1 کورنتھین8
1وۅنؠ کرٕ بہٕ کتھ تمہِ مازچ یُس کٔمؠ تام أکِس خدایس پیش کوٚر۔ أسؠ سٲری یِم دین دار چھِ زانان زِ باقےٕ خداین ہنٛز حقیقت کیا چھےٚ۔ وۅنؠ گو زانُن یہِ زن عام پٲٹھؠ پوٚز چُھ چُھ لوٗکن نِوان کِبرس کُن۔ یہِ چُھ چھرا دویمٮ۪ن ہُنٛد لول یُس پزنہٕ پٲٹھؠ باقےٕ دین دارن مدد کران چُھ۔2سٲری لوٗکھ یِمن گُمان چُھ زِ تِم چھِ کینٛہہ زانان، چھِنہٕ زانان یتھٕ پٲٹھؠ زانُن پزِ ہیٚکھ۔3وۅنؠ گو خدا چُھ زانان تہٕ تمن لوٗکن ہُنٛد پرواے بران یِم تس لول چھِ ویندان۔4وۅنؠ یمہٕ بہٕ پننہِ اصلہِ کتھِ کُن زِ آیا سُہ ماز پزیا کھیُن یُس کٲنسہِ بیٚیِس خدایس ارپن کوٚرمُت آسہ۔ أسؠ یِمن خدایس پٮ۪ٹھ ایمان چُھ چھِ زانان زِ باقےٕ خدا چھِنہٕ پزی موجود۔ پزر گو یہِ زِ أسؠ چھِ سمجھان أکِس خدایس ورٲے چُھنہٕ بیٚیہِ کانٛہہ خدا۔ 5یتہِ چُھ پوٚز زِ آسمانن تہٕ زمینہِ پٮ۪ٹھ چھِ واریاہ چیز یمن لوٗکھ خدا مانان چھِ۔ تہٕ امہِ لِکھہٕ چھِ واریاہ خدا تہٕ خداوند۔6وۅنؠ أسؠ دین دار چھِ بس أکِس خدایس مانان یُس مول چُھ۔ تٔمؠ کٔرؠ پٲدٕ سٲری چیز۔ تہٕ أسؠ چھِ موجود بس تس عزت دِنہٕ باپتھ۔ أسؠ چھِ مزید مانان بس اکھ خداوند یُس یسوعؔ مسیحؔ چُھ۔ مٲلس سٟتؠ رٔلِتھ کٔرؠ تٔمؠ پٲدٕ سٲری چیز۔ تہٕ أسؠ چھِ موجود بس تسنٛدؠ کرنہٕ سٟتؠ یہِ تٔمؠ سانہِ باپتھ کوٚر۔ 7وۅنؠ گو کینٛہہ لوٗکھ چھِنہٕ پوٗرِ پوٗر سمجھان یہِ مےٚ ووٚن۔ تِم ٲسؠ پتھ کالہِ باقےٕ خداین پوٗزان۔ تہٕ تِم چھِ اڈلیوٚکے زانان زِ صحیح کیا چُھ تہٕ غلط کیا۔ ییٚلہِ تِم سُہ ماز کھیٚوان چھِ یُس کٲنٛسہِ أکِس بیٚیِس خدایس پیش چُھ کوٚرمُت آسان تِم چھِ پانس راہ لد زانان۔8وۅنؠ گو غذا چُھنہٕ اسہِ خدایس سٟتؠ جوران۔ تِم یِم زن کینٛہہ خاص غذا چھنہٕ ہرگز خدا سٕنٛدِ طرفہٕ کینٛہہ ہُریمانہٕ پراوان۔ تہٕ یِتھے پٲٹھؠ یِم کھیٚوان چھِ کینٛہہ خاص غذا چھِنہٕ ہرگز خدا سٕنٛدِ طرفہٕ کینٛہہ ہُریمانہٕ پراوان۔9وۅنؠ گو توٚہہِ پزِ احتیاطہٕ سان زندگی گُذارٕنؠ یوٚدوے توٚہؠ زانان چُھو زِ غذا چُھنہٕ یِتھٮ۪ن معاملن منٛز کانٛہہ نمایاں چیز۔ توٚہؠ کِتھہٕ پٲٹھؠ چُھو زندگی گُذاران گژھِ نہٕ کٲنسہِ یُس اتھ ژھوٚٹؠ پٲٹھؠ غلط تہٕ صحیح زانان چُھ یسوعسؔ پٮ۪ٹھ پتہٕ پتہٕ پکنہٕ باپتھ تتہ پترن لاگُن۔10توٚہہِ پزِ احتیاط ورتاوُن تکیازِ تُہنٛد دین دار بوج ما وُچھِ بیٚیِس دین دارس یُس زانان آسہ باقےٕ خداین ہنٛز حقیقت أکِس بیٚیِس خدا سٕنٛدِس ہیکلس منٛز ماز کھیٚوان۔ یتھؠ دین دار بٲجؠ یِمن صحیح تہٕ غلط آسنٕچ اڈلیچؠ زان آسہ بنن پُر اعتماد زِ تِمے ہیٚکن سُہ ماز کھیٚتھ یُس کٲنسہِ أکِس بیٚیِس خدایس پیش آسہ کوٚرمُت۔11امیُک نتیجہٕ نیرِ صحیح تہٕ غلطس متعلق تہنٛزِ اتھ زانکٲری پٮ۪ٹھ عمل کٔرِتھ واتہِ بیٚیِس نقصان۔ یِم چھِ تہنٛدؠ سٟتؠ بٲجؠ دین دار تہٕ مسیحؔ کھوٚت دارس یہنٛدِ باپتھ۔12ییٚلہِ توٚہؠ امہِ آیہِ عمل کٔرِو توٚہؠ چُھو صحیح تہٕ غلط اڈلیٚکؠ پٲٹھؠ زانن وٲلِس عیسٲئؠ باین خلاف گناہ کران تمن تور کُن وتھ ہٲوِتھ یۅسہ تہنٛدؠ کِنؠ غلط چھےٚ۔ ییٚلہِ توٚہؠ یہِ کٔرِو، توٚہؠ چُھو گناہ کران مسیحؔ ہس خلاف تہِ۔13امہِ نتیجہٕ کِنؠ تمن معاملن منٛز یتہِ میون کھیوٚن میٲنس عیسٲئؠ بٲیِس گنہس کُن نِیہِ۔ بہٕ کھٮ۪منہٕ ہرگز دُبارٕ ماز یوٚدوے یہِ ماز کٲنٛسہِ بیٚیِس خدایس پیش آسہ کوٚرمُت یا نَہ۔ یتھٕ پٲٹھؠ واتناون نہٕ بہٕ زانہٛہ تہِ پنُن دین دار بوے گنہس کُن۔
Bridge Connectivity Solutions Pvt. Ltd.