Leviticus14
1यहोवा मूसा से कहलन,2कोढ़ी आदमी के शुद्ध होवे के दिन ओकरा ला एही आज्ञा होत। ओकरा याजक के भीर लावल जाय के चाही। 3याजक ऊ आदमी के छान-बिन करे लागी गाँव के बाहर जा के ऊ आदमी के जाँच करतन कि ओकर कोढ़ी के चर्मरोग ठीक हो गेल हे कि नऽ। 4तऽ याजक आज्ञा देतन कि शुद्ध होवे वाला के दूगो जिन्दा, शुद्ध चिरईंयन, देवदार के लकड़ी, लाल रंग के सूता आउर जूफा ले आवे के चाही। 5याजक ओकरा मिट्टी के बर्तन में रखल ताजा पानी में चिरईंयन में से एगो के बलि करे के आज्ञा देतन।6याजक तखनी जिन्दा चिरईं आउर देवदार के लकड़ी, आउर लाल रंग के सूता आउर जूफा लेतन, आउर ऊ ई सभे चीजवन के जिन्दा चिरईंयन साथे चिरईंयन के लहू में डूबईतन, जेकरा ताजा पानी के ऊपर मारल गेल हे।7तऽ याजक ऊ पानी के ऊ आदमी पर सात बार छीटतन, जौन चर्मरोग के बेमारी से शुद्ध करल जाय ला हे, तखनी याजक जिंदा चिरईं के खुलल खेत में छोड़ देतन।8आउर जौन आदमी शुद्ध करल जा रहल हे, ऊ अपन कपड़ा धोतन आउर अपन सभे बाल मुड़ईतन आउर पानी से नहा लेतन आउर फिनो ऊ शुद्ध हो जईतन। एकर बाद ओकरा छावनी में आवे पड़त, बाकि ऊ सात दिन लागी ऊ अपन तम्बू से बाहरे रहतन9सातवाँ दिन ओकरा अपन माथा के सभे बाल मुड़ावे के चाही, आउर ओकरा अपन दाढ़ी आउर भौहाँ भी मुड़ा लेवे के चाही, ओकरा सभे बाल मुड़ावे के चाही, आउर अपन कपड़ा धोवे आउर पानी से नहा लेवे के चाही, तऽ ऊ शुद्ध हो जइतन।10आठवाँ दिन ओकरा दुगो निर्दोष नर भेड़ के बच्चा, एक साल के निर्दोष मादा मेमना, आउर एपा के तीन दसमांश जैतून के तेल से सानल मैदा, आउर एगो बड़ा तेल सानल अन्नबलि लागी लेतन।11जौन याजक ओकरा शुद्ध करतन, ऊ ऊ आदमी के, जेकरा शुद्ध करल जायला हे, ऊ चीजवन के साथे मिलापवाला तम्बू के दरवाजा पर यहोवा भीर खड़ा करतन।12याजक नर मेमना में से एगो के लेवे के चाही आउर लोज भर जैतून के तेल के जौरे दोषबलि के रूप में चढ़ईतन, ऊ ओकरा हिलावे के भेंट के रूप में यहोवा के सामने हिलईतन।13आउर ऊ नर मेमना के ऊ जगहा पर, जहाँ ऊ पापबलि आउर होमबलि के चढ़ावल जा हे, ओकरा मिलाप वाला तम्बू के जगह में बलि करे के चाही, काहेकि पापबलि याजक के होवऽ हे, जईसे दोषबलि होवऽ हे, काहेकि ऊ परमपवित्र हथन।14याजक दोषबलि के खून में से कुछ लेके शुद्ध होवे वाला आदमी के दाहिना कान के नोक पर दाहिना हाथ के अंगूठा पर, आउर दाहिना गोड़ के अंगूठा पर लगईतन।15तऽ याजक ऊ लट्ठा में से तेल निकाल के अपन बायाँ हाथ के तरहंथी पर उझल देतन,16आउर याजक दाहिना हाथ के ऊँगली के बायाँ हाथ के तेल में डूबा के, आउर तेल में से कुछ अपन ऊँगली से यहोवा भीरी सात बार छिटतन,17याजक अपन हाथ के बचल तेल के शुद्ध होवे वाला आदमी के दाहिना कान के नोक पर, ओकर दाहिना हाथ के अंगूठा पर आउर ओकर दाहिना गोड़ के अंगूठा पर लगईतन। उनका ई तेल के दोषबलि के खून के ऊपर डाले के चाही।