Luke6
1tikkelt nessebθ as n erraHeθ ykan yesuwε yegguwr jar ijiyman wetlemδas δefres θebyen g tiyeδrin niyrδen welbeεδ eqecren usinc ečen.2elweqθes ennanes elHezb nifarisiyyen, «imat ettegem g elHram as nessebθ?»3yenneyasen yesuwε: «yendre eltessinemc δmat iyege dawud nette diSHibnes elqulli elluwzen.4rahu yuwδef dawud yelHuwc nelqudus yeč seg weγrum elli diyn yerni yuwce yelli iyδes uxenyum tessenem, eγrum nelHuwc nelqudus tettenti kan δelkuhhan.»5yerni yenneyasen, «neč, yexθari rebbi bac e xennenne f elqanuwn eHeqqani nwas nessebθ.»6essebθ xlaf yuwδef seyyedne yesuwε eljameε nuδayen yebδe yetseqre. ykan diyn eryaz efuses nelymiyn teqquwr litgeddec ettiHerrex.7ebδen imufesren necceriyεeθ delHezb nifarisiyyen etεussen f yesuwε maδebiyhum eysebre eryazdiyn as nessebθ bac e Tfen felles elHajeθ.8yemenni seyyedne yesuwε yefhemten f mat etxememen. elweqθes yennayes yweryazdiyn, «ekker eθbeddeδ g wemmes.» yemreq ibed diyn.9yenneyasen yesuwε: «neč δexennencδe, emexiyr eneg elxiyr as nessebθ uneγ eneg δeccer? enmenneε leεbaδ uneγ entnenγ?»10beεδ iyenzi yleεbaδdiyn elkul yennayes yweryazdiyn, «ezzel efusex!» yezzel efuses yerjεes iδammen yebδe yetHerrex δiys.11yemenni nihnin ebδen ettemfehamen felles exsen esegen θemuwHacθ.12beεδ liyyameθ yuwli yeddehreθ teεle bac e yezzal. yeqqiym δeggiyδ elkul unette yedzalle yrebbi elmi eyeffeγ felles talji.13welbeεδ inabe yetlemδas elkul yexθar essisen eθnac iyhen yegin δetlemδas elli δeseqren edwiys beεδes.14wiyhen: semεan elli ysemmaθi buTrus zade dyuwwes endrawus, yeεquwb dyuwHenna, fiylibbus dberθuwluwmawus.15metti dtuwma, yeεquwb memmis nHelfe dsemεan emeγyar (elli yettenγar egget f temurθes),16yehuwδa memmis nyeεquwb dyehuwδa esxeryuwTi elli izenz yesuwε elbeεδ. yesuwε yetseqre uyetsebre17welbeεδ yeggez iyδsen ibed g ujiymi δemeqqar ezzaθ netlemδas iddiyn dleεbaδ xlaf egget. iyhen usiynd s elyehuwdiyyeθ duwrceliym dessaHel nSuwr dSeyda.18bac e slen edwi nseyyedne yesuwε usinc entisebre seg weTTeneθensen. yerni isebre leεbaδdiyn imesθaδyen.19leεbaδdiyn elkul kanen exsen eθlemsen lexaTer nette γers elquwweθ yetged entisebre.20welbeεδ yqam tiTTewines etwali etlemδas yen, «xenyum δimbarxen ha iqelliylen, lexaTer rebbi yuceyawem elmemlexθes.21xenyum zade elli telluwzem SeHHe liykum taye δeθecebεem uxenyum elli etterwem SeHHe liykum taye δeθeSSem.22efrHeθ elqulli exennekrhen leεbaδ usinc exengelben. eferHeθ elqulli exensubben usinc exenεayren s ellesmewwem f elxeĎriyw.23esses eferHeθ eSSefqem lexaTer ellejrewwem γer rebbi δemeqqar lexaTer midnensen kanen tegen sah yellenbye.24yemenni yeHliylkum ha imurkentiyyen, lexaTer tiwiyem elbeyewwem seg bekri.25xenyum zade elli θecbeεem yeHliylkum taye δeθelluwzem uxenyum elli eddessem yeHliylkum lexaTer δeθerwem usinc δeθnewHem.26yeHliylkum elqulli exenneSSen leεbaδ g uδmewnewwem lexaTer midnensen