متی6
1یسوعنؔ تھوو لوٗکہِ جمٲژ یہِ ونُن جٲری، "یہِ کتھ بنٲیِو یقینی زِ ییٚلہِ توٚہؠ رٕتؠ کار کران ٲسِو، یہِ مہٕ کٔرِو لوٗکن ہاونہٕ باپتھ زِ بہٕ چھُس رٕتؠ کار کران۔ یودوے تہنٛدِ رُت کرنُک وجہہ یی چھُ، خدا، تُہنٛد بب، یُس آسمانس پیٚٹھ چھُ دِیو نہ توٚہہِ کانہٛہ انعام۔2اوے ییٚلہِ تہِ توٚہؠ کٲنٛسہِ غریبس کینٛہہ دِیو، باقےٕ لوٗکن مہٕ تھٲیِو خبر أمِچ تۅرے دِتھ۔ ریاکار چھِ عبادت گاہن منٛز تہٕ بجن سڑکن پیٚٹھ امہِ سببہٕ یہِ کران یُتھ لوٗکھ تِمن تعریف کرن۔ یقیناً، چھُسو بہٕ توٚہہِ یہِ سمجھاوُن یژھان زِ یوٚہے انعام چھُ بس ظٲہردارن ہنٛدِ باپتھ۔3تہنٛدؠ پٲٹھؠ یہِ کرنہٕ بجایہ، ییٚلہِ توٚہؠ کٲنٛسہِ غریبس کینٛہہ دِیو، باقی لوٗکن مہٕ دِیو خبر زِ توٚہؠ کیا چھُو کران۔4یتھٕ پٲٹھؠ روزِو توٚہؠ ژھۅپہٕ پٲٹھؠ غریبن دِوان۔ خدا، تُہنٛد بب یُس توٚہہِ وُچھان چھُ ییٚلہِ نہٕ توٚہہِ پیٚٹھ بیٚیہِ کٲنٛسہِ ہنٛز نظر چھےٚ، دِیو توٚہہِ انعامہٕ۔5ییٚلہ توٚہؠ عبادت ٲسِو کران تہِ مہٕ کٔرِو یہِ ریاکار کران چھِ۔ تِم چھِ پسند کران عبادت گاہن منٛز نٔنؠ پٲٹھؠ کھڑا روزُن تہٕ خاص سڑکہ گلیٚن پیٚٹھ عبادت کرٕنؠ تاکہِ لوٗکھ وُچھن تِمن تہٕ سونٛچن تھزٕ کتھہٕ تِمن متعلق۔ پزی چھُسو بہٕ ونان زِ تِمن چھُ أمہِ منٛزٕ بس یُتےٕ زینُن۔6ووٚنؠ گوو یوٚتام تُہنٛد سوال چھُ۔ ییٚلہِ توٚہؠ عبادت کٔرِو، نیرِو أژِو پننِس خاص کمرس منٛز تہٕ تھٲیو بر دِتھ پننِس بب خدایس عبادت کرنہٕ خٲطرٕ، یمِس نہٕ کانہٛہ تہِ وُچھِتھ ہیٚکہِ۔ چون بب چھُے ژےٚ وُچھان تہٕ سُے دِیہِ انعام تہِ۔7ییٚلہِ توٚہؠ عبادت کٔرِو، لفظ مہٕ دوٚہرٲیِو بار بار یتھٕ پٲٹھؠ زن تِم لوٗکھ کران چھِ یِمنہٕ خدایس زانان چھِ ییٚلہِ تِم عبادت کران چھِ۔ تِم چھِ سمجھان زِ ییٚلہِ تِم بار بار اکےٕ کتھ یا لفظ ونن، تہنٛدؠ خداے بوزن تُہنٛد تہٕ دِن تِمن تہِ یہِ تِم منٛگن۔