BaGalathiya5
1Tjimani ke makasima mulusununguko gwatakapiwa naKhirisitu, musibvumile kuti mubgwilile kakale kujogwe lebulanda.2Whililani, imi Phawuli, ndoti kumuli hapa muwamutjila thumbigwa, Khirisitu haatjina bhatsho kumuli.3Ndopamha ndikowhomesedza nlume wose unobvuma thumbigwa, kuti waba nenlandu wekuti atjengete nlayo wose.4Khirisitu haatjina bhatsho kumuli, ndobva imwi munoti makalulamisiwa nenlayo, matjibe kuhhe kwengoni.5Ngobe iswi ngeMeya takamilila tjigadzabgwe tjekuti towholulamisiwa nebugalimoyo.6Ngobe muna Yesu Khirisitu thumbigwa kene sathumbigwa akutobva tjimwe, tjinohakika bugalimoyo gunozwilakidza ngemihingo yeludo.7Makamuyeta zwakanaka, ndiyani wakamudzingayidza kuti mume whilila lebeswa?8Tetedza ikoku akutoyetiwa newunomudana.9Mbidzo nhukununu inobidza bhundu lose.10Ndogalabgwe munaHe, kuti hamutowhoba newumwe nkumbulo wakasiyana nekwandinoleba, nayiwhoya unomudziyidza unowhotongewa kene kuli yani.11Hama dzangu hapa nditjasumikila thumbigwa nditjadziyidzigwani ngono? Hapa kuli kuti kwakajalo sumikila nekwetjileyanyo akungasilinge nhu.12Ndoyemula kuti ibabo banomudziyidza kadzene babengazwisunula.13Hama dzangu imwi makadanigwa kulusununguko, musihingise lusununguko igogu kuti guhhadzise njemulo dzembili nekwakajaloke hingilani umwe newumwe muludo.14Ngobe nlayo unohhadzisiwa mudama lin'ompela linoti, “Ida mbakidzani uwo sekwaunozwida iwe.”15Ngono hapa mulumana mudlana semhuka, mutjenjele kuti musipedzane.16Kwandinoleba ndiwhoku, tjilani ngeMeya, mukajalo amutowhogutsha njemulo dzembili.17Ngobe njemulo dzembili dzogwisana neMeya, nenjemulo dzeMeya dzogwisana nedzembili, ngobe ikoku kubili koleyana, kuti usitubule thama tjawunohaka thama.18Koga hapa mutungamigwa neMeya, amutjipasi kwenlayo.19Sangwenu mihingo yenjemulo dzembili ipatjena ndiyeyi. pinga, hambgwa, zwiyeto zwinobhatisa honi,20namata zwidzimwana, buloyi, lubengo, gwa, fupa, buhongola, haka kuko woga, kakatilana, tjebela, meya dzinoda kwemabunga adzo koga,21tjiba, laladza, zwihanhisa kusakafanila, nekumwe kwakajalo. Ndomubudza sekwandakamubudza kutanga kuti, ibabo banothama zwinhu zwakajalo abangagale nhaka yebumambo gweNdzimu.22Koga mitjelo yeMeya ndiyeyi. ludo, hanha, kunyalala, moyo nlefu, ngoni, bubuya, galikamoyo,23bunyolo, zwibhata, akuna nlayo unonyanyayidzana nayikoku.24Kakale ibabo baKhirisitu Yesu bakakowhomela mibili yabo nezwayinohaka, nenjemulo dzayo patjileyanyo.25Hapa titjila muMeya, ayindeni tili muMeya.26Tisibe banhu banohaka gudzo lisina n'hingo, tihokayidzana, kakale tiyetilana fupa.
The Word for the World International