kan tegen sah yellenbye elli esxerxuwsen.27yemenni neč exennenne, yxenyum elli essellem δiyye, exseθ leεδewwem, eθegemc temeεfunt yelli exenγisenc.28selmeθ f elli etsubben δiywem ternim ezzalleθ yelli θegnawem g eθmeεfunt bac e ntisameH rebbi.29welli exyewweθ ha elεebδ f elHenkex, εerDes elHenkex wissen. welli exyekkes emeryulex uwces ettebδiltex.30welli eyeĎleb essix ecceHaje etterrec welli exyekkes elmelex embessiyf eθezlec δefres.31umax i θexsem exennegen leεbaδ egmasen xenyum zade siyn.32xenyum rahu elγerwemc elmziyyeθ elqulli eθexsem elli exsnawem. lexaTer Hette muc SaleH exsen elli exsenten.33urahu elγerwemc elmziyyeθ elqulli eθkuwnem tebham dleεbaδ elli bhan iyδwem. lexaTer Hette muc SaleH.34urahu elγerwemc elmziyyeθ elqulli esselfem ecceHaje yiyjen usinc eθeqqiymem lemmi δexenyer elHajθewwem. lexaTer Hette muc SaleH tegen siyn.35yemenni exseθ leεδewwem weθegemc temeεfunt ternim selfeθ yleεbaδ weθeDmεem g Hette cey. elweqθes eθafem ellejr δemeqqar γer rebbi usinc eθeδewlem δidrari nrebbi elεali lexaTer nette iθuč elxires zade yimeθkebren δimuwHac.36esxfeθ f leεbaδ max i ysexxef daddeθwem f leεbaδ.37weθettehmem Hette Hed eθenzγemc leεbaδ uxenyum eddukkem bac wexenynedzeγ Hette Hed. weθecθxam s Hette Hed bac e lyettecθxi essiywem Hette Hed. essamHem leεbaδ bac e θafem δ wiyn exenysameH.38uwceθ esseybem ifesnewwem bac e θafem δ wiyn exenyuc lexaTer max eθuwcem exenyuc rebbi s elxires.»39welbeεδ yebδe iδukkeyasen s enneHw: «yendre eyged iyjen δileεmi eygewweδ iyjen xlaf δileεmi? mahu δeδuDen lessenniyn g eθHufret.40eHebbec ettelmiδ iδukkel xiyr nimuεelmes yemenni elqulli iyjen eykemmel elqreyθes eyged eyeδwel emimuεelmes.41umax eθgeddeδ eθezreδ elgecceθ ettemezyent g tiT nyuwwex wetfeqec s uqecquc δemeqqar g tiTTex.42umax eθgeddeδ eθenneδ yyuwwex: ha yuwwe, edji exekse elgecceθ temezyent seg tiTTex ucex eltfeqec seg eqecquc δemeqqar g tiTTex. ha ekeδδeb, ekkes qebl eqecquc emeqqar s tiTTex welqulli eθeδwleδ ezzerreδ belgde, ekkes elgecceθ temezyent seg tiT nyuwwex.43eHebbec tezemmuwrθ tebhe ettaru g uzemmuwr δezδeδ, weHebbac tezemmuwrθ teffuwδ ettaru g uzemmuwr eγliyD.44kul eccejer γers elγelleθes. imečan etmekkisenc seg eccuwk, welεneb yetmekkiysec seg elεulliyge.45elεebδ ebehhay seg elkenz ebehhay elli g ules yetsuwfeγ elli yebhe, welεebδ emuwHac seg elkenz emuwHac elli g ules yetsuwfeγ elli yuwHec, εlexaTer seg elli iεebbe ules iδukke.46imette etnabem δiyye, ya rebb, ya rebb, wellettegemc elli eqqerγawem felles?47elli eyeddes yesseγδ edwiyw yexδem essis, tay δexennenne ywiyn icebbeh:48yweryaz yebne elHuwc iγerreq essas elδeyaweD isli, max i yfaD esuwf yewweθ elHuwcdiyn weθiHerrexc εlexaTer yemmebne f eSSeH49welli eyesseγδ edwiyw welixeddemc essis icebbeh yweryaz yebne elHuces f elqeεεeθ blac essas yewwet esuwf yuDe yemheddem elkul.»
Chutney Media Agency Limited