Leviticus15
1यहोवा मूसा आउर हारून से कहलन,2इस्राएल के लोगवन से कहऽ, जौन आदमी के देह से गंदा धातु निकलऽ हे, ऊ अशुद्ध हो जा हे।3ओकर अशुद्धता येहि धातुरोग के चलते हे। चाहे ओकर देह से धातु बहऽ हे, चाहे रुकल रहऽ हे, ऊ अशुद्ध हे।4जौन-जौन बिछौना पर ऊ सूत हे ऊ अशुद्ध ठहरत, आउर जौन-जौन बिछौना पर ऊ बैठऽ हे ओहू अशुद्ध ठहरत।5आउर जौन कोई ओकर बिछौना के छूतन ओकरा अपन कपड़ा धोवे के चाही आउर खुद पानी से नहाय के चाही, आउर साँझ लागी अशुद्ध रहतन।6जौन कोई अईसन चीज पर बैठऽ, जेकरा पर ऊ आदमी बईठलन हे जेकरा से धातु बह रहल हे, तऽ ऊ अपन कपड़ा के धोके पानी से नहईतन, आउर ऊ साँझ ला अशुद्ध रहतन।7जौन कोई ऊ आदमी के छुए जेकरा धातु बह रहल हे, ऊ अपन कपड़ा धोके पानी से नहईतन, आउर सांझ लागी अशुद्ध रहत।8जदि अईसन धातुरोग वाला आदमी, कोई शुद्ध आदमी पर थूकऽ हे, तऽ ऊ आदमी अपन कपड़ा धोके पानी से नहा लेतन, आउर ऊ सांझ ला अशुद्ध रहतन।9जौन काठी पर ऊ सवार हे, ऊ अशुद्ध होत।10जौन कोई ऊ आदमी के नीचे के कोई चीज के छूतन, ऊ सांझ ला अशुद्ध रहतन, जौन कोई ऊ चीजवन के उठईतन, ऊ अपन कपड़ा धोतन आउर पानी से नहा लेतन, ऊ सांझ लागी अशुद्ध रहतन।11जेकरा धातुरोग रहे, ऊ जौन कोई के बेगर हाथ धोले छुअऽ हे, ऊ छुआल आदमी अपन कपड़ा के धोके नहा लेतन, आउर सांझ ला अशुद्ध रहतन।12जौन मिट्टी के बर्तन में अईसन धातु बह रहल हे ऊ जौन आदमी के छुअऽ हे, ओकरा तोड़ देवे के चाही, आउर लकड़ी के सभे बरतन के पानी से धोवे के चाही।13आउर जेकरा धातुरोग हे, ऊ जखनी अपन रोग से चंगा हो जा जाइ, तऽ ऊ अपन शुद्धिकरण लागी सात दिन गिन लेतन, तऽ आठवाँ दिन ओकरा अपन कपड़ा धोवे के चाही आउर पानी के बहते शुद्धधारा में नहा लेवे के चाही। तऽ ऊ शुद्ध हो जइतन।14आठवाँ दिन ओकरा दूगो कबूतर चाहे दूगो कबूतर के बच्चा लेके मिलापवाला तम्बू के द्वार पर यहोवा भीर आवे के चाही, उहाँ ओकरा चिरईंयन के याजक के देवे के चाही।15याजक ओकरा में से एगो के पापबलि के रूप में आउर दुसरका होमबली के रूप में चढ़ईतन, आउर याजक के ओकर लागी यहोवा भीर ऊ धातुरोग लागी पछतावा करतन।16यदि कोई भी आदमी के वीर्य गिर जाय, तऽ ऊ अपन पूरा देह पर पानी से नहा लेतन, ऊ सांझ ला अशुद्ध रहतन।17जौन-जौन कपड़ा चाहे चमड़ा पर वीर्य गिरल हे, ओकरा पानी से धोवे के चाही; ई साँझ लागी अशुद्ध रहतन।18यदि कोई मरद कोई औरत के साथे सुतऽ हे आउर वीर्य गिर जा हे, तऽ दुन्नो के पानी से नहाय के चाही, आउर सांझ ला अशुद्ध रहतन। 