Leviticus13
1यहोवा मूसा आउर हारून से कहलन2जदि केकरो देह के चमड़ा पर सूजन चाहे पपड़ी चाहे उजला धब्बा हे, आउर ऊ एक से दूसरा में पसर जाय, आउर ओकर देह में चर्मरोग होवे, तऽ ओकरा हारून महायाजक भीर, चाहे ओकर कोई बेटवन में से केकरो एगो याजक भीर ले जाय के चाही।3फिर याजक ओकर देह के चमड़ा में बीमारी के खोज बिन करतन। जदि रोग के जगह पर के बाल सफेद हो गेल हे, आउर बीमारी चमड़ा पर जादे गहरा देखाय दे हे, तऽ ई एगो चर्मरोग के बीमारी हे। याजक ओकरा छानबिन कईलऽ के बाद, ओकरा अशुद्ध घोषित करतन।4जदि ओकर चमड़ा में के दाग उजला रहे, आउर ओकर रूप चमड़ा से जादे गहरा नऽ रहे, आउर जदि रोग के जगह पर बाल सफेद नऽ होल हे, तऽ याजक के ऊ रोगी के सात दिन लागी अलगे रखे के चाही।5सातवाँ दिन, याजक ओकर जाँच-पड़ताल करतन, कि उनकर समझ से बीमारी आउर नऽ बढ़ रहल हे, आउर चमड़ी में नऽ पसर रहल हे। जदि अईसन नऽ हे तऽ याजक के ओकरा सात दिन आउर अलगे रखे के चाही।6याजक सातवाँ दिन फिर से ओकर जाँच-पड़ताल करतन कि ऊ बीमारी निमन हो गेल हे आउर चमड़ा में आगे नऽ पसरल हे। जदि अईसन नऽ हे, तऽ याजक ओकरा शुद्ध घोषित करतन। ई एगो लाल चकत्ता हे। ओकरा अपन कपड़ा धोवे के चाही, आउर फिर ऊ शुद्ध हो जा हे।7बाकि जदि ऊ अपने आप के शुद्ध करे ला याजक के देखईला के बाद दाना चमड़ा में पसर गेल हे। तऽ ओकरा खुद के याजक के दोबारा देखावे के चाही।8याजक ई देखे लागी ओकरा जाँच-पड़ताल करतन कि का चर्मरोग चमड़ा में दूर ला पसर गेल हे। यदि ऊ पसर गेल हे, तऽ याजक के ओकरा अशुद्ध घोषित करे के चाही।9जखनी कोई आदमी चर्मरोग होवे, तऽ ओकरा याजक के भीर जरुरे ले जाय के चाही।10याजक ई देखे लागी ओकर जाँच-पड़ताल करतन कि चमड़ा में सफेद सूजन हे, जदि बाल सफेद हो गेल हे, चाहे सूजन में कच्चा मांस हे कि नऽ।11जदि अईसन रहे, तऽ ऊ एगो पुराना चर्मरोग हे, आउर याजक के ओकरा अशुद्ध घोषित करे के चाही। ऊ ओकरा अलग नऽ करतन, काहेकि ऊ पहिले से ही अशुद्ध हे।12यदि बीमारी चमड़ा में पूरा फैलल जा रहल हे, आउर माथा से लेके ओकर गोड़ तक ऊ चर्मरोग पूरा चमड़ी के झाँक लेवे ला पसरल जा हे, हिंयां तक कि याजक के दिखाई देवे लगऽ हे।13तऽ याजक के ओकर जाँच-पड़ताल करे के चाही कि बीमारी ओकर समूचे देह के घेर लेलक हे कि नऽ। यदि अईसन हे, तऽ याजक के ऊ आदमी के शुद्ध घोषित करे के चाही, जेकरा ई चर्मरोग के बीमारी हे। यदि ई सभे उज्जर हो गेल हे, तऽ ऊ शुद्ध हे।14बाकि जदि ओकरा पर कच्चा चमड़ा के मांस दिखाय देत, तऽ ऊ अशुद्ध ठहरत।15याजक कच्चा मांस के देख के ओकरा अशुद्ध घोषित करे के चाही, काहेकि कच्चा मांस अशुद्ध हे। ई एगो चर्मरोग के बीमारी हे।