مکاشفہ18
1یِمہٕ واقع سپدنہٕ پتہٕ وُچھ مےٚ بییہِ اکھ فرشتہٕ آسمانہٕ پیٚٹھٕ بوٚن وسان۔ خداین ٲس امِس فرشتس سیٚٹھاہ اہم اختیار دیتمُت۔ فرشتہٕ اوس تیوٗت چمکان زِ امہِ سٟتؠ اوس زمینس گاہ پیٚوان۔2فرشتن دِژ بڈِ کرٮ۪کھ، "خدا چُھ مکمل پٲٹھؠ بابلؔ کِس بُرٕ شہرس تباہ کرن وول۔ لوٗکھ روزن نہٕ وۅنؠ امہِ شہرٕ کٮ۪ن کھنڈراتن منٛز۔ تتہِ روزن پرٛتھ قسمٕکؠ بد روح۔ پرٛتھ قسمٕکؠ مکرو مردارخور جاناوار تہِ روزن تتہِ "3خدا چُھ بابلؔ شہر تباہ کرن وول تکیازِ امؠ بُرٕ شہرن کٔرؠ لوکن ہنٛزٕ جمٲژ بُت پرستی کُن رٲغب۔ بابلنؔ کٔرؠ تِمن جمٲژن ہنٛدؠ حکمران تہِ متٲثر، تہٕ تِمو کٔر پنٕنؠ لوٗکھ بُت پرستی کرنہٕ باپتھ مجبور۔ بابلؔ بنیاو عیش و عشرتٕچ زندگی گذارنٕچ اکھ مثال۔ امہِ سٟتؠ ٲسؠ باقی جاین ہنٛدؠ لوٗکھ تہٕ یتھے پٲٹھؠ روزُن یژھان۔ یِمو لوٗکو عیٲشی باپتھ تِمن لوٗکن سامانہٕ کُن تِمو زیٚون تتھ سامانس واریاہ پونٛسہٕ۔ 4پتہٕ بوز مےٚ آسمانہٕ پیٚٹھٕ اوس کُستام کریکہٕ دِوان۔ تمؠ ووٚن، "میانیٚو لوٗکو، بابلؔ کہِ امہِ برٕ شہرٕ منٛزٕ ژٔلیٚو، اگر توٚہؠ اتہِ روزیٚو توٚہؠ کٔریٚو اتکٮ۪ن ہنٛدؠ پٲٹھؠ گناہ تہٕ اگر توٚہؠ گناہ کریٚو یتھ کنؠ تِم کران چھِ، تہٕ بہٕ دِمہٕ توٚہہ تِتھے پٲٹھؠ سزا یتھ پٲٹھؠ بہٕ تِمن سزا دِمہٕ۔ 5ژٔلیٚو تکیازِ امہِ بُرٕ شہرٕکیٚو لوٗکو کٔرؠ واریاہ بٔڈؠ گناہ یِم آسمانس تام وٲتؠ تہٕ ووٚنؠ چُھ خدا تِمن پننٮ۪ن اعمالن ہُنٛد سزا دنہٕ وول۔6آسمانہٕ پیٚٹھٕ ینہٕ واجنہِ آوازِ ووٚن فرشتن یِم خداین بابلسؔ سزا دنہٕ باپتھ مقرر کٔرؠ، "امہِ شہرٕ کٮ۪ن دیزیٚو تیٚوٗت سزا یوٗتاہ تِمو باقی لوٗکن نقصان واتنوو۔ اصلی گوژھ تِمن تمہِ دۅگنہٕ تکلیف واتُن یوٗتاہ تِمو باقی لوٗکن تکلیف واتنوومُت چُھ۔ 7بابلؔ شہرٕ کیٚو لوٗکو کوٚر پانس پانہٕ عزت۔ تمہٕ رودؠ پننٮ۪ن عٲشن سٟتؠ۔ اتھ حدس تام کوٚر تِمو یہ، تِمن واتنٲیو تکلیف تہٕ کرؠ ووکھ غمگین۔ یی کٔریٚو تکیازِ تِمن ٲس پژھ زِ تِم کرن ہمیشہٕ باقی لوٗکن پیٚٹھ حکومت۔ تِمن اوس یقین زِ تِم تھاون پانس پرٛتھ سُہ اکھ چیز دستیاب یمِچ تِمن ضرورت ٲس۔ تِمن اوس یقین زِ تِمن ییہِ نہٕ زانٛہہ تہِ کانٛہہ مشکِل پیش۔