متی7
1اتھ بارس منٛز مہٕ کٔریو باقین لوٗکن ہُنٛد سخت فٲصلہٕ، تاکہِ خدا ونہِ نہٕ زِ توٚہہِ کِتھہٕ پٲٹھؠ چھےٚ گنہو سان کٲم کٔرمٕژ۔2ہرگاہ توٚہؠ بیٚین گناہ گار ؤنِو، خدا دِیو توٚہہِ ہٲوِتھ توٚہؠ کِتھٕ پٲٹھؠ چھُو گناہ گار۔ یِتھَے پٲٹھؠ یمہِ طریقہٕ تہِ توٚہؠ بیٚین سٟتؠ سلوٗک کٔرِو، خدا تہِ کریٚو پانہٕ توٚہہِ سٟتؠ تِتھے پٲٹھؠ سلوٗک۔ یودوے توٚہؠ باقین ملامت کترِو، خدا کرِ تہنٛز تہِ ملامت۔ یوٗتاہ توٚہؠ کٲنٛسہِ ملامت کٔرِو، توٚہہِ تہِ سپدِ تمہِ میٖژٕ ملامت۔3توٚہہِ پزِ نہٕ کٲنٛسہِ تہِ لوٗکن ہنٛدٮ۪ن لۅکٹٮ۪ن اترٮ۪ن سنُن۔ یہِ گوو کٲنٛسہِ ہنٛزِ أچھ منٛز گاسہٕ تُل وچُھن۔ بلکہِ پزِ توٚہہِ پننٮ۪ن بڈٮ۪ن اترٮ۪ن تہٕ کٔمین کُن وچُھن۔ تکیازِ توٚہہِ چھُو نہٕ پننہِ أچھ منٛز سرُمٹی مونٛڈؠ وُچھان۔4توٚہہِ پزِ نہٕ باقین تہنٛدٮ۪ن اترٮ۪ن ہُند ونُن۔ "وۅلہٕ بہٕ کڈے یہ، تُل أچھ منٛزٕ ییٚلہِ زن پننہِ أچھ منٛز سرُمٹُے مونٛڈؠ ٲسی۔5یودوے ژٕ یہِ کرکھ، تیٚلہِ چھُکھ ژٕ ریاکار! ژےٚ پزی گۅڈٕ پانہٕ پنٕنؠ گناہ کرنس روٚٹ کرُن۔ سُہ گوو زن پننہِ أچھ منٛز اکھ بوٚڈ مونٛڈ کڈُن۔ پتہٕ، امہِ کِس نتیجس منٛز، ژےٚ میلی سۅ روحٲنی بصیرت یۅسہٕ ژےٚ باقین ہنٛزن أچھن منٛز لۅکٕٹؠ گندٕ ٹُکرو نِش نجات دِنس منٛز مدد کرنہٕ خٲطرٕ ضروٗرت چھِ۔6"خدایس متعلِق مہٕ ؤنِو تِمن لوٗکن یِمو یہِ بوزنہٕ نِش پوٗرٕ پٲٹھ انکار چھُ کوٚرمُت۔ تکیازِ یہِ چُھ ہوٗنین قٟمتی چیٖز دِنس برابر، یا سورن ہنٛدِس أکِس کھیٚلِس برونہٛہ کنہِ مۅختہٕ تراونس برابر، یِم اتھ لتہٕ مۅنٛجہِ کرن۔ یِم لوٗکھ کرن تتھ رد یہِ توٚہؠ تِمن ؤنِو تہٕ امہِ بدلہٕ کرن توٚہہِ پیٚٹھ حملہٕ۔7بس منٛگِو خدایس پنٕنؠ حاجت تہٕ تھٲیِو امید زِ تہٕ توٚہہِ میلہِ تہٕ گژھِ حٲصِل سُہ۔8یُس تہِ کانہٛہ اکھا خدایس منٛگان چھُ روٗزان تہٕ امید تھاوِ زِ سُہ دِیہِ، سُہ کرِ پنُن حاجت وصول۔9یودوے توٚہہِ پنُن نیٚچو ژوٚٹ منگہِ، توٚہہِ منٛزٕ دِیہِ نہٕ یورٕ تس کانہٛہ کٔنؠ، دِیہِ سا؟