16बाकि चमड़ा के मांस फिनो से उज्जर हो जाइ, तऽ ऊ आदमी के याजक भीर जाइ के चाही।17याजक ई देखे लागी ओकर जाँच-पड़ताल करतन कि मांस उज्जर हो गेल हे कि नऽ। जदि अईसन हे तऽ याजक ऊ आदमी के शुद्ध घोषित करतन।18जखनी कोई आदमी के चमड़ा पर फोड़ा हे आउर ऊ निमन हो गेल हे।19आउर फोड़ा के जगह पर उजला सूजन हे, चाहे लाल-सफेद चमकदार दाग हे, तऽ ओकरा याजक के दिखावे के चाही।20याजक ओकर जाँच-पड़ताल करतन, कि का ई चमड़ा के नीचे भीतरे तक दिखाय दे रहल हे, आउर का उहाँ के बाल सफेद हो गेल हे। यदि अईसन हे, तऽ याजक के ओकरा अशुद्ध घोषित करे के चाही। जदि ई ऊ जगह पर बढ़ रहल हे जहाँ फोड़ा होल हे तऽ ई एगो चर्मरोग के बीमारी हे।21बाकि जदि याजक ओकर जाँच-पड़ताल करऽ हे, आउर देखऽ हे कि ओकरा में कोई सफेद बाल नऽ हे, आउर ऊ चमड़ा के भीतर न हे बलुक सुख गेल हे, तऽ याजक ओकरा सात दिन लागी अलग रखतन।22जदि ऊ चमड़ा में पसर जाय। तऽ याजक ओकरा अशुद्ध घोषित करतन। ई एगो छुआछूत के बेमारी हे।23बाकि जदि दाग अपन जगह पर हे आउर नऽ पसर रहल हे, तऽ ई फोड़ा के घाव हे, आउर याजक के ओकरा शुद्ध घोषित करतन।24जब चमड़ा जल गेल हे आउर जले के वजह से ओकर कच्चा मांस लाली उज्जर, चाहे उज्जर धब्बा बन गेल हे,25तऽ याजक ओकरा जाँच-पड़ताल कर के ई देखतन कि ऊ जगह के बाल सफेद हो गेल हे कि नऽ, आउर का ई चमड़ा से जादे गहरा मालूम होवऽ हे। यदि ई हे, तऽ ई एगो चर्मरोग के बीमारी हे। ऊ जल गेल हे, आउर याजक के ओकरा अशुद्ध ठहरावे के चाही। ई एगो छुआ-छूत के बीमारी हे।26बाकि याजक जाँच करतन आउर पईतन कि ऊ जगह में कोई सफेद बाल नऽ हे, आउर ई चमड़ा के नीचे नऽ हे, बाकि सुख गेल हे, तऽ याजक के ओकरा सात दिन लागी अलगे करे के चाही।27फिन सातवाँ दिन याजक के ओकर जांच-पड़ताल करे के चाही। यदि ई चमड़ा में पूरा तरह से फैल गेल हे, तऽ याजक के ओकरा अशुद्ध घोषित करे के चाही। ई एगो चर्मरोग के बीमारी हे।28यदि ऊ दाग ओही जगह पर बनल रह हे आउर पुरे चमड़ा में नऽ पसरल हे, बाकि सुख गेल हे, तऽ ऊ जल जाय के चलते सूजन हे, आउर याजक ओकरा शुद्ध ठहरइतन। काहेकि ऊ जलल दाग से जादे कुछ नऽ हे।29जदि कोई आदमी चाहे औरत के माथा चाहे दाढ़ी पर छुआ-छूत के बीमारी हे,30तऽ याजक के ऊ आदमी के छुआ-छूत के बीमारी के जाँच-पड़ताल करे के चाही, कि का ई चमड़ा से जादे गहरा मालूम होवऽ हे, आउर का ओकरा में जदि एकरा में पीयर रंग के, पतला बाल हे। जदि उहाँ हे, तऽ याजक के ओकरा अशुद्ध घोषित करतन। ई एगो माथा चाहे ढोड़ी पर होवे वाला एगो चर्मरोग के बीमारी हे।