1 کورنتھین7
1تہنٛزِ پرژھنہٕ آمژِ کتھہِ کُن یتھ۔ توٚہہِ چُھو پننس نامس منٛز مےٚ لیٚوکھمُت لوٗکن ہنٛدِ باپتھ منٲسب زِ تِم کرن نہٕ اکھ أکِس سٟتؠ جنسی تعلقات قٲیِم۔2ییٚلہِ دویمہِ پاسہٕ لوٗکن اکثر جنسچ کل چھےٚ روزان اکھتُے غٲر منٲسب جنسی عملہِ ہنٛز تہِ۔ اوٕ کِنؠ پزِ أکِس رٲنِس پننہِ زنانہِ سٟتؠ نیتھرس منٛزےٕ روزُن۔ تہٕ أکِس آشنہِ پننِس رٲنِس سٟتؠ3رٲنِس پزِ پننہِ آشنہِ سٟتؠ لٔگؠ تھےٕ جنسی تعلقات تھاونؠ۔ یِتھے پٲٹھؠ پزِ آشنہِ تہِ پننس رٲنِس سٟتؠ جنسی تعلق قٲیِم تھاوُن۔4کٲنسہِ تہِ آشنہِ ہُنٛد بدن چُھ تمسٕنٛدِس رٲنؠ سُنٛد نَہ زِ تس پنُن۔ یتھے پٲٹھؠ چُھ رٲنؠ سُنٛد بدن تہِ تمؠ سنٛزِ آشنہِ ہُنٛد نَہ زِ تسُنٛد پنُن۔5توٚہہِ پزِ تیٚلہِ پانہٕ وٲنؠ سنگ کرُن تراوُن ییٚلہِ توٚہؠ دۅشوے اکہِ لۅکٹہِ کالہٕ باپتھ یہِ کرنس پٮ۪ٹھ رٲضی ٲسِو توٚہہِ پزِ یہِ صرف تیٚلہِ کرُن ییٚلہِ توٚہؠ خدا سٕنٛدِس عبادتس کُن ژور پہن روزن ٲسِو یژھان مگر توٚہہِ پزِ ؤلؠ ؤلؠ واپس پننس بٲژس سٟتؠ جنسی عمل شروع کرنہٕ باپتھ پھیرُن۔ ہرگاہ توٚہؠ یہِ ؤلؠ ؤلؠ کٔرِو نہٕ شیطان لاگہِ تہنٛز جنسی کل توٚہہِ ورگہٕ لٲوِتھ تہٕ حرام کٲری کُن۔6بہٕ چُھس نہٕ توٚہہِ حکم دِوان زِ توٚہہِ پزِ عبادتس کُن توجہ دِنہٕ باپتھ جنسی میٚوُل تراوُن۔ بلکہ چُھسو چھرا اجازت دِوان یہِ کرنُک۔7یوٚدوے یہِ مےٚ تام آسہ ہے، سٲری لوٗکھ آسہ ہن مےٚ ہیٚوؠ تہٕ روزہن میٲنؠ پٲٹھؠ نیتھرٕ ورٲے۔ وۅنؠ گو خدا چُھ پرٮ۪تھ شخصس پنُن پنُن آے تہٕ طریقہٕ زندگی گُذارنُک دِوان۔ کینٛہہ چھِ اکہِ طریقہٕ زُوان تہٕ کینٛہہ بیٚیہِ طریقہٕ۔8وُنکٮ۪س یتھ جایہِ چُھس بہٕ کتھ کران تمن لوٗکن ہنٛز یم نیتھرٕ ورٲے رودؠ تہٕ مۅنٛڈن زنانن ہنٛز۔ یتھٮ۪ن لوٗکن ہنٛدِ باپتھ چُھ بہتر یی زِ یِم روزن میٲنؠ پٲٹھؠ نیتھرٕ ورٲے۔9وۅنؠ گو کینٛہہ لوٗکھ روزن پننہِ جنسی جِبلژ ہنٛز کل تھامہِ رٹنچہ کوششہِ منٛز۔ یِمن لوٗکن پزِ نیتھٕر کرُن تکیازِ پنٕنؠ جنسی ضرورت پورٕ کرنچہِ خٲہشہِ منٛز لٔگؠ تھےٕ روزنہٕ کھۅتہٕ چُھ یی بہتر۔10وۅنؠ چُھس بٕتہ ونان یہِ زن پانہٕ خداوندن ووٚن نیتھرٕ والیٚن لوٗکن۔ بہٕ چُھس یژھان سارے آشنہِ روزن پننٮ۪ن خاندارن سٟتؠ۔11وۅنؠ ییٚلہِ زن تِم پننٮ۪ن خاندارن سٟتؠ چھِنہٕ تِمن پزِ نہٕ نوو نیتھٕر کرُن۔ نتہٕ پزِ تمن پننس خاندارس نس واپس گژھُن۔ مزید ونو۔ خاندارن تہِ پزِ پننٮ۪ن آشنٮ۪ن سٟتؠ روزُن۔12وۅنؠ گے توٚہہِ منٛز تِم یِم آشنہِ چھےٚ مگر چھُکھ بے دین۔ خداوندن ووٚن نہٕ یمن متعلق کینٛہہ۔ اوے ونہٕ بہٕ تہِ یمیُک حکم بہٕ دِمہٕ اوے ونہٕ بہٕ تی یہِ بہٕ پانہٕ تہِ مانہٕ۔13کینژھن دینی باین چھےٚ بے دین آشنہِ یِم پننٮ۪ن دیندار رانٮ۪ن سٟتؠ روزُن یژھان چھےٚ۔ اتھ صورژ منٛز پزِ یِتھٮ۪ن رانٮ۪ن پننٮ۪ن آشنٮ۪ن سٟتؠ روزُن۔14توٚہہِ پزِ روزُن بے دین آشنہِ یا رٲنِس سٟتؠ، تکیازِ خدا چُھ بے دین آشنہِ دین دار رٲنؠ سٕنٛدِ باپتھ قبول زانان۔ یتھے پٲٹھؠ چُھ خدا بے دین رٲنِس دین دار آشنہِ باپتھ قٲبلِ قبول زانان۔ اوے چُھ خدا یِژھن صورتن منٛز یہنٛدٮ۪ن شُرٮ۪ن دین دار بٲژن ہنٛدٮ۪ن شُرٮ۪ن ہنٛدؠ پٲٹھؠ مانان۔ یہِ مےٚ ووٚن ہرگاہ پوٚز آسہ ہے نہٕ خدا کرِہے یِتھٮ۪ن شُرٮ۪ن سٟتؠ بے دین بٲژن ہنٛدٮ۪ن شُرٮ۪ن ہُنٛد ہیٚو سلوک۔15اتھ برعکس یژھن کینٛہہ بے دین رٲنؠ تہٕ آشنہِ پننٮ۪ن بٲژن نِش الگ سپدُن۔ اتھ صورژ منٛز پزِ دین دار بٲژس امیُک اجازت دیُت۔ دین دار بٲژس چُھنہٕ ضروری پننس بے دین بٲژس سٟتؠ روزُن۔ یِژھِ کُنہِ تہٕ صورژ منٛز تھٲیِچ ژٮ۪تس خدا چُھ یژھان اسہِ امنہٕ سان روزُن۔16توٚہہِ پزِ بے دین بٲژس الگ نیرنُک اجازت دیُن تکیازِ پرٮ۪تھ کانٛہہ آشِنؠ چھنہٕ زانان زِ سۅ ہیٚکیا پننس رٲنِس یسوعسؔ کُن پھِرِتھ۔ پرٮ۪تھ کانٛہہ رون تہِ چُھنہٕ زانان زِ آیا سُہ ہیٚکیا پننہِ آشنہِ یسوعسؔ کُن پھِرِتھ۔17عام پٲٹھؠ چھےٚ لوٗکن ضرورت تِتھے پٲٹھؠ عمل کرنچ یۅسہ تہنٛدِ باپتھ خداوند سٕنٛدِس منشاہس مطٲبق آسہ تہٕ یتھٕ پٲٹھؠ خدا چُھ یژھان زِ تِم کرن عمل۔ بہٕ چُھس یژھان زِ لوٗکھ پانراون یہِ تعلیم تمام جمٲژن منٛز یِمن بہٕ سمکھٕ۔18کینٛہہ لوٗکھ چھِ یِمن باقیو ختنہٕ کوٚر یسوعسؔ پٮ۪ٹھ ایمان اننہٕ برونٛٹھےٕ۔ یِمن لوٗکن پزِ نہٕ وۅنؠ بے ختنہٕ حالژ منٛز ینچ کوشش کرٕنؠ۔ کینٛہہ چھِ یِمن باقیو یسوعسؔ پٮ۪ٹھ ایمان اننہٕ برونٛہہ ختنہٕ کوٚر نہٕ، یِمن لوٗکن تہِ پزِ وۅنؠ ختنہٕ کرناوُن۔19کٲنٛسہِ انسانس چھا کانٛہہ ختنہٕ کرنہٕ باپتھ کِنہٕ نَہ سانہِ باپتھ یا خدا سٕنٛدِ باپتھ چھنہٕ کانٛہہ مسلہٕ بلکہِ چُھ سانہِ باپتھ اہم تہِ کرُن یہِ خدا اسہِ نِش یژھان چُھ۔20سارنےٕ لوٗکن پزِ وفادٲری سان خدا سنٛز خدمت کرٕنؠ پننیٚو تِمو عام کامیو علاوٕ یِم زن تِم کران ٲسؠ خدایہ سنٛدؠ دٔسؠ بدلنہٕ برونٛہہ۔21کینٛہہ لوٗکھ ٲسؠ غلام ییٚلہِ تِمو ایمان اوٚن یسوعسؔ پٮ۪ٹھ۔ یِمن لوٗکن پزِ نہٕ پننہِ غلامی پٮ۪ٹھ پریشان گژھُن بلکہِ گژھن یِم تمام دستیاب موقعہ ورتاوٕنؠ آزاد گژھنہٕ باپتھ۔22پننہِ سمٲجی حیژ پٮ۪ٹھ مٕہ گٔژِھو پریشان تکیازِ خداوند چُھ تمن سارنےٕ لوٗکن وۅنؠ آزاد گنٛزراوان یِم ایمان اننہٕ وِزِ غلام ٲسؠ۔ یِتھے پٲٹھؠ چھِ مسیحؔ تمن سارنےٕ لوٗکن پنن غلام گنٛزراوان یِم ایمان اننہٕ وِزِ آزاد ٲسؠ۔23ییٚلہِ یسوعؔ تہنٛدِ باپتھ صلیبس کھوٚت۔ زٲنؠ تو خداین بٔرؠ پونٛسہٕ توٚہؠ مٔلؠ ہٮ۪نہٕ باپتھ۔ اے تہِ پزِ نہٕ توٚہہِ خدایس ورٲے بیڈیہِ کٲنٛسہِ انسان سنٛز خدمت کرٕنؠ۔24میانیو دینی بایو۔ سارنےٕ لوٗکن پزِ خدا سنٛز خدمت کرٕنؠ وفادٲری سان پنٕنؠ عام کٲم کران کران یۅسہ تِم برونٛٹھےٕ کران ٲسؠ ییٚلہِ خداین تِم بدلٲوؠ۔25وۅنؠ کرٕ بہٕ تہنٛز کتھ یمن وُنہِ نیتھٕر کرنے چُھ۔ اتھ مسلس پٮ۪ٹھ چُھنہٕ مےٚ خداوند سٕنٛدِ طرفہٕ کہین وننہٕ آمُت زِ بہٕ ونہٕ۔ وۅنؠ گو بہٕ ونو یہِ مےٚ پننہِ سونچہِ کِنؠ بہتر باسان چُھ۔ بہٕ چُھس یہِ ونان اوٕ کِنؠ زِ خدا چُھ ہمیشہٕ مےٚ پٮ۪ٹھ مہربان رودمُت۔ مےٚ بھروسہٕ منٛز وۅستاد بنٲوِتھ۔26بہٕ چُھسو ونان لوٗکن پزِ نہٕ پنُن لسن بسن وطیرٕ بدلاوُن۔ بہٕ چُھسو یہِ ونان تکیازِ، زانان چُھس سٮ۪ٹھا وُچاپہٕ وقت چُھ جلدےٕ یِنہٕ وول۔27کینٛہہ لوٗکھ چھِ نیتھرٕ وٲلؠ بنیمٕتؠ۔ یِمن پزِ نہٕ الگ الگ گژھُن۔ کینٛژو چُھنہٕ نیتھرےٕ کوٚرمُت۔ تِمن پزِ نہٕ نیتھٕر کرُن۔28وۅنؠ گو کانٛہہ انہرِش زنان یا انہُور مرد یِم پانہٕ وٲنؠ نیتھٕر کرن چھِنہٕ گناہ کران۔ بہٕ چُھسو نیتھٕر نَہ کرنُک یہِ مشورٕ اوٕ کِنؠ دِوان زِ نیتھٕر کرن وٲلؠ چھِ زندگی منٛز مصیبت تُلان۔29میانیو دینی باجیو۔ یہِ بہٕ توٚہہِ ونن وول چُھس، چُھ اہم۔ وقت چُھ تنگ۔ اوت تہِ پزِ نیتھرٕ والیٚن تِتھٕ پٲٹھؠ روزُن زنتہِ تمن آشنے چھنہٕ۔30پرٮ۪تھ کٲنسہِ ودونِس پزِ نَہ ودن وٲلِس شخصہٕ سنٛدؠ پٲٹھؠ زُوون۔ پرٮ۪تھ کٲنسہِ خوشی کرن وٲلِس پزِ زُوُن ناخوش انسان سنٛدؠ پٲٹھؠ۔ پرٮ۪تھ کٲنسہِ آسن باسن وٲلِس پزِ نَہ آسن باسن وٲلِس شخصہٕ سنٛدؠ پٲٹھؠ زُوون۔31دنیٲوی چیز ورتاون وٲلِس پرٮ۪تھ کٲنسہِ شخصس پزِ زُوون یِم دنیٲوی چیز نَہ ورتاون وٲلؠ سنٛدؠ پٲٹھؠ۔ توٚہہِ پزِ امی آیہِ عمل کرٕنؠ اوٕ کِنؠ زِ خدا کرِ ؤلؠ ؤلؠ یِم دنیٲوی طور طریقہٕ ختم۔32بہٕ چُھو ونان کُنہِ چیزُک مٕہ کٔرِو پرواے۔ نیتھرٕ ورٲے لوٗکھ چھِ فکِر کران خداوند سنٛزِ خدمژ ہنٛز۔33مگر نیتھرٕ وٲلؠ چھِ فِکر کران پننٮ۪ن زنانن ہنٛز تہٕ خداوند سنٛز خدمتچ۔ کنے زنان تہٕ نیتھٕر نَہ کرن واجنہِ زنانہٕ34چھےٚ یہِ فِکر کران زِ پننس خداوند سنٛز خدمت کِتھہٕ پٲٹھؠ کرو۔ یہُنٛد مقصد چُھ پوٗرٕ مقدس۔ اتھ برعکس چھےٚ نیتھرٕ واجنہِ زنانہٕ دنیٲوی چیزن ہنٛز فِکر کران خاص پٲٹھؠ رانٮ۪ن ہنٛز خدمت۔ پنُن رون کِتھہٕ پٲٹھؠ رنٛزناوون۔35مےٚ ونہِ یِمہٕ کِتھہٕ توٚہہِ اوٕ کِنؠ زِ باسان چھم یمہٕ لگن توٚہہِ ضرورت۔ بہٕ چُھس نہٕ توٚہہِ کُنہِ خاص نہجہِ کُن لاگُن یژھان۔ بلکہِ چُھس بہٕ یژھان زِ توٚہؠ گُزٲرِو پنٕنؠ زندگی عزتہٕ سان تہٕ پننس خداوندس کٔرِو پزنہٕ پٲٹھؠ خدمت تہٕ پوٗرٕ توجہ سان۔36کینٛژن قصن منٛز ما سونچہِ اکھ نیتھرٕ وول شخص زِ خبر سُہ ما کرِ پننہِ وابستہٕ گنڈتھ کورِ سٟتؠ غٲر منٲسب نازیبا جنسی حرکت۔ تہٕ بیٚیہِ پاسہٕ آسہ یہِ کور یورٕ بالیغ تہٕ آسہ تیار جنسی میلہٕ باپتھ۔ یتھٮ۪ن معاملن منٛز چُھ کرن یہِ: مردس پزِ پننہِ أمِس وابستہٕ کورِ سٟتؠ خاندر کرُن۔ اتھ منٛز چُھنہٕ کانٛہہ گناہ ییٚلہِ سُہ یہِ کرِ۔ تِمن دۅشوٕنؠ پزِ پانہٕ وٲنؠ نیتھٕر کرُن۔ 37باقےٕ معاملن منٛز۔ یمِس انسانس گنٛڈِتھ آسہ کٲنسہِ کورِ سٟتؠ تہٕ سُہ کرِ پننہِ دماغہٕ یہِ فٲصلہٕ زِ کُنہِ دباوٕ ورٲے زِ سُہ کرِ نہٕ نیتھٕر۔ سُہ ہیٚکہِ پننہِ خٲہشہِ پٮ۪ٹھ ضبط کٔرِتھ تہٕ پانہٕ کوٚرُن نیتھٕر نَہ کرنُک فٲصلہٕ۔ سُہ ہیٚکہِ پننہِ گنڈِتھ کورِ سٟتؠ نیتھٕر نَہ کرنُک فٲصلہٕ نِتھ۔ 38چھیکرس کانٛہہ شخص تہِ یُس پننہِ گنٛڈِتھ کورِ سٟتؠ نیتھٕر کرِ چُھ اکھ رُت قدم تُلان۔ مزید یُس نہٕ نیتھٕر کرِ پننہِ گنڈِتھ کورِ سٟتؠ سُہ چُھ امہِ کھۅتہٕ بہتر قدم تُلان۔ 39سارِنےٕ آشنٮ۪ن پزِ پننٮ۪ن رانٮ۪ن سٟتؠ روزُن یوٚتام تہِ سُہ زندٕ چُھ۔ امہِ پتہٕ ہیٚکن تِم کٲنٛسہِ تہِ دین دار مردس سٟتؠ نیتھٕر کٔرِتھ یس سٟتؠ تِم یژھان آسن۔40وۅنؠ گو بہٕ چُھس یہِ سونچان کانٛہہ تہِ زنان یس خاوند مرِ چھےٚ زیادٕ خوش نصیب یوٚدوے سۅ دُبارٕ نیتھٕر کرِنہٕ۔ ییٚلہ زن یہٕ میٲنؠ رائے چھےٚ، بہٕ چُھس سونچان زِ خدایہِ سُنٛد روح چُھ میانہٕ ذریعہ کتھ کران۔
Bridge Connectivity Solutions Pvt. Ltd.