18आउर जौन तेल याजक के हाथ में रह जाय ऊ ओकरा शुद्ध होवे वाला के सिर पर डालतन, आउर याजक यहोवा भीर ओकरा लागी पछतावा करतन।19तऽ याजक पापबलि चढ़ईतन आउर अपन अशुद्धता से शुद्ध होवे लागी पछतावा करतन, आउर ओकर बाद ऊ होमबलि के बलि करतन।20तऽ याजक होमबलि आउर अन्नबलि के वेदी पर चढ़ईतन। याजक ऊ आदमी लागी पछतावा करतन, तऽ ऊ शुद्ध हो जइतन।21बाकि जदि ऊ आदमी गरीब हे आउर ई बलिदान के नऽ कर सकल हे, तऽ ऊ अपन पछतावा लागी हिलावेला, दोषबलि के रूप में एगो नर मेमना लेतन, आउर एपा के दसमांश तेल से सानल मैदा लेतन। जौन अन्नबलि आउर एक लोज भर जैतून के तेल हे। 22आउर दुगो कबूतर चाहे कबूतरी के दुगो बच्चा, जौन ऊ ले लेतन, आउर एगो पक्षी पापबलि आउर दूसरा होमबलि होत।23आउर आठवाँ दिन ऊ सभे के उनका अपन शुद्ध होवे लागी, मिलापवाला तम्बू के द्वार पर यहोवा के सम्मुख, याजक भीर ले अईतन।24याजक दोषबलि लागी एगो भेड़ के बच्चा ले लेतन, आउर ओकर साथे एगो एपा भर जैतून के तेल भी ले लेतन, भेंट ओकरा यहोवा के सामने ऊँचा उठ के चढ़ईतन।25आउर याजक ऊ दोषबलि के मेमना के बलि करतन, आउर दोषबलि के खून में से कुछ लेके शुद्ध होवे वाला के दहिना कान के छोर पर, मतलब कि दाहिना हाथ के अंगूठा पर आउर ओकर दहिना गोड़ के अंगूठा पर लगइतन। आउर ओकर दहिना पैर के अंगूठा पर भी।26तऽ याजक ऊ तेल में से लेके कुछ अपन बायाँ हाथ के हथेली पर उझल लेतन,27आउर जौन तेल उनकर बायाँ हाथ में हे ओकरा में से दाहिना ऊँगली से लेके यहोवा के सामने सात बार छिटतन।28तऽ याजक अपन हाथ के तेल में से कुछ शुद्ध होवे वाला के दहिना कान के छोर पर, आउर ओकर दाहिना हाथ के अंगूठा पर, आउर दाहिना गोड़ के अंगूठा पर, ओही जगह पर जेज्जा ऊ दोषबलि के खून रखलन हल, लगईतन।29आउर जौन तेल याजक के हाथ के बचल तेल शुद्ध ठहरे वाला के माथा पर लगा देतन, कि ओकरा लागी यहोवा भीर पछतावा होवे।30ऊ कबूतर चाहे कबूतरी के बच्चवन में से एगो के, जौन उनका मिल सकऽ हे, चढ़इतन।31एगो पापबलि के रूप में आउर दोसरका अन्नबलि के साथे होमबलि के रूप में। तऽ याजक शुद्ध होवे वाला लागी यहोवा भीर पछतावा करतन।32जौन आदमी के कोढ़ के जौन छुआ-छूत बीमारी हे, आउर ऊ अपन शुद्धिकरण लागी साधारण बलिदान देवे के शक्ति न हे, ओकरा लागी येही व्यवस्था हे। 33यहोवा मूसा आउर हारून से कहलन।34जखनी तूँ कनान देश पहुँचवऽ, जौन हम तोहनी के निज हिस्सा कर के देली हे, आउर जदि हम तोहनी के अपन हिस्सा घर में चर्मरोग फैलायेम,35तऽ जौन घर के मालिक हे ऊ याजक भीर आके बतईतन। आउर ऊ कहतन, कि हमरा अईसन लग रहल हे कि, "हमर घर में फफूंदी जईसन कोई चीज हे।"36तऽ याजक आज्ञा देतन, कि फफूंदी के सबूत देखे से पहिले ही घर के खाली कर देवल जाइ, जेकरा से कि घर में कुछ भी अशुद्ध नऽ होवे। एकर बाद में याजक के घर देखे लागी घर के भीतर जाइ के चाही।