مکاشفہ17
1یمو ستو فرشتو منٛزٕ یِمن اتھِ پیالہٕ ٲسؠ آو اکھ مےٚ نِش۔ تٔمؠ ووٚن، "ۅلہٕ مےٚ سٟتؠ، بہٕ چُھسے ژےٚ ہاوُن یژھان زِ خدا کیٚوتھ سزا دییہِ تس بدکار فحش زنہِ یۅسہٕ ژٕ اکِس بٔڈس دریاوس نزدیک بہِتھ وُچھتھن۔2زمین کیٚو بادشاہو کٔر تِمن بُتن ہنٛز عبادت یِمن ہنٛز سۅ یژھان ٲس تِم گٔژھؠ عبادت کرٕنؠ۔ یِمن لوٗکن پیٚٹھ تِم حکومت کران ٲسؠ تِمو تہِ کٔر تِمن بُتن ہنٛز عبادت۔ باسان اوس زِ یِم چھِ شراب کِس نشس منٛز یُس تمہ تِمن دیُتمُت اوس"3پتہٕ دیُت مےٚ پاک روحن الہام یمہِ سٟتؠ مےٚ رویاہس منٛز بوزِتھ تہٕ چیز وُچھِتھ ہیٚکہٕ۔ فرشتن نیوٗس بہٕ دوٗر اکِس وٲران علاقس منٛز۔ تتہِ وُچھ مےٚ اکھ زٔنؠ یۅسہٕ اکِس وۅزلِس جانورس پیٚٹھ سوار ٲس۔ جانورس ٲسؠ سٲرسےٕ پانس پیٚٹھٕ ناو لیٚکِھتھ۔ یِم ٲسؠ تِتھؠ ناو یمو سٟتؠ خدایہ سنٛز توہین سپدان ٲس۔ امِس جانورس ٲسؠ ستھ کلہٕ تہٕ داہ ہینٛگ۔4ووٚنؠ ٲس یہ زٔنؠ وانٛگٕنؠ تہٕ وۅزٕلؠ پلو لٲگِتھ۔ تمِس ٲسؠ سۅنہٕ سنٛدؠ زیور قٟمتی کرانٛکھ تہٕ مۅختہٕ لٲگِتھ۔ تمسنٛدِس اتھس منٛز اوس سۅنہٕ سُنٛد پیالہٕ۔ سُہ پیالہٕ اوس کمہِ تام چیٚنہٕ چیزٕ سٟتؠ برِتھ یُس تِمن خوفناک کامٮ۪ن ہُنٛد اظہار کران چُھ ییٚلہ سۅ جنسی بدکٲری ہنٛز عمل کران چھِ۔5تہٕ تمسنٛدِس ڈٮ۪کس پیٚٹھ اوس اکھ ناو لیٚکِھتھ۔ اتھ ناوس اوس اکھ پوشیدٕ مطلب۔ سُہ ناو اوس: عظیم بابلؔ، پاژھنٮ۪ن تہٕ دنیاہس منٛز غٲر اخلٲقی چیزن ہنٛز موج۔ 6مےٚ وُچھ سۅ زٔنؠ ٲس ووٚنؠ خمارٕ ۂژ بنیمٕژ تکیازِ تمہِ اوس خدایہ سنٛدین بندن ہُنٛد خوٗن چیٚمُت۔ تِمو لوٗکو ٲسؠ یسوعسؔ متعلق پزر وننہٕ باپتھ تکلیف تُلمٕتؠ۔ ییٚلہِ مےٚ سۅ وُچھ تمہِ کوٚرس بہٕ سیٚٹھاہ حٲران۔7فرشتن پرُژھ مےٚ زِ یہ گٔژھےٕ نہٕ ژےٚ حٲران کرٕنؠ، بہٕ ونے ژےٚ زنہِ تہٕ امِس جانور سُنٛد پوشیدٕ مطلب یمِس پیٚٹھ یہ سوار چھےٚ، امِس جانورس چھِ ستھ کلہٕ تہٕ داہ ہینٛگ۔8سُہ جانور یُس ژےٚ وُچھتھن اوس گۅڈٕ زنٛدٕ مگر ووٚنؠ چُھنہٕ سُہ زندٕ۔ البتہٕ چُھ سُہ ووٚنؠ واپس ینہٕ وول تمہِ سرنہِ تہٕ انہِ گٹہِ چاہ منٛزٕ۔ مگر ٲخر کرِ تس خدا تباہ۔ پتہٕ گژھِ یہ جانور دُبارٕ اکہِ پھرِ زندٕ روزنہٕ تہٕ پتہٕ مرنہٕ پتہٕ دوبارٕ ظٲہر۔ امِس وُچھِتھ گژھن زمینس پیٚٹھ روزن وٲلؠ تِم لوٗکھ حٲران یہنٛدؠ ناو نہٕ خداین دنیا تخلیق کرنہٕ برُونٛہہ زندگی ہنٛزِ کتابہِ منٛز لیٚکھمٕتؠ چھِ۔