19जखनी कोई औरत मासिक धर्म होवे, तऽ ऊ सात दिन ला अशुद्ध रहत, आउर जौन कोई ओकरा छूतन, ऊ सांझ लागी अशुद्ध रहतन।20ओकर मासिक धर्म के बखत ऊ जौन-जौन चीज पर सूततन ऊ चीज अशुद्ध हो जात, आउर जौन चीज पर ऊ बैठतन ओहू चीज भी अशुद्ध होवत।21जौन कोई ओकर बिछौना के छूतन, ऊ अपन कपड़ा धोके पानी से नहा लेतन, ऊ आदमी सांझ लागी अशुद्ध रहतन।22जौन कोई चीज के छूतन, जेकरा पर ऊ बैठल हलन ऊ अपन कपड़ा धोवे के चाही, आउर खुद पानी से नहाय के चाही; ऊ आदमी सांझ ला अशुद्ध रहतन।23चाहे ऊ खटिया पर रहे चाहे कोई भी चीज पर, जेकरा पर ऊ बैठल हलन, जदि ऊ ओकरा छुअऽ हे, तऽ ऊ साँझ ला अशुद्ध रहतन।24जदि कोई उनका साथे सूततन, आउर ओकर अशुद्ध रक्त ओकरा छू जाय, तऽ ऊ सात दिन लागी अशुद्ध रहतन। सभे बिछौना जेकरा में ऊ सूतल हल, अशुद्ध ठहरत।25जदि कोई औरत के मासिक धर्म के अलावे बड़ी दिन ला खून जारी रहे, चाहे ओकर मासिक धर्म के समय से जादे दिन ला मतलब कि ओकर अशुद्ध मासिक धर्म के सभे दिन में ऊ अईसन हो जा हे, जदि ऊ अपन मासिक धर्म के समय में रहऽ हे, ऊ अशुद्ध हे। 26आउर जौन-जौन बिछौना पर ऊ खून जारी रहे के समय सूततन के ऊ सब बिछौना ओकरा ला अशुद्ध ठहरत, जईसे ऊ मासिक धर्म के समय जौन बिछौना पर सुते, आउर जौन-जौन चिजवन पर ऊ बईठऽ हे ऊ सब ओकर मासिक धर्म के समय के अशुद्धता के जईसन अशुद्ध होत।27जौन कोई, ऊ चिजवन में से केकरो छुअत, ऊ अशुद्ध होत; ओकरा अपन कपड़ा धोके आउर पानी से नहा लेवे के चाही, आउर ऊ सांझ ला अशुद्ध रहतन।28बाकि यदि ऊ अपन मासिक धर्म से शुद्ध हो जाय, तऽ ऊ सात दिन गिन लेवे, आउर ओकर बाद ऊ शुद्ध हो जायेत।29आठवाँ दिन ऊ दुगो कबूतर चाहे दुगो कबूतरी के बच्चा के लेके मिलापवाला तम्बू के द्वार पर याजक भीर ले जईतन।30याजक एगो कबूतर के पापबलि के रूप में आउर दुसरका के होमबली के रूप में चढ़ईतन, आउर ओकर अशुद्ध खून के कारण यहोवा के सामने पछतावा करतन।31ई तरह तूँ इस्राएली के उनकर अशुद्धता से अलगे रखिहऽ, जेकरा से ऊ तोर तम्बू के, जेज्जा हम उनकर बीच रह ही, अशुद्ध कर के अपन अशुद्धता से नऽ मरे।32जौन कोई के वीर्य बह जाय, चाहे कोई मरद के वीर्य गिर जाय, ऊ अशुद्ध हो जाय, ओखनी लागी येही व्यवस्था हे।33जौन औरत के मासिक धर्म होवे, चाहे जौन औरत के लिकोरिया रहे, चाहे ऊ आदमी कोई अशुद्ध औरत के साथे सुतल हे।
Bridge Connectivity Solutions Pvt. Ltd.