10یودوے چون نیٚچو ژےٚ گاڈ منگی، یقیناً دِیہِ نہٕ تس یورٕ کانہٛہ سرف۔11توٚہؠ چھُو زانان زِ پننٮ۪ن شُریٚن کِتھہٕ دِیو توٚہؠ رٕتؠ چیز یودوے زن توٚہؠ بد تہِ ٲسِو۔ اوے تہِ دِیہِ أمہِ کھۅتہٕ تہِ ژرِ وثوقہٕ سان تُہنٛد بب یُس آسمانس پیٚٹھ چھُ توٚہہِ رٕتؠ چیز۔12اوے تہِ یمہِ انمانہٕ تہِ توٚہؠ یژھان چھُو زِ لوٗکھ گژھن توٚہہِ سٟتؠ برتاو کرٕنؠ، تِتھے پٲٹھؠ پزِ توٚہہِ پانہٕ تہِ تِمن سٟتؠ برتاو کرُن تکیازِ خدایہِ سٕنٛدِ قانونُک چھُ یی مطلب۔ تہٕ یہِ چھُ نبین ہنٛدٕ واریاہ کال برونہٛہ لیٚکھنہٕ آمتیُک تہِ مطلب۔13خدایس سٟتؠ ہمیشہٕ باپتھ جنتس منٛز روزنہِ گژھُن چھُ مشکل۔ یہِ زٲنؠ تو یہِ چھےٚ اکھ کۅڈر وَتھ رٹٕنؠ۔ اوٕ کِنؠ چھےٚ اکھ بیاکھ وتھ تہِ۔ وتھ یۅسہٕ باقے واریاہ لوٗکھ رٹان چھِ، سۅ وتھ چھےٚ کُشادٕ۔ تِم چھِ پکان روزان۔ ییتِس کالس تِم أکِس بٔڈِس دروازس تل واتن۔ مگر یُتھےٕ تِم اپٲرؠ اژن، تِم مرن۔ اوے چھُسو ونان یہِ تنگ وتھےٕ رٹٕنؠ تاکہِ تنگ دروازٕ اژن خدایس سٟتؠ جنتس منٛز ہمیشہٕ روزنہٕ باپتھ"15تِمن لوٗکن پیٚٹھ تھٲیِو نظر یِم توٚہہِ اپُز وننو زِ أسؠ چھُو تِی ونان یہِ خداین اسہِ ووٚن۔ یِم چھِ زٲنؠ تو گبہِ بُتھِ رامہٕ ہوٗنؠ تاکہِ تِم باسن بےٚ زرٮ۪ر تہٕ کرنو حملہٕ۔16یتھٕ پٲٹھؠ کٔنڈؠ کُل دچھ دِیہِ نہٕ تہٕ کِکُر دِیہِ نہٕ انجیر تہٕ توٚہؠ ہیٚکِو زٲنِتھ زِ تِم چھِنہٕ پننہِ برتاوٕ کِنؠ خدایہِ سنٛدیو بندو منٛزٕ۔17یہَ گےَ بیاکھ مِثال: سٲری رٕتؠ میٚوٕ کُلؠ چھِ رٕتؠ میٚوٕ دِوان تہٕ سٲری خراب میٚوٕ کُلؠ دۅدٕرؠ میٚوٕ یعنی خراب میٚوٕ دِوان۔18کانہٛہ رُت میٚوٕ کُل ہیٚکہِ نہٕ خراب میٚوٕ دِتھ نہ دِیہِ کانہٛہ خراب میٚوٕ کُل رُت میٚوٕ۔19مزوٗر چھُ تِمن سارنے کُلٮ۪ن ژٹان یِمنہٕ رٕتؠ میٚوٕ دِن۔20کُنہِ کُلیُک میٚوٕ وُچھِتھ چھُو توٚہؠ زانان کمہِ قسمُک کُل چھُ یہِ۔ یِتھے پٲٹھؠ پانس نکھہٕ یِنہٕ والیٚن ہنٛز کٲم وُچھِتھ زٲنِو توٚہؠ زِ یہنٛز وۅپزت آسیا رٕژ کِنہٕ خراب۔21یودوے زن واریاہ لوٗکھ مےٚ عادتہٕ رنٛگؠ آسنہٕ کِنؠ خداوند ؤنِتھ یہِ گمان پٲدٕ کرن زِ تِم چھِ میٲنؠ لوٗکھ۔ خدا کرِنہٕ آسمانو پیٚٹھٕ یِمن سارنےٕ پیٚٹھ بادشٲہی کرٕنؠ قبول۔ تکیازِ تِم چھِنہٕ تسنٛدِ منشہٕ کٲم کران۔ میون بب کرِ قبول تِمنےٕ پیٚٹھ پنٕنؠ بادشٲہی کرٕنؠ یِم تسنٛدِس منشس پیٚٹھ روزن۔22یمہِ دوٚہہ خدا سارنےٕ عدالت لاگہِ، واریاہ لوٗکھ ونن مےٚ، "خداوند، اسہِ ؤنؠ خدا سٕنٛز شیٚچھ چون نمایندٕ آسنہٕ کِنؠ۔ چونُے نمایندٕ آسنہٕ کِنؠ ژلرٲوؠ اسہِ لوٗکن بدروح تہٕ چونُے نمایندٕ آسنہٕ کِنؠ کرِ اسہِ بجہِ بجہِ کامہِ"23تہٕ بہٕ ونکھ یورٕ سارنے لوٗکن تھی کھُلہٕ پٲٹھؠ، "مےٚ چھُو نہٕ توٚہؠ زانہٛہ تہِ پنٕنؠ مٲنؠ مٕتؠ۔ نیرِو دفع مےٚ نِش توٚہؠ بد کار کرن وٲلؠ۔24اوے تہِ یِمو میون بوز تہٕ میانٮ۪ن حکمن پیٚٹھ کٔرٕکھ عمل، زٲنؠ تو تِم چھِ دانا یِمو زن مظبوط کٕنس پیٚٹھ مکان کھول۔25یودوے زن رودٕ شرانہِ وسن یا یِپؠ کھسن تہٕ واوٕ گٹہٕ کار ووٚتھہِ تہٕ اتھ مکانس انٛدٕ ونٛدٕ ولہِ، یہِ مکان پیٚیہِ نہٕ ویسرِتھ تکیازِ یہِ چھُ آمُت تعمیر کرنہٕ سنگلاتس پیٚٹھ۔26اتھ برعکس یِم میٲنؠ تعلیم بوزِتھ پتہٕ تتھ پؠٹھ عمل چھنہٕ کران، آسن أکِس احمقس ہیٚوؠ یُس سٮ۪کہِ پیٚٹھ پنُن مکان بناوِ۔27ییٚلہِ روٗد لاگہِ، دریاوس یُپ کھسہِ تہٕ واوٕ گٹہٕ کار وۅتھہِ تہِ مکانس مِلناوِ ٹاسراے، یہِ ییہِ ووکھرِتھ بوٚن لاینہٕ تہٕ گژھِ چھلہِ چھلہِ تکیازِ یہِ چھُ آمُت بناونہٕ سٮ۪کہِ پیٚٹھ۔ اوے پزِ توٚہہِ مانُن یہِ بہٕ ونو"28ییٚلہِ یسوعن یِم سٲری چیز ؤنِتھ مۅکلٲوؠ، لُکہٕ ہجوم گوو انتہٲیی خوش امسنٛزِ تعلیمہِ پیٚٹھ۔29أمؠ ہیٚچھنٲوؠ أکِس وۅستادٕ سٕنٛدؠ پٲٹھؠ یُس پننِس زاننس پیٚٹھ انحصار کران چھُ۔ تٔمؠ ہیٚچھنٲوؠ نہٕ یہُودؠ قانون تعلیم دِنہٕ والیٚن ہنٛدؠ پٲٹھؠ، یِم باقین ہُنٛدے ونن۔
Bridge Connectivity Solutions Pvt. Ltd.