یوحنا17
1پننٮ۪ن شٲگردن یِنہٕ وٲلِس کالس منٛز سپدن واجنیٚن کتھن متعلق ؤنِتھ وُچھ یسوعنؔ ہیٚور آسمانس کُن تہٕ ووٚنُن، "میانہِ ببہٕ۔ وق ووت میانہِ باپتھ تکلیف تلنُک تہٕ مرنُک۔ ہٲو پرٮ۪تھ کٲنٛسہِ بہٕ چون گۅبُر کوتاہ عظیم چُھس تاکہِ بہٕ ہاوٕ پرٛتھ کٲنسہِ ژٕ کوتاہ بوڈ چُھکھ۔2مہربٲنی کرِتھ کریٚو یہ، تکیازِ ژےٚ دِ تُتھ مےٚ اختیار تمام لوٗکن پٮ۪ٹھ تاکہِ بہٕ بناوٕ تِمن لوٗکن ہنٛز زندگی پوشوٕنؠ تہٕ بہتر یِم ژےٚ مےٚ کُن ژٲرِتھ سوزؠ تھکھ۔3پوشوٕنؠ زندگی ہُنٛد مطلب گو: ژٕ زانُن سُہ یُس کُنے پوٚز خدا چُھ، تہٕ بہٕ زانُن یسوعؔ مسیحؔ یُس ژےٚ یور سوزتھن دنیاہس منٛز۔4مےٚ ہوو سارِنےٕ زِ ژٕ کوتاہ عظیم چھُکھ ییتِس کالس بہٕ یتھ زگتس پٮ۪ٹھ روزان آس۔ مےٚ کوٚڑ یہِ پنٕنؠ کٲم انٛد واتنٲوِتھ۔5مالیا! ہاو۔ بہٕ کوتاہ عظیم چُھس چانہِ موجودگی منٛز تِتھے پٲٹھؠ یتھٕ پٲٹھؠ بہٕ عظیم اوسُس یہِ دُنیا سانہِ دٔسؠ تخلیق سپدنہٕ برونٛہہ ژےٚ سٟتؠ سٟتؠ۔6مےٚ ہوو تِمن لوٗکن یِم ژےٚ دنیہکیو لوٗکو منٛز مےٚ دِتؠ تھکھ زِ ژٕ کوتاہ عظمت وول چھُکھ۔ یِم ٲسؠ چٲنؠ بنٛدٕ مگر دِتؠ تھکھ مےٚ۔ تِمو کور چانہِ تعلیمہ ہنٛز تابعدٲری۔7وُنکٮ۪س چھِ تمام زانان زِ ژٕ یہِ کینٛژھا مےٚ دِتُتھ آو چانہِ پیٚٹھےَ۔8تِم چھِ زانان تکیازِ مےٚ واتہٕ نٲوؠ تِمن سۅ تعلیم یۅسہ ژےٚ مےٚ دِژٕتھ۔ تِمو کٔر سۅ تعلیم پانہٕ قبول تہٕ تِمن چُھ پوٗرٕ بہتھ زِ بہٕ آس چانہِ پٮ۪ٹھٕ تہٕ تِمن چھِ پژھ زِ ژےٚ سوزتھس بہٕ۔9بہٕ چُھس یہنٛدِ باپتھ دعا منٛگان۔ تمن لوٗکن ہنٛدِ باپتھ نہٕ یِم ژےٚ مخٲلف چھی۔ بلکہِ چُھس بہٕ دُعا منٛگان تہنٛدِ باپتھ یِم ژےٚ مےٚ بخشتھ گو زن یِم چھِ چٲنؠ۔10یِم میٲنؠ سٲری شٲگرد چھِ ژکہِ چٲنؠ تہٕ سٲری چٲنؠ شٲگرد چھِ میٲنؠ۔ یِم چھِ سارنےٕ ہاوان زِ بہٕ کوتاہ عظیم چُھس۔11بہٕ روزنہٕ یتھ گناہ گار دنیہس منٛز یمہِ اپور۔ وۅنؠ گو میٲنؠ شٲگرد روزن یتھؠ بہٕ یمے ؤلؠ ؤلؠ ژےٚ کُن واپس۔ میانہِ مالہِ تِم لوٗکھ یِم ژےٚ ژٲرتھ الگ کٔڑِتھ تم تھاوکھ پننہِ تمی قوژ سٟتؠ یۅسہ ژےٚ مےٚ بخشتھ۔ محفوظ۔ تاکہِ تِم روزن یکتِس منٛز تِتھے پٲٹھؠ یتھ پٲٹھؠ زن أسؠ چھِ۔12یِمن سٟتؠ میٲنس روزن کالس منٛز تھٲوؠ مےٚ تِم محفوظ تٔمؠ طاقتہٕ سٟتؠ یُس ژےٚ مےٚ بخشُتھ۔ مےٚ کٔر یِمن رٲچھ چھرا گژھِ ہمیشہ باپتھ اکُے ہلاک۔ یہِ چُھ سوے یُس ژےٚ ہمیشہ خٲطرٕ ہلاک گژھنہٕ باپتھ ژورتھن تاکہِ مقدس صحیفہ نیرن پزی۔ 13یمہِ وقتہٕ چُھس بہٕ تیار ژےٚ کُن نیرنس۔ مےٚ ونہِ یِم کِتھہٕ یتھ گناہ گار دُنیہس منٛز روزنس دوران تاکہِ بہٕ دِمہٕ تِمن شٲگردن مکمل خوشی سۅکھ14مےٚ ؤنؠ یِمن چٲنؠ تعلیم۔ اوے چُھ چٲنؠ مخالفت کرن والیٚن لوٗکن تہنٛز عداوت تکیازِ میٲنؠ پٲٹھؠ چھنہٕ یِم تہِ تمن لوٗکن سٟتؠ۔15بہٕ چُھسے نہٕ منٛگان زِ یِم میٲنؠ شٲگرد کڑکھ یمہِ گناہ گار دُنیا منزٕ۔ بلکہ چُھسے منٛگان زِ یم تھاوکھ شیطان سٕنٛدِ تکلیفہٕ نِشہ محفوظ۔16میٲنؠ پٲٹھؠ چھِنہٕ یِم دنیہس منٛز ژےٚ مخالف لوٗکن سٟتؠ۔17میٲنؠ شٲگرد تھٲوکھ بدون پننہِ عبادت باپتھ۔ تمن نیکی تہٕ پزرس زاننس تہٕ زندٕ روزنس لایق تھٲوِتھ۔ چٲنؠ تعلیم چھےٚ اصل حقیقت تہٕ پزر۔18بہٕ چُھسکھ یِم دُنیہکٮ۪ن لوٗکن کُن سوزان یتھٕ پٲٹھؠ ژےٚ بہٕ یور سوزتھس۔19مےٚ تھوو پنُن پان تہنٛدِ باپتھ قربٲنی رنگؠ مخصوص یُتھ تِم تہِ تھاون پنُن پان چانہِ خدمت باپتھ الگ کڑیتھ، تہِ زٲنتھ تہٕ تیتھٕ پٲٹھؠ بسِتھ یہِ پوٚز چُھ۔"20وۅنؠ چُھس بہٕ نَہ صرف یِمن لوٗکن ہنٛدِ باپتھ یتہِ دعا منٛگان بلکہِ تمن لوٗکن ہنٛدِ باپتھ تہِ یِم مےٚ پٮ۪ٹھ میانٮ۪ن شٲگردن ہنٛدِس وننس پٮ۪ٹھ پژھ کرن۔21بہٕ چُھ دُعا منٛگان زِ یِم سٲری گژھن پانہٕ وٲنؠ یکتس اتحاد سان روزنؠ یتھٕ پٲٹھؠ بہٕ تہِ ژٕ میانہِ مالہِ یِکہٕ وٹہٕ چھِ۔ بہٕ چُھس دُعا منٛگان زِ یِم گژھن اسہِ سٟتؠ تہِ یِکوٹہٕ روزٕنؠ تاکہِ دُنیہکؠ لوٗکھ زانن زِ بہٕ سوز تس ژےٚ یور۔22تاکہِ یِم روزن پانہٕ وٲنؠ یکتس منٛز یتھ پٲٹھؠ اسؠ ز چھِ۔ مےٚ بخش عزت یمن مےٚ پٮ۪ٹھ پژھ چھےٚ یتھٕ پٲٹھؠ ژےٚ مےٚ عزت بخشُتھ۔23امیُک مطلب گو بہٕ چُھس یمن سٟتؠ جورِتھ تہٕ ژٕ مےٚ سٟتؠ۔ مےٚ کوٚر یہِ تاکہِ یِم روزن مکمل طور اکھ أکِس سٟتؠ جورِتھ تاکہِ دنیہکؠ لوٗکھ زانن زِ بہٕ سوزتھس ژےٚ یور تہٕ ژٕ چھُکھ تمن لوٗکن محبت کران یِم مےٚ پٮ۪ٹھ پژھ قٲیِم تھٲوِتھ چھِ۔ یتھٕ پٲٹھؠ ژٕ مےٚ سٟتؠ محبت کران چھُکھ۔24"میانہِ ببہٕ، بہٕ چُھس یژھان تِم لوٗکھ یِم ژےٚ مےٚ دِتؠ تھکھ آسن مےٚ سٟتؠ جنتس منٛز تاکہِ تِم ہیٚکن وُچِھتھ زِ بہٕ کوتاہ جلال وول چُھس۔ ژےٚ بنوتھس بہٕ عظیم تکیازِ ژےٚ کوٚڑُتھ مےٚ سٟتؠ تمہِ وقتہٕ پٮ۪ٹھ محبت ییٚلہِ اسہِ کاینات تخلیق کوٚر۔ 25میون مول یُس ہمیشہٕ صحیح کران چُھ تِم لوٗکھ یِم ژےٚ مخٲلف چھی یتھ دنیہس منٛز چھِنہٕ زانان ژٕ کُس چھُکھ مگر بہٕ چُھس زانان ژٕ کُس چھُکھ۔ تِم لوٗکھ یِم مےٚ پٮ۪ٹھ پژھ کران چھِ تِم چھِ زانان زِ ژےٚ سوزتھس بہٕ یور۔26مےٚ رنٛزرٲبؠ یِم ژٕ کُس چھُکھ۔ بہٕ روزٕ یہِ کران تاکہِ یِم کرن باقین سٟتؠ محبت یتھٕ پٲٹھؠ ژٕ مےٚ سٟتؠ چھُکھ کران تاکہِ ژٕ روزکھ تِمن سٟتؠ جورِتھ۔
Bridge Connectivity Solutions Pvt. Ltd.