Romans3
1तऽ फिनो यहूदी के का फायदा हे, चाहे खतना के का फायदा हे?2सभे तरह से महान हे! काहेकि सचमुच सभे से पहिले तऽ ई, कि परमेश्वर के बात ओखनी के सौंपल गेल। 3काहेकि जदि यहूदियन में से कुछ लोग विश्वासघाती हलन तऽ का होल? ओखनी के विश्वासघाती होवे से परमेश्वर के विश्वासयोग्यता बेकार नऽ ठहरत, का ऊ ठहरत?4अईसन कहियो नऽ होत! एकर बदले, परमेश्वर सच्चा हथन, बाकि सभे आदमी झूठा ठहरतन। जईसे कि ई शास्त्र में लिखल हे, जेकरा से कि तूँ अपन बात में धर्मी ठहरलऽ आउर जखनी तोर न्याय होत तऽ तूँ प्रबल होवऽ। 5बाकि जदि हमनी के अधर्म परमेश्वर के धार्मिकता के बड़ाई करत, तऽ हमनी का कहम? परमेश्वर अपन क्रोध थोपे में अधर्मी नऽ हथन, का ऊ हथन? हम तऽ आदमी के मुताबिक बोलऽ ही।6अईसन कहियो नऽ होवे! नऽ तऽ, परमेश्वर जगत के न्याय कईसे करतन?7बाकि जदि हमर झूठ से परमेश्वर के सच्चाई उनकर महिमा करे ला लागी बढ़ऽ हे, तईयो भी एगो पापी के जईसन हमर न्याय काहे करल जा रहल हे?8आउर नऽ ही जईसन हमर निन्दा करल जा हे आउर जईसन कुछ लोग हमनी के कहल बात के साबित करऽ हे, तऽ “आवऽ, हमनी बुरा काम करम, तऽ अच्छा बात सामने आवत? जेकर फईसला न्यायसंगत हे।9तऽ फिनो कौची? का हमनी बढ़ियाँ ही? एकदम नऽ। काहेकि हमनी यहूदी आउर यूनानी दूनो पर, ओखनी सभे पर, पाप के अधीन होवे के दोष लगा देली हे।10जईसे कि ई शास्त्र लिखल हे कि; कोई धर्मी नऽ, एक्कोगो गो भी नऽ हे। 11कोई अईसन नऽ हे जे समझऽ हे। कोई अईसन नऽ जे परमेश्वर के खोजऽ हे।12ओखनी सभे परमेश्वर से भटक गेलन हे। ओखनी एक साथ निकम्मा हो गेलन हे। कोई अईसन नऽ जे कृपा करऽ हे एक्कोगो गो भी अईसन नऽ हे।” 13“ओखनी के गला खुलल कब्र हे। ओखनी अपन जीभ से हमेशा छल करते रहऽ हे। साँप के जहर ओखनी के होठ तर रहऽ हे।” 14“जेकर मुँह श्राप आउर कड़वाहट से भरल हे।” 15“ओखनी के गोड़ लहू बहावे में जल्दीबाजी हे16ओखनी के राह में नाश आउर दुःख हे।17आउर ओखनी शान्ति के राह नऽ जानऽ हे।” 18“ओखनी के आँख के सामने परमेश्वर के डर नऽ हे।” 19अखनी हमनी जानऽ ही कि जेतना बात व्यवस्था कहऽ हे, ऊ ओकरे से कहऽ हे जे व्यवस्था से बंधल हे, जेकरा से सभे के मुँह बंद करल जायेत आउर पूरा दुनियाँ परमेश्वर के प्रति जबाबदेह हो जायेत,20काहेकि व्यवस्था के काम से कोई प्राणी उनका सामने धर्मी नऽ ठहरतन; काहेकि व्यवस्था के जरिये से ही पाप के प्रति पूरा पछान आवऽ हे। 21बाकि अखनी, व्यवस्था से अलग, परमेश्वर के धार्मिकता प्रकट करल गेल हे, जेकर गवाही मूसा के व्यवस्था आउर भविष्यद्वक्तावन के द्वारा देवल गेल हे;22बाकि परमेश्वर के ऊ धार्मिकता यीशु मसीह पर विश्वास करे से सभे विश्वास करेवालन लागी हे, काहेकि एकरा में कोई भेद नऽ हे।23काहेकि सभे कोई पाप करलन हे आउर परमेश्वर के महिमा से दूर हथन,24आउर उनकर अनुग्रह के द्वारा ऊ छुटकारा के माध्यम से जे मसीह यीशु में हे, सेंत-मेंत धर्मी ठहरावल गेल हे।25जेकरा परमेश्वर उनकर लहू में विश्वास के द्वारा पछतावा कर के अपन धार्मिकता प्रकट करलन, कि ऊ पापवन के जे पहिले होल हल अनदेखा करलन,26परमेश्वर के सहनशीलता में, ई वर्तमान युग में उनकर धार्मिकता के प्रदर्शन लागी, जईसे कि न्यायसंगत हो सकत आउर ऊ आदमी के न्याय करतन, जे यीशु पर विश्वास करे से हे।27तऽ फिनो घमण्ड करे ला कहाँ रहल? ओकरा तऽ निकास देवल गेल हे। कईसन व्यवस्था के माध्यम से? का कर्म के? नऽ! बाकि विश्वास के व्यवस्था के माध्यम से।28काहेकि हमनी व्यवस्था के काम से अलग विश्वास से आदमी के धर्मी बनावऽ ही।29आउर का ऊ खाली यहूदियन के ही परमेश्वर हथन? का ऊ अन्यजातियन के भी नऽ हथन? हाँ, ऊ अन्यजातियन के भी हथन,30जदि, सचमुच, परमेश्वर एक्केगो गो ही हथन, तऽ ऊ खतना वालन के विश्वास के द्वारा आउर बिन खतना वालन के भी ओही विश्वास के द्वारा धर्मी ठहरईतन।31तऽ का हमनी व्यवस्था के ओही विश्वास के माध्यम से बेकार ठहरावऽ ही? अईसन कहियो नऽ होवे! एकर बदले, हमनी व्यवस्था के बना के रखऽ ही।
Bridge Connectivity Solutions Pvt. Ltd.