Luke5
1max i mlemδen felles leεbaδ elkul exsen eslen tufleyθ nrebbi, ykan yesuwε ibed g ecceT niylel njenniysaret.2unette siyn, yezre sent ettiflak bedneθ g eccafeθ niylel wiSeyyaδen elberre esseraδen g elmeεεuwn nuSθaδi.3yerkeb yesuwε g tefluwkθ nsemεan buTrus yennes: «aδef ywemmes niylel.» welbeεδ yeqqiym f elHerf ntefluwkθ yebδe yetseqre g leεbaδdiyn diyn.4max i ykemmel s edwiys yennayes ysemεan: «erni aδef yelγriyq niylel. teHδfem eccebkeθewwem bac e θeSθaδem.»5yerrayes semεan yennes: «ha imuεellem, rahu δeggiyδ elkul unečin netjaheδ yemenni wenneSθeδ cey f elxaĎer ntufleyθex taye δage max i θenniyδ.»6max i δuwγin s erreyes eSθaδen elHuwθ elmi tebδe eccebkeθensen δetemmenkeδ.»7elweqθes uman yiSHibnensen g tefluwkθ tissent bac e ddasen usinc entεawnen. esδen εebben tiflak lessentiyn elmi bδaneθ δeγreqneθ.8max i yezre semεan buTrus elxiyrdiyn elkul yerkeε f ifednes ezzaθ nyesuwε yennes: «ebεeδ felle ha siydiy, lexaTer eγleĎe egget.»9eqqiymen imewnensen miyren nette delli iyδes,10zade idrari nzebedi yeεquwb dyuwHenna icriyxen nsemεan lexaTer eSθaδen elHuwθ egget. elweqθes yenne yesuwε ysemεan: «eθukδec, seg ture δeθeδewleδ etteγδeδ leεbaδ yrebbi max i tteγδeδ g elHuwθ s iylel.»11max i δiweDneθ tiflak lessentiyn yelber, edjin kul cey δefrensen eθbεen yesuwε.12tikkelt yemreq yesuwε ytemuwreθ ykan δiys iyjen δmaDun s elbreS. eddebelli yezre yesuwε yuDe f uδmes yebδe yetmelges unette yeqqeres: «cex eθgeddeδ eyeSSebriδ iδekan texseδ.»13yezzel yesuwε efuses yeg sah, ylemmesθi yennes: «wa, exse. ekker cex tebriδ.» g elweqθes yemreq felles elbreS.14yweSSaθi yennayes: «eθxebrec yeHebbac. emreq sexn uδmex γer elkahen. tuwceδ elHeq nwebrax max i yenne muwse bac e xSedqen leεbaδ.»15yemenni elxber nyesuwε ykan yesseylel δessiylel elmi sedduwsin leεbaδ egget bac e slen edwiys usinc entisebre seg weTTeneθensen.16yemenni nette ykan yrukkel yelxle bac e yezzal.17as iyjen ykan yetseqre ukanen diyn eqqiymen egget δelHezb nifarisiyyen dimuεelmen necceriyεeθ wiyhen usiynd seg timuwre neljliyl dyehuwdiyye delquds. s elquwweθ nrebbi ykan yesuwε yetsebre g leεbaδ.18unihnin siyn usiynd leεbaδ qamen iyjen δemecluwl g eθmelHefθ. exsen eδaδfen essis usinc eθHuTTen ezzeθes.19elqulli elgeddenc eδaδfen lexaTer leεbaδ egget uliyen essis yesqef welbeεδ sugzenti s timelHefθes seg jar iγeryan yekker ezzaθ nyesuwε.20max i ntyuwxez yesuwε elli nihnin essenen rebbi yenne yumecluwldiyn: «neč sameHγex.»21elweqθes ebδen imuεelmen delHezb nifarisiyyen etxememen unihnin eqqaren: «δ wiyn wahen elli ykeffer? yendre yelle δ wiyn yetged yetsameH emrebbi?»22yemenni yesuwε yuxez f mat itxememen. elweqθes yenneyasen: «imat etxememem sahen?23δmanten eshel? enneγ <neč sameHγex.> uneγ enneγ <ekker uyuwr!>24yemenni enniyγ sah bac e θesnem bnaδem (elli neč yexθari rebbi) γers elquδreθ f elqeεεeθ wetgedde eqame f ellawem eδnubeθewwem.» welbeεδ yenne yumecluwldiyn: «ekker, qam timelHefθex temerqeδ yelHucex.»25eddebelli yesle edwiys, yekker s ezzeθensen yqam emeTreHes yrewweH yelHuces unette yetsebbeH yrebbi.26elweqθes esθeγerben leεbaδdiyn elkul, ukδen ebδen etsebHen yrebbi unihnin eqqaren: «asse nezraθ elγriybeθ.»27max i yeffeγ esyiyn yezre yesuwε lawiy, exellaS nelHakem, yeqqiym g elbiruws, yeg sah yennayes: «eθbεiy!»28elweqθes yedje kul cey δefres yekker iθebbeε g yesuwε.29yeεreD lawi f yesuwε g elHuces ukanen iyδsen elberceθ δixellaSen dleεbaδ xlaf.30ennan imuεelmen nuδayen delHezb nifarisiyyen yetlamδe nyesuwε unihnin δimeθγececen: «imat ettettem wessessem dixellaSen nelHakem dleεbaδ elli ellessinenc rebbi?»31elweqθes yenneyasen yesuwε: «iyjen litnebiyc eĎbiyb yleεbaδ SHaH, yemenni itnabe eĎbiyb yleεbaδ imuwDan.32neč eddusixc δenabiyγ leεbaδ eTTuhhar, yemenni usiyγd δegewδe leεbaδ imuwHac ywebriδ nrebbi.»33ennanes: «imat iSHiyben nyuwHenna etzuwmen egget wedzallen egget, uzade etlamδe nelHezb nifarisiyyen tegen siyn, yemenni iSHibnex tetten sessen berk?»34elweqθes yenneyasen: «yendre xenyum eθgeddem eθedjem leεbaδ nislan ezuwmen welεriys iyδsen?35yemenni δedyes as δeyemqam δiys elεriys lennej. elweqθes nihnin δezuwmen.»36yerni yufleyasen s enneHw yenneyasen: «eHebbec δ wiyn eycerrex eTTerf nelqmac s umeryuwl δejδiyδ bac e yreqqeε essis emeryuwl δeqδiym lexaTer eθruqεet elweqθes etwetiyc emeryuwl eqδiym wentgeddec zade eniyreδ emeryuwl ejδiyδ lexaTer yemcerrex.37weHebbac δ wiyn eyenγel ecrab δejδiyδ g elmezweδ δeqδiym lexaTer elweqθes ecrab ejδiyδ eyenqeb elmezweδ usinc eyemwezzeε, elmezweδ eyherre.38yemenni ture yelzem enenγel ecrab δejδiyδ g elmezweδ δejδiyδ.39wettefec δ wiyn ises ecrab δeqδiym yexs eysu ecrab δejδiyδ, lexaTer yessen <ecrab eqδiym xiyr.>»
Chutney Media Agency Limited