के कारण अन्यजातियन के बीच में परमेश्वर के नाम के निन्दा होवऽ हे, जईसन कि ई शास्त्र में लिखल हे। 25काहेकि जदि तूँ व्यवस्था के अभ्यास करवऽ, तऽ सचमुच खतना से फईदा तऽ हे, बाकि जदि तूँ व्यवस्था के उल्लंघन करे वाला हऽ, तऽ तोर खतना, बिना खतना के जईसन हो गेल। 26फिन, जदि बिन-खतना के व्यवस्था के विधि के पालन करतन, तऽ का ओकर बिन-खतना होल आदमी खतना वाला के जईसन नऽ मानल जायेत27आउर स्वभाविक रूप से बिन-खतनावाला होके, जे व्यवस्था के पूरा करतन, ऊ चिट्ठी आउर खतना के माध्यम से, तोर न्याय करतन जे तूँ हऽ, मतलब कि व्यवस्था के उल्लंघन करे वाला!28काहेकि ओखनी यहूदी नऽ हे जे दिखे में हे, आउर नऽ ई खतना हे जे देह में देखाई दे हे,29बाकि यहूदी ओखनी हे जे गुप्त में हे, आउर खतना ऊ हे जे आत्मा में होके मन के हे, नऽ कि चिट्ठी में; अईसन आदमी के बड़ाई आदमी के तरफ से नऽ, बाकि परमेश्वर के तरफ से होवऽ हे।
Bridge Connectivity Solutions Pvt. Ltd.