مکاشفہ19
1امہِ پتہٕ بوز مےٚ آسمانہٕ پیٚٹھٕ اکہِ بجہِ جمٲژ ہُنٛد کہتام شور۔ تمہٕ ٲسؠ کرٮ۪کہٕ دِوان،ہللویاہ! خداین بچٲوؠ أسؠ!سون خدا چُھ جلالہٕ وول تہٕ قٲدر!2خدایس کٔریٚو تعریف تکیازِ سُہ چُھ پوٗرٕ پزرٕ سان انصاف کرن وول!تٔمؠ دیُت تتھ بدکار شہرس سزا یُس أکِس پاژھنہِ ہنٛدؠ پٲٹھؠ اوس، چونکہ امہِ شہرٕ کیٚو لوٗکو کٔرؠ باقی شہرن ہنٛدؠ واریاہ لوٗکھ بدکٲری کرنس پیٚٹھ آمادٕ یتھ کنؠ تِم کران ٲسؠ۔تمِس کٔریٚو تعریف تکیازِ تٔمؠ دیُت تِمن پننٮ۪ن بندن قتل کرنُک سزا!" 3ہجومن دژٕ بییہِ کرٮ۪کہٕ تہٕ ونُکھ،ہللویاہ!نارُک دٔہہ یُس تتھ شہرس زالان چُھ روزِ ہمیشہٕ ۅتھان"4پتہٕ کوٚر 24 ہو بزرگو تہٕ ژورو جاندارو خدایس برُونٛہہ کنہِ سجدٕ تہٕ تمسنٛز عبادت یُس تختس پیٚٹھ بہِتھ چُھ۔ تِمو ووٚن:ہللویاہ! یہ چُھ پزر!"5پتہٕ کٔر تختہٕ پیٚٹھٕ کٔمتام کتھ تہٕ ونُن، توٚہؠ سٲری یِم تمِس احترام کران چھُو، کٔرِو خدایہِ سنٛدؠ تعریف، توٚہہِ منٛزٕ پرٛتھ کانہٛہ! 6پتہٕ بوز مےٚ کہتام تیٚوتھ زنتہٕ اکہ بڈِ لُکہٕ ہجومُک شور اوس۔ تِم ٲسؠ بڈِ آلو دِوان زنتہٕ کُنہِ بڈٕ آبشارُک شور نتہٕ آسہٕ گرٮ۪زٕ ونہِ گگرایہ۔ تِم ٲسؠ نالہٕ دِوان، ہللویاہ، سون خداوند خدا، یُس پرٛتھ کُنہِ پیٚٹھ حکومت کران چُھ!7اسہِ پزِ پٔزؠ کِنؠ جشن مناوُن، تہٕ تس عزت کرُن۔تکیازِ وۅنؠ ووت وق زِ برہؔ سمکھِ تس زنہِ یس سٟتؠ خاندر کرُن چُھس۔ تمہِ چھِ خاندرٕ باپتھ پلو لٲگؠ مٕتؠ۔8خداین دِتؠ تس لاگنہٕ باپتھ سفید صاف پلو۔ تِم چھِ زٲولہِ لِنن کپرٕکؠ"سُہ پۅشاک چُھ رژٕ کامہِ کرنٕچ تہِ علامت یمہٕ خدا پرستہٕ کران چھِ۔9پتہٕ ووٚن فرشتن مےِٚ "یہ لیٚکھ زِ تِم لوٗکھ کٲتیاہ خۅش قسمت چھِ یمہٕ خداین دعوتس أنؠ ییٚلہ برہؔ پننہِ خاندارنہِ سٟتؠ خاندر کران چُھ!" تمؠ ووٚن مےٚ یتہِ، خداین ووٚن یہ، تہٕ یہ چُھ پوٚز!"10بہٕ سپدُس یکدم فرشتس برُونٛہہ کنہٕ تمسنٛز عبادت کرنہٕ خٲطرٕ سربہ سجود۔ مگر تمؠ ووٚن مےٚ تورٕ، "میانؠ عبادت مہٕ کر!بہٕ چُھس صرف چون تہٕ سٲتھی خدمتگار تہٕ بیٚیہِ باقین ایماندارن ہُنٛد سٲتھی خدمتگار یِم یسوعسؔ متعلق پوٚز ونان چھِ۔ خداین سوزنس بہٕ یور توٚہہ مدد کرنہِ باپتھ تاکہ توٚہہ میلہ سۅ نبین بصیرت سمجھنس منٛز مدد یۅسہٕ تمؠ توٚہہِ بخشمٕژ چھَو۔ تکیازِ توٚہؠ چُھو یسوعسؔ متعلق پوٚز ونُن یژھان۔ سُہ چُھ وٲحد خدا یمسنٛز توٚہؠ عبادت کٔریٚو"11پتہٕ وُچھ مےٚ آسمان یلہٕ گژھان، تہٕ مےٚ وُچھ اکھ حٲرتناک چیز: یسوعؔ اوس سفید گُرِس پیٚٹھ سوار۔ تِم لوٗکھ یِم یسوعسؔ مکمل پٲٹھؠ زانان چھِ تِم چھِ تس ہمیشہٕ بھروسہٕ منٛد زانان۔ سُہ چُھ تمام لوٗکن ہُنٛد فٲصلہٕ صحیح طریقس منٛز کران، تہٕ سُہ چُھ تِمن لوٗکن بُتھِ لگان یمہٕ غلط کٲم کران چھِ۔12ووٚنؠ آسہٕ تمسنٛزٕ أچھ دزٕونہِ نارٕ مشالہِ ہِشہٕ چمکان۔ تمؠ ٲسؠ پننِس کلس پیٚٹھ واریاہ تاج دِتھ تھٲمٕتؠ۔ تمسنٛدین پلون پیٚٹھ اوس اکھ ناو۔ صِرف چھُ سُے یوت زانان زِ امہ ناوُک مطلب کیاہ چُھ۔13یمہٕ پلو تس لٲگِتھ ٲسؠ تِم ٲسؠ خوٗنہٕ چِھکو سٟتؠ برِتھ۔ تمِس چھُ بیاکھ ناو خدایہ سُنٛد کلام۔14آسمٲنی فوج اوس تس پتہٕ پتہٕ۔ تِم ٲسؠ سفید گُرٮ۪ن پیٚٹھ سوار، تِم ٲسؠ صاف سفید ریشمی پلو لٲگِتھ۔15یسوعؔ سنٛدِ ٲسہٕ کِنؠ ٲس اکھ تیز تلوار نٔنؠ درامٕژ۔ سُہ کرِ تتھ بٲغی جمٲژن شِکس دنہٕ باپتھ استعمال۔ سُہ کرِ پانہٕ تِمن پیٚٹھ تمہِ طاقتہٕ سان لوریٚو سٟتؠ حکومت یتھ نہٕ کانٛہہ مقابلہٕ کرِتھ ہیٚکہِ۔ سُہ کرِ پننٮ۪ن دشمنن تِتھ پٲٹھؠ تباہ یتھٕ پٲٹھؠ دچھ مَے بناونہٕ کِس حوضس منٛز چیرنہٕ یوان چھےٚ۔ سُہ کرِ یہ سورےٕ خدایہ سنٛدِ خٲطرٕ یُس پرٛتھ چیزس پیٚٹھ حکومت کران چُھ تہٕ پننٮ۪ن دشمنن تہنٛدٮ۪ن گُنہن ہنٛدِ سببہٕ بہتر پٲٹھؠ سزا دییہِ۔16تمسنٛدِس جامس گو رانہِ پیٚٹھ اکھ لقب نمودار: "یہ چُھ سُہ بادشاہ یُس باقین تمام بادشاہن پیٚٹھ حکومت کران چُھ تہٕ خداوند یُس باقی تمام خداوندن پیٚٹھ حکومت کران چُھ" 17تمہِ پتہٕ وُچھ مےٚ اکھ فرشتہٕ اوس افتاب کِس گاشس منٛز کھڑا۔ تٔمؠ کوٚر آسمانس منٛز تھزرس پیٚٹھ وُڈن والیٚن تمام ماز خور جاناوارن بڈِ ہٹہِ آلو، ؤلیٚو تہٕ تمہِ بجہِ خوشی باپتھ گژھیٚو جمع یۅسہٕ خدا توٚہہِ عنایت کران چُھ! 18ولیٚو تہٕ خدایہ سنٛدین دشمنن ہُنٛد ماز کھیٚیو یمہٕ یتھ جنٛگس منٛز مرن، بادشاہن ہُنٛد، فوجی سردارن ہُنٛد، تِمن لوٗکن ہُنٛد یمو طاقتہٕ سان لوٚڈ، گُرٮ۪ن تہٕ گُرؠ سوارن ہُنٛد تہٕ باقی قسمہٕ کٮ۪ن لوٗکن ہُنٛد ماز کھیٚیو"19پتہٕ وُچھ مےٚ سُہ جانور تہٕ زمینٕکؠ بادشاہ پنُن فوج ہیٚتھ۔ تِم ٲسؠ سٲری سمیامٕتؠ گُرِس پیٚٹھ سوار تہٕ تمسنٛدِس فوجس سٟتؠ لڑنہٕ باپتھ۔20مگر سفید گُرِس پیٚٹھ سوارن روٚٹ جانور تہٕ اپُز نبی۔ یہِ اپُز نبی چھُ سُہ یمؠ جانور سنٛزِ موجودگی منٛز معجزٕ ہٲومٕتؠ ٲسؠ۔ یتھٕ پٲٹھؠ دیُت تٔمؠ تِمن لوٗکن دونٛکھٕ یمو پننٮ۪ن ڈٮ۪کن پیٚٹھ جانور سنٛدؠ نشانہٕ قبول کوٚرمُت اوس تہٕ یمہٕ تمسنٛزِ موٗرژ ہنٛز پوٗزا کران ٲسؠ۔ پتہٕ دِتؠ خداین جانور تہٕ اپُز نبی دزٕ ونِس گنٛدک جھیلس منٛز زنٛدے درِتھ۔21تہٕ گُرؠ سوارن ژٔھنؠ تمسنٛدؠ باقی فوجی پننہِ تلوارِ سٟتؠ مٲرِتھ یۅسہٕ تمسنٛدِ ٲسہٕ منٛزٕ درامٕژ ٲس۔ جاناوار آے تہٕ یوٗتاہ ہیوکُکھ تہٕ تیوتاہ ماز کھیوکھ لوٗکن تہٕ گُرٮ۪ن ہُنٛد یمہٕ تمؠ مٲرِتھ ژھنمٕتؠ ٲسؠ
Bridge Connectivity Solutions Pvt. Ltd.