8چونکہ بابلٕکؠ لوٗکھ چھِ واریاہ شٲطر امہِ کِنؠ ین اکی وقتہٕ تِمن سارنی سٟتؠ ہٲبت ناک واقعہٕ پیش۔ کینٛہہ مرن تہٕ باقی کرن تِم پیٚٹھ ماتم۔ لوٗکھ آسن بۅچھِ ۂتؠ تکیازِ تِمن آسہٕ نہٕ کھیٚنےٕ۔ شہر دزِ پوٗرٕ پٲٹھؠ۔ خداوند خدا چُھ یتھٕ کنؠ تِمن سزا دِنُک مختار تکیازِ سُہ چُھ قدرت وول" 9زمینہِ پیٚٹھ روزن وٲلؠ قومن ہنٛدؠ حکمران ٲسؠ بابل کٮ۪ن لوکن سٟتؠ بُتن ہنٛز پوٗزا کران۔ تِم ٲسؠ بابلؔ کٮ۪ن لوٗکن سٟتؠ عیش و عشرتس منٛز مصروف۔ اوٕ کِنؠ ییٚلہِ تِم شہر دزان وُچھن تہٕ تِم کرن اتھ پیٚٹھ سیٚٹھاہ ماتم۔ 10تِم حکمران روزن بابلسؔ دوٗرِ نظرِ تکیازِ تِم کھۅژُن اگر تِم نزدیک روزن تہٕ خدا دییہِ تِمن تہِ سزا۔ تِم ونن، "عظیم بابل باپتھ کوتاہ ہولناک چُھ یہ مضبوط شہر! خدا کوتاہ جلد چُھ اتہِ روزن والیٚن لوٗکن سزا دِوان"11تہٕ زمینٕکؠ سودا گر کرن امہِ شہرٕ باپتھ سیٚٹھاہ ماتم تکیازِ تتیُک روزن وول کانٛہہ تہِ ہییہِ نہٕ دوبارٕ تِم چیز یمہٕ یِمن کنٕنؠ۔ آسن۔12تِم چھِ سۅن، رۅف، قٟمتی کنہِ، تہٕ موتین سٟتؠ بنیمٕتؠ زیور کٕنان سوارِ منٛز۔ تِم چھِ بٲریک لِنن تہٕ ریشمکؠ قٟمتی کپُر کٕنان۔ دروگ کپُر یتھ وانٛگٕنؠ تہٕ ۅزُل رنگ دِنہٕ یوان چھُ۔ تِم ٲسؠ مختلف قسمن ہنٛز خۅشبودار لکٕر تہٕ ۂسؠ دنٛدو سٟتؠ بنیمٕتؠ مختلف چیز، ساروےٕ کھۅتہٕ درۅج لکٕر، سرتل، شستٕر تہٕ سنٛگِ مرمر کٕنان۔ تِم چھِ دالچین، مصالہٕ، بخور، رونٛگ، مُشکہٕ چاٹہِ، شراب، زیتون تیٖل مٲدٕ اوٹ تہٕ اناج کٕنان۔ تِم ٲسؠ گاو، تیٖر، گُرؠ تہٕ رتھ کٕنان۔ تِم چھِ انسانن تہِ بحثیتِ غلام کٕنان۔14آ، بابلٕکؠ لوٗکھ یِمن اصلٮیٚن چیزن ہنٛز خوٲہِش تھاوان چھِ تِم سپٕدؠ ختم۔ خداین دیُت تِمن تِہُنٛد واریاہ قٟمتی اثاثہٕ ختم کرِتھ سزا! تِمو راوٕرٲوؠ ہمیشہٕ باپتھ تِم چیز۔15واریہو تٲجرو کموو یِم چیز کنِتھ واریاہ پونٛسہٕ۔ تِم تٲجر روزن بابلؔ نِشہٕ واریاہ دوٗر کھڑا تکیازِ تِم کھۅژُن زِ اگر تِم تِمن نزدیک رودؠ تہٕ خدا دییہِ تِمن تہِ سزا۔ تِم کرن سیٚٹھا ماتم۔16تہٕ تِم ونن زِ اتھ عظیم شہرس سٟتؠ آے واریاہ دردناک واقعہٕ پیش۔ سُہ شہر اوس اکِس مہرنہِ ہنٛدؠ پٲٹھؠ یس بٲریک کپرٕکؠ پلو تہٕ قٟمتی کپرٕکؠ وانٛگٕنؠ تہٕ وۅزٕلؠ رنٛگٕگؠ پلو لٲگِتھ ٲسؠ تہٕ قٟمتی کنٮ۪ن تہٕ موتین ہنٛدؠ سۅنہٕ سنٛدؠ زیور لٲگِتھ ٲس۔17مگر خداین کٔرؠ یِم سٲری قٟمتی چیز آنن فانن منٛز تباہ۔