9لوٗکن چُھ یہ سمجھنہٕ باپتھ عقلہِ کٲم ہیٚنٕچ ضرورت: تمِس جانور سنٛدؠ ستھ کلہٕ یمِس پیٚٹھ یہِ زٔنؠ سوار چھےٚ تمسنٛدؠ ستھ کلہٕ چھِ ستن پہاڑن ہنٛز نمایندگی کران۔ تِم چھِ شہرٕکؠ تِم ستھ پہاڑ یہنٛز نمایندگی یہ زٔنؠ کران چھےٚ۔ ستھ کلہٕ چھِ ستن حکمرانن ہنٛز تہِ نمایندگی کران۔10یمو منٛزٕ چھِ پانٛژھ حکمران ممٕتؠ۔ اکھ چُھ وُنہِ زندے۔ تہٕ ستِم حکمران چُھ وُنہِ ینے۔ ییٚلہ سُہ ییہِ تہٕ سُہ کرِ کمسےٕ کالس حکومت۔11سُہ جانور یُس گۅڈٕ زندٕ اوس تہٕ پتہٕ اوس نہٕ زندٕ آسہِ ٲٹھِم حکمران۔ سُہ چُھ بنیٲدی تِمو ستو حکمرانو منٛزٕ اکھ۔ خدا کرِ تس ضرور تباہ۔12ووٚنؠ یمہِ داہ ہینٛگ توٚہہ وُچھو تِم چھِ دہن حکمرانن ہنٛز نمایندگی کران یمو نہٕ وُنہِ حکومت کرنؠ شروع کٔر۔ مگر تِم کرن جانورس سٟتؠ رٔلِتھ لوکن پیٚٹھ حکومت، سۅتہِ کمےٕ وقتہٕ باپتھ۔ 13تِم سٲری حکمران آسن کُنی کٲم کرنہٕ باپتھ وعدٕ بند۔ نتیجہ نیرِ یہ زِ تِم دِن جانورس حکومت کرنُک اختیار۔14حٲکم تہٕ جانور کرن برس سٟتؠ لڑٲے۔ سُہ دییہِ تِمن شِکس تکیازِ سُے چُھ خداوند یُس باقی تمام خداوندن پیٚٹھ حکومت کران چُھ تہٕ بادشاہ یُس باقی تمام بادشاہن پیٚٹھ حکومت کران چُھ۔ یِم لوٗکھ تس سٟتؠ چھِ تِم چھِ تمہٕ یِم خداین ژٲرتھ پانس کُن بُلٲمٕتؠ چھِ تہٕ یِم وفادٲری سان تمسنٛز خدمت کران روزان چھِ۔15پتہٕ ووٚن فرشتن مےٚ، "توٚہہِ یُس شہرس منٛز آب وُچھو یتہِ پاژھٕنؠ بہِتھ ٲس چُھ بیوٚن بیوٚن پوٚت منظرٕ کٮ۪ن لوٗکن ہُنٛد اکھ بوٚڈ تعداد ظٲہر کران۔16تہٕ یِم داہ ہینٛگ توٚہہ وچُھو تِم چھِ حکمرانن ہنٛز نمایندگی ظٲہر کران۔ تِم تہٕ جانور کرن پاژھنہِ سٟتؠ نفرت۔ امہ موٚکھٕ کرن تِم شہرس لوٗٹھ تہٕ تتھ منٛز تھاون نہٕ کِہین تہِ۔ پتہٕ کرن تِم شہرس تباہ۔ یتھٕ پٲٹھؠ اکھ جنگلی جانور دویمٮ۪ن جانورن کھیٚوان چُھ۔ تِم زالن شہرس پوٗرٕ پٲٹھؠ۔17تِم کرن یہ تکیازِ خداین چُھ تِمن سۅ کٲم ہیٚنُک فٲصلہٕ کوٚرمُت یۅسہٕ سُہ تِمن اتھِ کرناوُن یژھان چُھ۔ نتیجہٕ نیرِ یہ زِ تِم سٲری کرن یکوٹہٕ سپدِتھ اتھ کتھِ پیٚٹھ اتفاق زِ جانورس دِمو حکومت کرنُک اختیار یۅتام نہٕ سُہ تہِ انجام دیہِ یہِ خداین فرموو۔18تہٕ یۅسہٕ پاژھٕنؠ توٚہہِ وُچھوون سۅ چھےٚ انتہٲیی بُرٕ شہرٕچ نمایندگی کران یمِکؠ رہنما دنیا کٮ۪ن باقی حکمرانن پیٚٹھ حکومت کران چھِ"
Bridge Connectivity Solutions Pvt. Ltd.