BaHhebheru13
1Yendilanimbeli mudana sehama.2Mube nelebeswa kuti mowamutjila bezi banopinda ngezila ina bunhu. Ngethama ikoku, bamwe bakawamutjila batumwa bekudzimu zwakanaka basingazibe kuti banowamutjila batumwa bekudzimu.3Mukumbule bamumajele, sekunonga kunoyi makasungwa panhu pan'ompela nabo, nebanobhakhwa zwakayipa sekunoyi namwi bo mobhakhwa zwakayipa.4Bose banhu ngabalemekedze ndobolo, nhobo yendobolo ngayisilongwe hambgwa, ngobe Ndzimu unowholanga banothama bupombgwe nebasingazwibhate.5Tjengetani butjilo gwenyu gusilawugwe neludo gwemari, gutshikanani nekose kwamunako, ngobe iye unoti, “Anditowhobva pakuli, anditowhokusiya.”6Ndizo ngekuzwigalabgwe tingaleba titi,“He ndiye mbhatshi wangu,anditowhohla;ini nhu tjaangandithama?”7Kumbulani nekwebatungamili benyu, ibabo bakasumikila dama leNdzimu kumuli, mulingisise tjila kwabo, mutodze bugalimoyo gwabo.8Yesu Khirisitu ndiyezwe wahhulo, nanasi nekusingapele.9Musitungamiligwe ntome nezwidiyo zwakasiyana siyana zwisakawolobeleka, ngobe kwakanaka kuti moyo usimisiwe nengoni, usi simisiwe nezodliwa, zwisakabhatsha ibabo bakabekutobedzela.10Tina tjibeso tjepisila zwibhayilo, ibabo banohinga pajatja abatobvumigwa dla mipilo patjili.11Ngobe mitumbi yemhuka idzedzo dzinamalopa anohhisiwa paBugalo Gwakayengemala kupinda gose nemphirisiti upehhugwi tjili tjibhayilo tjejinyo inopisigwa kuhhe kwenzi.12NaYesu bo wakafila kuhhe kwenzi-nkulu, kuyetila kuti atjenese banhu ngemalopa awe.13Ndizo ke ayiyendeni kuwunli kuhhe kwenzi, tisenge bo bhakhwa zwakayipa kwaakasimidzila mukuli.14Ngobe pano muhango atina nzi-nkulu unowhobayapo nekusingapele, koga tohaka nzi-nkulu unohha.15Nemuwunli ayigaleni tipa mipilo yelumbidza Ndzimu, kunoba mitjelo yemilomo yedu inobvuma zina lile.16Mubenelebeswa kuti mothama tjakanaka nange kobelana kwamunako, ngobe zwibhayilo zwakajali zohanhisa Ndzimu.17Muwhilile batungamili benyu, muzwitebamise pasi kwabo, ngobe banolisa meya dzenyu, saku bewhotula nlondesedzo. Mubabvumile bathame n'hingo nekuhanha, basiwuthame balihhele buyendasi ngobe koba kusingowhomubhatsha netjimwe.18Mutitembezelele, ngobe tinalebeswa kuti tinahana mbuyanana, toyemula yeta zwakanaka muna kose.19Ndomukumbilisisa kuti mukuthame ikoku kuyetila kuti Ndzimu andibgwilize kumuli nekutjimbidza.20Kadzene Ndzimu wekunyalala iye wakamusa He wedu Yesu kubafi, iye nlisi nkulu wemwizi, ngemalopa etjibvumilano tjisingapele,21angamupa kose kwakanaka kuyetila kuti muthame kuda kukwe, ehinga mumuli itjetjo tjinohanhisa mbeli kukwe, ngemuna Yesu Khirisitu. Ngaakudziwe lini nalini. Akujalo.22Ndomukumbilisisa makamu angu amutjilani nemoyonlefu dama langu lemukulumbidza, ngobe ndamukwalila ngekufutshwanana.23Mofanila whisisa kuti gamu ledu Thimothi watjidusiwa mujele, hapa kuli kuti watjimbidza swika ndowhohha naye ndiwhomubona.24Mubuyise batungamili bose nebayengemali bose. Banobva kuIthali banomubuyisa.25Ngoni ngadzibe namwi mose. Akujalo.
The Word for the World International