31जदि याजक खुजली के बीमारी के जाँच-पड़ताल करतन, आउर देखतन कि ऊ चमड़ा के भीतर नऽ हे, आउर ओकरा में करिया बाल नऽ हे, तऽ याजक ऊ खुजली के बीमारी वाला आदमी के सात दिन लागी अलग कर देतन।32सातवाँ दिन याजक बीमारी के जाँच-पड़ताल करतन कि पसर रहल हे कि नऽ। यदि कोई पीयर बाल नऽ रहे, आउर बीमारी खाली चमड़ा के भीतर तक पसरल मालूम होवऽ हे,33तऽ ओकरा मुंड़ देवल जाय के चाही, बाकि बीमारी के जगह पर नऽ मुड़े के चाही, आउर याजक ऊ खुजली के बीमारी वाला आदमी के सात दिन ला आउर अलग रखतन।34सातवाँ दिन याजक ऊ बीमारी के जाँच-पड़ताल करतन कि ऊ चमड़ा में पसरेला बंद हो गेल हे कि नऽ। जदि अईसन लगे कि ई चमड़ा से जादे गहिरा नऽ हे, तऽ याजक के ओकरा शुद्ध घोषित करे के चाही। ऊ आदमी के अपन कपड़ा धोवे के चाही, तऽ ऊ शुद्ध रहतन।35बाकि जदि याजक के ई कहला के बाद कि हम शुद्ध ही, खुजली के बीमारी चमड़ा में ढेर पसर गेल हे,36तऽ याजक के फिनो से ओकर जाँच-पड़ताल करे के चाही। जदि बीमारी चमड़ा में पसर गेल हे, तऽ याजक के पीयर बाल के खोज करे के जरुरत नऽ हे। आदमी अशुद्ध हे।37बाकि जदि याजक के नजर में खुजली के बीमारी पसरे लागी बंद हो गेल हे आउर जगह में करिया बाल उग गेल हे तऽ ऊ बीमारी ठीक हो गेल हे। ऊ शुद्ध हे, आउर याजक के ओकरा शुद्ध घोषित करे के चाही।38जदि कोई मरद चाहे औरत के चमड़ा पर सफेद दाग हे,39तऽ याजक के ऊ आदमी के जाँच-पड़ताल करे के चाही कि का ऊ दाग सुखल उजला रंग के हे, जौन चमड़ा पर फूटल दाना हे। ऊ शुद्ध हे।40जदि कोई आदमी के माथा के बाल झड़ गेल हे, तऽ ऊ गंजा तऽ हे, बाकि ऊ शुद्ध हे।41जदि ओकर माथा के आगे के बाल झड़ गेल हे, आउर ओकर माथा गंजा हो गेल हे, तऽ ऊ शुद्ध हे।42बाकि जदि ओकर गंजा माथा पर लालिमा, उजला घाव हे, तऽ ई चर्मरोग के रोग हे।43फिनो याजक के ओकर जाँच-पड़ताल करे के चाही कि ओकर गंजा माथा चाहे लिलार पर बीमारी के जगह के सूजन लाल-सफेद, जईसन चमड़ा में हे कि नऽ, एगो कोढ़ी के मौजूदगी हे।44जदि अईसन हे, तऽ ओकरा एगो कोढ़ी के बीमारी हे, आउर ऊ अशुद्ध हे। याजक के पक्का ओकर सिर पर लगल ओकर बीमारी के चलते ओकरा अशुद्ध घोषित करे के चाही।45जौन आदमी के कोढ़ी के बीमारी हे, ओकरा फटल कपड़ा पहने के चाही, ओकर बाल ढीला लटकल रहे के चाही, आउर ओकरा अपन मुँह नाक तक ढांप के चिल्लईते रहे के चाही, "हम अशुद्ध ही हम अशुद्ध ही।"46जेतना दिन तक ओकरा छुआ-छूत के बीमारी रहत, ओतना दिन तक ऊ अशुद्ध रहत। जबकि ऊ एगो अईसन बीमारी से अशुद्ध हे, जौन फैल सकल हे, येहिसे ओकरा अकेले रहे के चाही। ओकरा गाँव के बाहर रहे के चाही। 47जौन कपड़ा जौन चर्मरोग से गन्दा होवल हे, चाहे ऊ ऊनी रहे चाहे सनी के कपड़ा रहे।