8تہنٛدؠ پٲٹھؠ مٕہ دوٚہرٲیِو الفاظ تکیازِ تُہنٛد بب خدا چھُ تہنٛدِ منٛگنہٕ برونٛٹھےٕ زانان تہنٛز منٛگ۔9اوے منٛگِو یتھٕ پٲٹھؠ : سانہِ ببہٕ، آسمانس پیٚٹھ آسن والہِ،سٲری کٔرؠ نے ژےٚ عزت۔10چون راج روزِن سارنے پیٚٹھ۔ بیٚیہِ مکمل پٲٹھؠ سٲرسےٕ پیٚٹھ۔یہِ ژٕ یژھکھ تی سپدِن یتھ بُترٲژ پیٚٹھ،یتھٕ پٲٹھؠ آسمانس پیٚٹھ سپدان چھُ۔11اسہِ دِ پرٛتھ دوٚہہ باپتھ غذا یہِ اسہِ لگہِ۔12سٲنؠ گناہ بخش تِتھے پٲٹھؠ یتھٕ پٲٹھؠ أسؠ تِمن لوٗکن معاف کران چھِ یِم اسہِ خلاف گناہ چھِ کران۔13اسہِ مہٕ دِ غلط چیز کرنہٕ ییٚلہِ اسہِ دِل وۅٹھ کڈِ،تہٕ اسہِ بچاو ییٚلہِ شیطان اسہِ زخ واتناونٕچ کوشش کرِ،14پانس خلاف کانہٛہ بد کرن والیٚن کٔرِو معاف۔ یودوے تہِ کٔرِو، آسمانس پیٚٹھ تُہنٛد خدا تُہنٛد بب کرِ تہنٛدؠ گناہ معاف۔15یودوے توٚہؠ باقین درگُذر کٔرِو نہٕ، تُہنٛد بب تہِ کرِ نہٕ تہنٛدؠ گناہ معاف۔16ییٚلہِ توٚہؠ خدایس خوش کرنہٕ باپتھ فاقہٕ دِیو، دۅکھٕ لد ہیوٚؠ مہٕ روزِو یتھٕ پٲٹھؠ زن ریاکار روزان چھِ۔ تِم چھِ دۅکھٕ لد ہیٚوؠ روزان تاکہِ لوٗکھ زانن زِ یِمو چھُ کھیٚون تروومُت۔ ژٮ۪تس تھٲیو یِتھؠ لوٗکھ پراون یُتےٕ انعام۔17أمہِ بدلہٕ پزِ توٚہہِ سارنےٕ فاقہٕ تھاونہٕ وزِ پنُن مس تہِ شیٚہرُن تہٕ بُتھ تہِ چھلُن عام دوٚہن ہنٛدؠ پٲٹھؠ۔18تاکہِ باقین ترنہٕ فکرِ زِ توٚہؠ چھُو فاقہٕ۔ مگر خدا تُہنٛد بب یمِس کانہٛہ وُچھِتھ ہیٚکہِ نہٕ چھُ توٚہہِ فاقہٕ تھاوان وُچھان۔ سُہ چھُ توٚہہِ وُچھان یودوے بیٚیہِ کانہٛہ توٚہہِ فاقہٕ وُچھنہٕ۔ تہٕ سُے دِیہِ توٚہہِ أمیُک انعامہٕ۔19خۅد غرض بٔنِتھ مہٕ سمبرٲیو پونٛسن ہُنٛد ڈیر تہٕ مٲدی سامان پننہ باپتھ یتھ بُترٲژ پیٚٹھ۔ تکیازِ بُترٲژ پیٚٹھ چھُنہٕ پوشہٕ وُن کہینؠ، یتہ پلون کیوٚم لگہِ۔ زنگ داتس گالان تہٕ ژور پر مالاس پھیران۔20أمہِ بدلہٕ کٔرِو خدایس خوش کروٕنؠ کار تاکہِ آسمانس پیٚٹھ سمن تہنٛدؠ خزانہٕ۔ آسمانس پیٚٹھ چھُنہٕ کینہٛہ تہِ ضایہِ گژھان۔ آسمانس پیٚٹھ کرِنہٕ کانہٛہ تہِ کیوٚم تہنٛدؠ پلو خراب۔ اتہِ چھنہٕ کانہٛہ زنگ کھسنٕچ باتھ تہٕ چھِنہٕ اتہِ ژوٗرٕے یِم ژور کرن۔21ژٮ۪تس تھٲیِو زِ یہِ تہنٛدِ باپتھ انتہٲیی اہم چھُ، تہِ چھُ خزانہٕ یتھ متعلق توٚہؠ سونٛچو امے مطٲبق۔22"تہنٛزٕ أچھ چھےٚ تہنٛدِ بدنہٕ باپتھ زنتہٕ ژٲنگؠ، تکیازِ یِم چھُو توٚہہِ چیز وُچھنس لایق بناوان۔ اوے یودوے توٚہؠ چیزن وُچھِو، یتھٕ پٲٹھؠ یِمن خدا وُچھان چھُ، زٲنتو زنتہٕ تُہنٛد سورےٕ بدن چھُ اکھ گاشہٕ منڈول۔23ووٚنؠ گوو یودوے تہنٛزٕ أچھ خراب آسن، توٚہؠ ہیٚکِو نہ چیزن صاف صاف وُچھِتھ۔ یودوے یہِ خرٲبی أتی روزِ، تیٚلہِ واتہِ وق ییٚلہِ نہٕ توٚہؠ کہینؠ تہِ وُچھِتھ ہیٚکِو۔ توٚہؠ روزِو پوٗرٕ انہِ گٔٹِس منٛز۔ یِتھے پٲٹھؠ، ییٚلہِ توٚہؠ لالچی روزِو، توٚہؠ روزِو تیٚلہِ أکِس روحٲنی انہِ گٔٹِس منٛز۔ یودوے یہِ کینٛژھا تہنٛزٕ أچھ وُچھِتھ ہیٚکن تہٕ یہِ کینھژھا تُہنٛد دماغ سونچہِ، روزِ تہنٛزٕ مٲدی خٲہِشن تٲبین۔ تیٚلہِ یہِ کینٛژھا توٚہؠ کٔرِو، آسہِ بد۔24کانہٛہ تہِ ہیٚکہِ نہٕ دوٚن آغن اکے وقتہٕ خدمت کٔرِتھ۔ یودوے سُہ یہِ کرنچ کوشش کرِ، سُہ کرِ أکِس نفرت تہٕ بیٚیِس محبت۔ یا آسہِ سُہ أکِس وفادار تہِ بیٚیِس روزِ کٕٹھان۔ یِتھے پٲٹھؠ ہیٚکِو نہٕ توٚہؠ عبادت کٔرِتھ خدایہِ سٕنٛز تہِ تہٕ پونٛسن ہنٛز تہِ۔25اوے چھُسو بہٕ توٚہہِ ونان زِ توٚہہِ پزِ نہٕ واے برُن تِمن چیزن ہُنٛد یِم توٚہہِ زُووٕنہٕ باپتھ ضروری چھِ۔ مہٕ بٔرِو واے زِ توٚہہِ چھا کھٮ۪نہٕ باپتھ کٲفی یا چٮ۪نہٕ باپتھ۔ توٚہہِ چھا ہُریمانہٕ پلو یِمو چیزو کھۅتہٕ ژوٚر اہم چھُ توٚہؠ کِتھہٕ پٲٹھؠ چھُو پنٕنؠ زندگی گُزاران۔26یِمن جاناوارن متعلق سونٛچِو یِم چھِنہٕ بیول ووان تہٕ نَہ چھِ ہرُد لوٚنان یا ہرُد کُچھِ بران۔ تِمن چھُ ہر وِزِ غذا میسر روزان تکیازِ تِمن چھُ خدا، تُہنٛد بب یُس آسمانن پیٚٹھ چھُ غذق میسر تھاوان۔ تہٕ توٚہؠ چھُو یقیناً یِمو جاناوارو کھۅتہٕ بہتر۔ اوے روزؠ تو توٚہؠ بے فِکِر۔ خدا کرِ تہنٛزٕ ضرورژٕ پوٗرٕ۔27کانہٛہ تہِ ہیٚکہِ نہٕ توٚہہِ منٛز فِکِر منٛد روزِتھ پنٕنؠ عُمر ہُررٲوِتھ۔ توٚہؠ ہیٚکِو نہٕ اکھ ژیوٚہ تہِ پننہِ زندگی بٔرژر کٔرِتھ۔ اوے پزِ نہٕ توٚہہِ پننیٚو ضرورژو باپتھ فکرمند روزُن ۔28توٚہہِ پزِ نہٕ پریشان روزُن زِ اما توٚہہِ آسہٕ نا کٲفی پلو لاگنہٕ باپتھ کِنہٕ نَہ۔ سونٛچِو مٲدانس منٛز پھۅلن والیٚن پوشن متعلق۔ یِم چھِنہٕ پونٛسہٕ کماونہٕ باپتھ کٲم کران تہٕ یِم چھِنہٕ پنٕنؠ پلو تہِ بناوان۔29بہٕ چھُسو ونان زِ یودوے بادشاہ سلیمانؔ یُس سٮ۪ٹھا برونہٛہ کالہِ اوس، اوس واریاہ لوبہٕ ونؠ شوبہٕ ونؠ پلو لاگان مگر تسٕنٛدؠ پلو ٲسؠ نہٕ توتہِ تیتیاہ رٕتؠ ییتیاہ یِمن پوشن ہنٛدؠ چھِ۔30خدا چھُ جنگلی پوشن واریاہ شوبہٕ ونؠ بناوان مگر یِم چھِ مٲدانن منٛز چھرا کمےٕ وقتہٕ باپتھ پھۅلان۔ اکہِ دوٚہہ پھۅلن دویمہِ دوٚہہ چھِکھ لوٗکھ زالنہٕ باپتھ دانس بران۔ مگر توٚہؠ چھُو خدایہِ سُنٛد باپتھ زیادٕ اہم یِمو پوشو کھۅتہٕ تہٕ توٚہؠ چھُو زُووان واریاہ کال۔ اوے تھٲیِو پژھ خدایس پیٚٹھ توٚہؠ، یِمن خدایس پیٚٹھ کمےٕ پژھ چھےٚ۔31پریشان مہٕ روزِو تہٕ ؤنِو، "اسہِ آسیا کینٛہہ کھٮ۪نہٕ باپتھ یا اسہِ بیٹیاہ کینٛہہ چٮ۪نہٕ باپتھ یا اسہِ میلیا کینٛہہ ولنہٕ باپتھ۔32تِم یِم خدایس چھِنہٕ زانان چھِ ہمیشہٕ یِمو چیزو باپتھ پریشان روزان۔ مگر خدا چھُ زانان تُہنٛد بب یُس آسمانن پیٚٹھ چھُ تہنٛز سٲرے ضروٗرژٕ۔33امہِ بدلہٕ بناو یہِ کتھ اہم زِ خدا گژھِ سٲرؠ سےٕ دنیہس پیٚٹھ راج کرُن تہٕ پرٛتھ کانہٛہ گژھِ تی کرُن یہِ سُہ اسہِ نِش یژھان چھُ ۔34پگاہ کیا سپدِ توٚہہِ سٟتؠ، أمِچ فِکِر مہٕ ہیٚیِو۔ تکیازِ ییٚلہِ سُہ دوٚہہ واتہِ توٚہہِ آسہِ کٲفی، تتھ دوٚہس متعلق فکرمند آسنٕچ۔ اوے مہٕ روزِو وقتہٕ برونٛٹھےٕ فکرمند۔
Bridge Connectivity Solutions Pvt. Ltd.