پرٛتھ جہازُک کپتان، پرٛتھ جہازُک مسافِر، تمام ملاح، تہٕ باقی تمام لوٗکھ یِم سمندرس منٛز کٲم کران ٲسؠ آسن شہرٕ نِشہٕ واریاہ دوٗر ۅدٕنؠ۔18ییٚلہ تِم نارُک دٔہہ وُچھن یُس تتہِ دزان آسہِ تہٕ تِم تُلن شور، "اتھ عظیم شہرس ہیٚوٗ اوس نہٕ بییہِ کانٛہہ شہرا" 19تِم برن پننٮ۪ن کلن لژھ ہاون زِ اسہِ پیٚو بوٚڈ غم۔ پتہٕ دِن امہِ بڈِ غمہٕ سٟتؠ نالہٕ، "بابلسؔ سٟتؠ آے سیٚٹھاہ ہولناک واقعہٕ پیش۔ اتھ شہرس منٛز روزن والیٚو ہیٚتؠ سیٚٹھاہ درۅگؠ چیز، یمہِ کِنؠ جہازٕ مٲلکو تمہٕ چیز توٚت واتنٲوِتھ واریاہ پونٛسہٕ کموو۔ خداین کوٚر یہ شہر یوٗتاہ جلد تباہ"20پتہٕ ووٚن آسمانہٕ پیٚٹھٕ کٔمؠ تام، "اے آسمان کیٚو روزن والیٚو، بابلسؔ سٟتؠ یہ کینٛژھا سپُد تتھ پیٚٹھ روزیٚو خۅش، توٚہؠ یِم خدایہ سنٛدؠ لوٗکھ چھو، توٚہؠ نبی تہٕ رسول ہیٚتھ منٲیو خۅشی تکیازِ یِمن لوٗکن سٟتؠ انصاف کٔرتھ دیُت خداین یِمن سزا، اوٕ کِنؠ زِ یہنٛدِ ذریعہ ووتُو توٚہہ واریاہ نقصان"21پتہٕ تُج أکؠ زبردس فرشتن اکِس بجہ گرٹہٕ کنہِ برابر اکھ کٔنؠ تہٕ دِژن سمندرس منٛز درِتھ۔ پتہٕ ووٚن تمؠ، "خدا کرِ بابلؔ کِس عظیم شہرس اچانک تباہ، سُہ گژھِ انٛد ہیٚتھ نابود، یتھ پٲٹھؠ سۅ کٔنؠ سمندرس منٛز غٲب گییہِ۔ بابلؔ تہِ گژھِ ہمیشہٕ باپتھ ختم! 22اتھ شہرس منٛز وُتھِ نہٕ پتہٕ زانٛہہ کانٛہہ بربت واین وول، گیٚون وول، نَے یا نرسنگا واین وول۔ تتہِ آسہِ نہٕ پتہٕ کانٛہہ کٲرؠ گر چیز بناوان، تتہِ آسن نہٕ پتہٕ دبارٕ زانٛہہ لوٗکھ گرٹن منٛز اناج پِہان تہٕ مٕنان۔ 23تتہِ دزِ نہٕ پتہٕ زانٛہہ کانٛہہ ژونگ۔ پتہٕ آسہٕ نہٕ تتہِ کانٛسہِ مہرنہِ ہنٛدِ یا مہرازٕ سنٛدِ ونہٕ ونٕچ آواز کنن گژھان۔ خدا کرِ تتھ شہرس تباہ چونکہ تتِکؠ تٲجر ٲسؠ دنیاہٕکؠ ساروےٕ کھۅتہٕ اہم انسان۔ تِم ٲسؠ سیٚٹھاہ خۅشحال تکیازِ باسان اوس زِ امؠ شہرن چُھ پرٛتھ اکِس لوٗکہٕ جمٲژ پنٕنؠ پٲٹھؠ زندگی گزارنُک جود عطا کوٚرمُت۔ 24یہ شہر چُھ نبین تہٕ خدا سنٛدین باقی لوٗکن قتٕل کرنُک تہِ قصوروار۔ چونکہ در اصل کوٚر أمؠ تشددُک استعمال کرِتھ تشدُدٕچ اکھ مثال قٲیِم، یہ چُھ پرٛتھ تمہِ قتلُک قصوروار یُس تہِ زمینہِ پیٚٹھ لوٗکو کوٚر"