48चाहे ऊनी, चाहे सनी, चाहे चमड़ा से बनल कोई चीज से बनावल, चाहे बुनल गेल कोई चीज।49जदि कपड़ा, चमड़ा, बुनल गेल चाहे चमड़ा से बनल कोई चीज में हरियर चाहे लाल रंग के गन्दगी हे, जेकरा से ई चर्मरोग पसरऽ हे; एकरा याजक के देखावल जाय के चाही। 50याजक ऊ चीज ला फफूंदी के जाँच-पड़ताल करतन, जौन कोई चीज में फफूंदी रहे ओकरा सात दिन लागी अलगे रखे के चाही।51ओकरा सातवाँ दिन फिरो से चर्मरोग के जाँच-पड़ताल करे के चाही। जदि ई कपड़ा में, चाहे ऊनी, चाहे सनी के कपड़ा, चाहे चमड़ा, चाहे कोई भी चीज में, जेकरा में चमड़ा के इस्तेमाल करल जा हे, फैल गेल हे, त ई नुकसान करे वाला चर्मरोग हे, आउर ऊ चीज अशुद्ध हे।52ऊ कपड़ा, चाहे ऊनी, चाहे सनी के चिजवन से बनल कुछ भी चीज, चाहे चमड़ा, चाहे चमड़ा से बनल कोई भी चीज, जेकरा में नुकसान करे वाला चर्मरोग पावल जा हे, जला देवे के चाही, काहेकि एकरा से बीमारी हो सकल हे। ऊ चिजवन के पूरा तरह से जला देवे के चाही।53जदि याजक ऊ चीज के छान-बिन करऽ हे आउर देखे कि फफूंदी ऊन, चाहे सनी के कपड़ा, चाहे चमड़ा के सामान से बनल, चाहे बनल पेहनावा, चाहे चिजवन में नऽ लगल हे,54तऽ याजक ऊ चीज के धोवे के आज्ञा देतन जेकरा में फफूंदी लगल हे, आउर ओकरा से सात दिन लागी अलग रखे के चाही।55फिरो याजक फफूंदी वाला चीज के धोवे के बाद ऊ चिजवन के जाँच-पड़ताल करतन। जदि फफूंदी अपन रंग नऽ बदलल हे, भले ही ऊ फैलल नऽ हे, तऽ ऊ अशुद्ध हे। तोरा ऊ चिजवन के जरुर जला देवे के चाही, भले ही फफूंदी ओकरा कहूँ भी गन्दा कर देलक होत।56जदि याजक ऊ चिजवन के जाँच-पड़ताल करऽ हे, आउर जदि चर्मरोग धोला के बाद दूर हो गेल हे, तऽ ओकरा कपड़ा में से, चाहे चमड़ा में से, चाहे बनावल गेल, चाहे बुनल गेल कपडा में से ऊ गन्दा भाग के फाड़ देवे के चाही।57जदि चर्मरोग अखनियो भी कपड़ा में दिखाय दे हे, चाहे तऽ बनल, चाहे बनावल गेल चीज में, चाहे चमड़ा से बनल कोई भी चीज में, ई फैल रहल हे। त अपने के ऊ कोई भी चीज के जला देवे के चाही जेकरा में चर्मरोग हे।58कपड़ा, चाहे ऊनी, चाहे सनी, के चीज से बुनल चाहे बुनावल गेल कुछ भी चीज अपन चिजवन जदि अपने ऊ चीज के धोवऽ हथिन आउर चर्मरोग निकस जा हे, तऽ ओकरा दूसरका बार धोवे के चाही, आउर ऊ शुद्ध हो जायेत।59ऊन, आउर मलमल के कपड़ा, चाहे ऊन, चाहे सनी के सामान से बुनल गेल कोई चीज, चाहे चमड़ा, चाहे चमड़ा से बनावल गेल कोई भी चीज में चर्मरोग के बारे में येही कानून हे, तूँ अपने आप के शुद्ध, चाहे अशुद्ध घोषित कर सकल हे।
Bridge Connectivity Solutions Pvt. Ltd.