BaGalathiya6
1Makamu hapa umwe akuligwa nejinyo, imwi bemeya makafanila wuntambunudza akalulama, nemoyo nyolonyolo. Mutjenjele kuti namwi bo, musilikiwe.2Sengesanani bulemo, nethama mujalo mobamuhhadzisa nlayo waKhirisitu.3Hapa nhu ekumbula kuti utjimwe tjinhu iye esitjimwe, unozwitjengela.4Umwe newumwe ngaalingisise n'hingo uwe, ekotjizwikudza ke esingazwilizanye newumwe nhu.5Ngobe nhu nenhu wakafanila senga ntolo uwe.6Iwhoyo unodiyiwa dama leNdzimu ngaakobele iwhoyo unowundhiya kose kwakanaka.7Musitjengegwe, Ndzimu atosekewa, nhu tjaanodzwala nditjo tjaanovuna.8Ngobe iwhoyo unodzwala tjinohanhisa njemulo dzembili uwe unowhovuna bola munyama, koga iwhoyo unodzwala mumeya unowhovuna butjilo gusingapele.9Tisinyale mukuthama zwibuya, ngobe mulubaka gwakafanila towhovuna, hapa tisinganyale moyo.10Sayikoku tina nkoba ngatithameni kwakalulama kubanhu bose, bukulu kuna ibabo ben'ha webugalimoyo.11Lingani kuti ndomukwalila ndihingisa mabala makulu tjini ngeluboko gwangu.12Ndiyibabo banohaka lakidza bubuya munyama banomumanikidza kuti muthumbigwe, beyetila kuti basidziyidziwe ngentha yetjileyanyo tjaKhirisitu.13Ngobe kene ibo nekwabo bakathumbigwa abatotjengeta nlayo, koga banohaka kuti imwi muthumbigwe, kuyetila kuti bawane gudzo ngentha yemibili yenyu.14Koga ke imi ngandisiwane gudzo, kuhhe kwe gudzo letjileyanyo tjaHe wedu Yesu Khirisitu, muwunli iye hango yakakowhomegwa kundili, nemibo ndakakowhomegwa kuyili.15Ngobe thumbigwa akuna tjakunohinga, kene iko sathumbigwa akunabo tjakunohinga, koga tjikulu whuba mbumbiko ntshwa.16Kunyalala nemawhilangoni ngakube kuna ibabo banoyenda munlayo iwhoyu, maIsirayeli eNdzimu.17Kubvisila ngwenuwali kusitjabe nenhu unondidziyidza, ngobe mabanga andinawo mumbili anolayidza kuti ndilanda waYesu.18Ngoni dzaHe wedu Yesu Khirisitu ngadzibe nemeya dzenyu makamu. Akujalo.
The Word for the World International