پرٛتھ جہازُک کپتان، پرٛتھ جہازُک مسافِر، تمام ملاح، تہٕ باقی تمام لوٗکھ یِم سمندرس منٛز کٲم کران ٲسؠ آسن شہرٕ نِشہٕ واریاہ دوٗر ۅدٕنؠ۔18ییٚلہ تِم نارُک دٔہہ وُچھن یُس تتہِ دزان آسہِ تہٕ تِم تُلن شور، "اتھ عظیم شہرس ہیٚوٗ اوس نہٕ بییہِ کانٛہہ شہرا" 19تِم برن پننٮ۪ن کلن لژھ ہاون زِ اسہِ پیٚو بوٚڈ غم۔ پتہٕ دِن امہِ بڈِ غمہٕ سٟتؠ نالہٕ، "بابلسؔ سٟتؠ آے سیٚٹھاہ ہولناک واقعہٕ پیش۔ اتھ شہرس منٛز روزن والیٚو ہیٚتؠ سیٚٹھاہ درۅگؠ چیز، یمہِ کِنؠ جہازٕ مٲلکو تمہٕ چیز توٚت واتنٲوِتھ واریاہ پونٛسہٕ کموو۔ خداین کوٚر یہ شہر یوٗتاہ جلد تباہ"20پتہٕ ووٚن آسمانہٕ پیٚٹھٕ کٔمؠ تام، "اے آسمان کیٚو روزن والیٚو، بابلسؔ سٟتؠ یہ کینٛژھا سپُد تتھ پیٚٹھ روزیٚو خۅش، توٚہؠ یِم خدایہ سنٛدؠ لوٗکھ چھو، توٚہؠ نبی تہٕ رسول ہیٚتھ منٲیو خۅشی تکیازِ یِمن لوٗکن سٟتؠ انصاف کٔرتھ دیُت خداین یِمن سزا، اوٕ کِنؠ زِ یہنٛدِ ذریعہ ووتُو توٚہہ واریاہ نقصان"21پتہٕ تُج أکؠ زبردس فرشتن اکِس بجہ گرٹہٕ کنہِ برابر اکھ کٔنؠ تہٕ دِژن سمندرس منٛز درِتھ۔ پتہٕ ووٚن تمؠ، "خدا کرِ بابلؔ کِس عظیم شہرس اچانک تباہ، سُہ گژھِ انٛد ہیٚتھ نابود، یتھ پٲٹھؠ سۅ کٔنؠ سمندرس منٛز غٲب گییہِ۔ بابلؔ تہِ گژھِ ہمیشہٕ باپتھ ختم! 22اتھ شہرس منٛز وُتھِ نہٕ پتہٕ زانٛہہ کانٛہہ بربت واین وول، گیٚون وول، نَے یا نرسنگا واین وول۔ تتہِ آسہِ نہٕ پتہٕ کانٛہہ کٲرؠ گر چیز بناوان، تتہِ آسن نہٕ پتہٕ دبارٕ زانٛہہ لوٗکھ گرٹن منٛز اناج پِہان تہٕ مٕنان۔ 23تتہِ دزِ نہٕ پتہٕ زانٛہہ کانٛہہ ژونگ۔ پتہٕ آسہٕ نہٕ تتہِ کانٛسہِ مہرنہِ ہنٛدِ یا مہرازٕ سنٛدِ ونہٕ ونٕچ آواز کنن گژھان۔ خدا کرِ تتھ شہرس تباہ چونکہ تتِکؠ تٲجر ٲسؠ دنیاہٕکؠ ساروےٕ کھۅتہٕ اہم انسان۔ تِم ٲسؠ سیٚٹھاہ خۅشحال تکیازِ باسان اوس زِ امؠ شہرن چُھ پرٛتھ اکِس لوٗکہٕ جمٲژ پنٕنؠ پٲٹھؠ زندگی گزارنُک جود عطا کوٚرمُت۔ 24یہ شہر چُھ نبین تہٕ خدا سنٛدین باقی لوٗکن قتٕل کرنُک تہِ قصوروار۔ چونکہ در اصل کوٚر أمؠ تشددُک استعمال کرِتھ تشدُدٕچ اکھ مثال قٲیِم، یہ چُھ پرٛتھ تمہِ قتلُک قصوروار یُس تہِ زمینہِ پیٚٹھ لوٗکو کوٚر"
Bridge Connectivity Solutions Pvt. Ltd.