Luke7
1max i yeHke yesuwε yleεbaδ, yuwδef g temuwreθ nkefernaHuwm.2w ykan iyjen seg eDDubbaT neljiyc nerruwman γers exeddam yuDen εuddi δeyjaf, w ykan yexsi egget.3max i yesle s yesuwε yuzenes elmcayex nuδayen etnaben δiys bac e sysebre exeddemes.4esδen yyesuwε, mellegnes ennanes: «eryaze yettesθahel etεawneδ,5εlexaTer yexs leεbeδenne, wennette elli yebneyane elmejmeε.»6yexDem yesuwε iyδsen. max i yeqreb yetwali elHuwc yuzenes eDDabeT eSSuHHebes bac e syen: «ya siydiy, eθqelqec imenex, neč ettesθehilac eθeδfeδ seddu esqef nelHuciyw,7wettesθehilac exeddase. emme en tuθleyθ teSSebriδ exeddemiyw.8neč zade δeryaz Hekmen δiyye uγeri elεesker s eddwiyw, enne ywahen <berre!> eyexDem, uwissen esenne <est!> eyeddes, uyuxeddemiyw <eg wahen!> eyeg.»9max i yesle yesuwε edwiye, yesθeγreb yebren yelli θebεen δiys yennasen: «exennenne: ellufixc eliman emwah Hette g ebni israYiyl!»10eδwlen imersal neDDabeT yelHuwc, efen exeddam yebre.11welweječe yexDem yesuwε ytemuwreθ ellesmes nayiyn, wiyδes etlemδas dleεbaδ egget.12max i yiweD yiymi ntemuwreθ, yufe iyjen yjaf iwyent δeθerδmen, uyemmes ettedjalt uγers kan ennette. uleεbaδ egget seg θemuwreθ kanen θebεen δiys.13max i tyezre seyyedne yesuwε yesxef felles yennes: «eθεeyĎec!»14yeqreb yenneεc ilemmesθ, bedden elli qament. yen: «eyeεezri, eqqarγex ekker!»15yekker elmeyyet yebδe iδukke, yuwci yyemmes.16ukδen leεbaδ elkul, ennen unihnin etmejδen g rebbi: «yeffeγ uggemmesenne enbi δemeqqar, urebbi yesfekker leεbeδes!»17eslen leεbaδ nyehuwdiyye elkul ettimuwre elli yetweliys s yesuwε.18yesl yuwHenna elmeεmdan seg etlemδas s kul cey,19inabe sen essisen yezenten yseyyedne yesuwε bac e θencδen: «δcex elli δeyeddes ziyγ enraje iyjen xlaf?»20esδen iryazendiyn yyesuwε ennanes: «yuznane yuwHenna elmeεmdan bac e xnenceδ: δcex elli δeyeddes ziyγ enraje iyjen xlaf?»21ysebre yesuwε g esseεetdiyn imuwDan egget delli δimeryaH, yrejjeε egget ileεemyen zerren.22yen yimersal: «eδwleθ teHkem yyuwHenna elli tezriymt delli tesliymt: ileεemyen zerren, welεuyyab egguwren, winebraS bran, wileĎrcen sellen, wilemmitte ekkeren, wiqelliylen ettembeccaren s elxiyr.23welli δeyemmen essi SeHHe liyh.»24max i xeDmen imersal nyuwHenna, yeHkeyasen yesuwε yleεbaδ felles, yen: «δmette iθefγem treqbem g elxle? γeniym yettawi δiys aDu?25δmette iθefγem δeθerqbem? eryaz yireD edbac e rĎeben? emme elli raDen edbac bhan ettedren g leqSuwr nlemluwk!26enmiyδ: δmette iθefγem treqbem? enbi? exennenne: mbelHeq, uxiyr nenbi.27nette δemersal elli yemmari g elxθab: tay δeθezne emerseliyw ezzeθex bac e xyged ebriδex.28exennenne: elwacun elliriwnec maxiyr nyuwHenna, emme emezyen nelli g elmelx nrebbi xires.29welli sliyn yuwHenna elkul Hette δelli etleyamen g lefluws s leεbaδ y elHakem, Sedqen rebbi, eqeblen temeεmuwdiyyeθ nyuwHenna.30emme elHezb nifarisiyyen dimuεelmen necceriyεeθ elleqbilenc elli yexsesent rebbi, welleθεemdenc f ifesnes.»31yen erreb yesuwε: «s wiyn δecebhe idrari neljiyle? ywiyn icebhen?32cebhen yidrari geεmzen g essaHeθ, etzeεwgen ibeεDhum: enγeyĎawem welterqisemc, unendbawem weltεeyĎemc.33yuseδ yuwHenna elmeεmdan eliθeč eγrum welisessec ecrab tennem: δiys ecciyĎan!34yeseδ bnaδem (neč, yexθari rebbi) iθet wises tennem: wahen δeryaz iθet wisexxer egget uδemedduwkel nelli etleyamen g lefluws delli muc δeSSaleH.35welHekmeθ temmesxen s idreriys elkul.»36yelle iyjen seg elHezb nifarisiyyen ellesmes semεan inebaθ bac e yeč γers, yaδef elHuwc nufariysi ygeεmez f eTTawleθ.37g temuwretdiyn eθkan telle temeTTuwθ muc etteSSaleHθ, tesl s yesuwε iθet g elHuwc nufariysi. teseδ taγeδ iyδes teδebbuzeθ nerriyHeθ teγle.38eθbed δefres yetwali ikreεnes unetteθ etεeyyeĎ, tebδe teslexsayes g ikreεnes s imeTTewnes, usiyn entefreδ s ezewes, eθkubbin, teδhenten s erriyHeθ.39max i yezre efariysi iθbab nelHuwc elli yejre, yen g ules: <lukan eryaze δenbi rahu yelle yessen δ wiyn temeTTuwθe elli etlemmes δiys uδmette elHeles. rahi muc etteSSaleHθ!>40yennes yesuwε: «semεan, γeri δmat δexenne.» yennes semεan: «en, eyimuεellem.»41yennes yesuwε: «ykan yelle eryaz yetsal lefluws ysen δiryazen: iyjen xemse myat elf, uwissen xemsiyn.42iryazendiyn elgeddenc eδefεen iddiyn elli fellasen. yreyyeHθen essis. δ wiyn δeθyexs exθer?»43yer felles semεan: «fibali elli yetsali exθer.» yennes yesuwε: «δuSHiH.»44yebren ytemeTTuwθ yen ysemεan: «tzerreδ g temeTTuwθe? uδefe yelHucex Hette δamen entenγilec f ikreεniyw, unetteθ tessiretten s imeTTewnes tefreDten s ezewes.45cex eyeθkubbec Hette tikkelt, unetteθ seg max i θuδfe eltbeTTelc seg ekubbi nikreεniyw.46cex elteδhinec ixfiyw Hette s uwδi, unetteθ teδhen ikreεniyw s erriyHeθ.47usahen tay δexenne: elxĎayas elkul emmeγferneθ, f elxaĎer nwah texse egget. emme elli yetmeγfares qiqqi, yexs qiqqi.»48yennes ytemeTTuwθ: «elxĎayam emmeγferneθ elkul!»49ebδen elli iyδes f eTTawleθ necδen: «δ wiyn nette wahen bac e yeγfer elxĎaye?»50yen yesuwε ytemeTTuwθ: «elimenem ymenεem, berre g eslam!»
Chutney Media Agency Limited