37आउर फफूंदी के जाँच-पड़ताल करतन कि का ऊ घर के दीवार पर हे, आउर का ई दिवार के जमीन के गहराई में हरा या लाल दिखाई दे हे।38जदि घर में फफूंदी लगल हे, तऽ याजक घर के बाहर निकल के सात दिन लागी घर के किवाड़ बंद कर देतन।39तऽ याजक सातवाँ दिन फिर से आके जाँच-पड़ताल करतन कि का घर के दीवार में फफूंदी पसर गेल हे।40जदि अईसन हे, तऽ याजक आज्ञा देतन कि ओखनी ऊ पत्थरवन के बाहर निकालतन जेकरा में फफूंदी पावल गेल हे आउर ओकरा शहर के बाहर एगो अशुद्ध जगह में फेक देतन41ओकरा घर के भीतर के सभे दीवार के खरोचवईतन, आउर जौन अशुद्ध चीज खुरचतन, ओकरा शहर के बाहर कोई अशुद्ध जगह में फेंक देतन।42आउर ऊ दोसर पत्थर लेके हटावल गेल पत्थरवन के जगहा पर लगईतन, आउर घर के लेबारे ला नया मिट्टी के इस्तेमाल करतन।43आउर जौन घर के पत्थर निकलल गेल हे, आउर दीवार के खरोच के लेबार देवल गेल हे, ओकरा में यदि फफूंदी फिरो से निकल आवऽ हे आउर ऊ घर में ढूक जा हे।44फिनो याजक के भीतर आके घर के छान-बिन करतन कि घर में चर्मरोग फैल रहल हे, कि नऽ। जदि हे, तऽ नुकसानदायक चर्मरोग हे, आउर घर अशुद्ध हे।45ऊ घर तोड़ देवल जाय। पत्थर, लकड़ी आउर घर के सभे लेबार के नगर के बाहर अशुद्ध स्थान पर फेंक देवल जाय के चाही।46एकर अलावे, जौन कोई भी ऊ घर के बन्द रहे के दौरान घर में जा हे, ऊ सांझ लागी अशुद्ध रहतन।47जौन कोई घर में सूतऽ हे ओकरा अपन कपड़ा धो लेवे आउर जौन कोई घर में खा हे ओकरा अपन कपड़ा धो लेवे।48जदि याजक घर में घूंस के ई देखे कि घर में लेबारल जाइ के बाद फफूंदी घर में फैल गेल हे कि नऽ, तऽ जदि फफूंदी दूर हो जाइ, तऽ ऊ घर के शुद्ध घोषित करतन।49तऽ याजक के घर के शुद्ध करे लागी दूगो चिरईं, आउर देवदार के लकड़ी, आउर लाल रंग के सूता, आउर जूफा ले लेवे के चाही।50ऊ मिट्टी के गगरी में ताजा पानी में चिरईंयन में से एगो के मार देतन,51आउर ऊ देवदार के लकड़ी, जूफा, लाल रंग के कपड़ा, आउर जिन्दा पक्षी लेके ऊ मारल गेल चिरईं के खून में ताजा पानी में डूबईतन, आउर ओकरा में सात बार छिटतन।52ऊ चिरईं के खून से, आउर ताजा पानी से, जिन्दा चिरईं, देवदार के लकड़ी, जूफा, आउर लाल रंग के कपड़ा से घर के शुद्ध करतन।53बाकि ऊ जिन्दा चिरईं के नगर से बाहर खुला मैदान में छोड़ देतन। ई तरह से घर लागी पछतावा करतन, आउर ऊ शुद्ध हो जायेत।54सब किसीम के छुआ-छूत से पसरेवाला चर्मरोग आउर अईसन रोग के पैदा करे वाला सामान, आउर खुजली के बीमारी लागी भी एही व्यवस्था हे।55आउर कपड़ा में आउर घर में चर्मरोग के कारण,56सूजन, फोड़ा, आउर सफेद दाग के कारण,57ई तय करे लागी कि एकरा में से कोई कखनी अशुद्ध हे चाहे कखनी शुद्ध हे। ई छुआछूत के चर्मरोग आउर फफूंदी लागी कानून हे।
Bridge Connectivity Solutions Pvt. Ltd.