یوحنا18
1یسوعؔ دراو عبادت کٔرِتھ پنٕنؠ شٲگرد ہٮ۪تھ تہٕ توٚر قدرون دریاوس اپور۔ وادی ہنٛدِس اپٲرؠ مِس اندس ژاے تِم أکِس کُلؠ گہلِس منٛز یُس زیتون کُلٮ۪ن ہُنٛد اوس۔2یہُوداؔ اوس سُہ اکھ نفر یُس وۅنؠ یسوعؔ سنٛدٮ۪ن مخٲلفن أمِس بٲنٛدؠ بناونس منٛز اتھہٕ روٚٹ کرن وول اوس۔ سُہ اوس یسوعؔ سنٛزِ اتھ بیہنہٕ جایہِ زانان تکیازِ یسوعؔ اوس اکثر پنٕنؠ شٲگرد ہٮ۪تھ اور یوان گژھان۔3یہُوداہنؔ انؠ اور پانس سٟتؠ رومی سِپہن ہنٛز اکھ ٹوگٕج تہٕ کینٛہہ ہیکلٕکؠ رٲچھ در۔ یِم أمِس سٟتؠ مذہبی کاہنو تہٕ فریسیسو سوزؠ۔ تِم ٲسؠ لالٹیٖن، مشالہِ، ژٲنگؠ تہٕ ہتھیار ہٮ۪تھ۔4چونکہِ یسوعؔ اوس زانان زِ تمِس سٟتؠ کیاہ تہِ کیُتھ ہیٚو چُھ سپدن وول۔ سُہ آو یِمن برونٛٹھ کُن تہٕ پرژھُن یِمن سِپہن تہٕ ہیکلکٮ۪ن رٲچھ درن، "توٚہؠ کس چُھو ژھاران؟"5تِمو ووٚنُس اور، "یسوعؔ ناصرت یس۔ یسوعؔن ونُکھ، "بہےٕ چُھس سُہ شخص:" یہُوداؔ اوس یِمن سٟتؠ أتی وۅدٕنؠ۔ سُے اوس یسوعؔ سنٛدٮ۪ن مخٲلفن أمِس بٲنٛدؠ بناونس منٛز اتھہٕ روٚٹ کران۔6یُتھےٕ یسوعؔن تِمن ووٚن "بہٕ چُھس سُے شخص:" تِم کھٔتؠ پتھ تہٕ آے پانے زن پتھرِس پٮ۪ٹھ وۅکراونہٕ۔7یسوعؔن پرُوژھ بیٚیہِ "توٚہؠ کس چُھو ژھاران" تِمو ووٚنُس اورٕ، "یسوعؔ ناصریس"8یسوعؔن ونُکھ، "مےٚ ونُو بہٕ چُھس سُہ شخص۔ چونکہِ بےٕ چُھس سُہ شخص یمِس توٚہؠ ژھانٛدان چُھو۔ یِمن باقین نفرن دِیو نیرنہٕ۔9یہِ کتھ باتھ سپٕز اوٕ کِنؠ تاکہِ پننس مٲلِس دِنہٕ آمٕتؠ یسوعؔ سنٛدؠ یِم لفظ نیرن پٔزؠ۔ مےٚ راوُر نہٕ اکھ نفر تہِ یِم مےٚ ژےٚ دِتِتھ۔" 10شمعون پطرس ٲسؠ اکھ لوکٹؠ کرتل۔ تٔمؠ کڈ یہِ میانہِ منٛزٕ تہٕ واجِنؠ تھدِس کاہن سنٛدِس خٲدمس تہٕ روٚٹنس دٔچُھن کن۔ أمِس خٲدمہٕ سُنٛد ناو اوس ملخُسؔ۔11یسوعؔن ووٚن اوے پطرسس۔ پننؠ کرتل رٹُن میانس منٛز۔ مےٚ پزِ پنُن تکلیف پانہٕ تلُن یتھٕ پٲٹھؠ میٲنؠ ببن یوٚژھمُت چُھ۔12رومی سپہن ہنٛز امہِ ٹوگجہ تہٕ تہنٛدؠ سردارن تہٕ کینٛژو ہیکلہٕ کیو یہُودؠ رٲچھ درو نفرو یسوعؔ اوس روٚٹمُت تہٕ گٔنٛڈؠ ہس اتھہٕ۔13تہٕ پکنووُکھ گۅڈٕ اننیاس ناوکِس أکِس شخصس نِش یُس امہِ ؤرؠ یہِ کِس سردار کاہن کایفا سُنٛد ہیٚہُر باب اوس۔14أمؠ کایفاہن اوس یہُودؠ سردارن مشورٕ دیُتمُت زِ اکھ انسان مارُن روزِ بہتر امہِ کھۅتہٕ زِ باقےٕ بسیار لوٗکھ یِن مارنہٕ15شمعون پطرس رود یسوعؔس پتہٕ پتے۔ تہٕ یِتھے پٲٹھؠ رودؠ بیاکھ اکھ شٲگرد تہِ۔ حناس اوس یمِس بیٚیِس شٲگردس زانان۔ اوے آو کاہن سردار سنٛدِس انٛدرمس آنٛگنس منٛز تراونہٕ ییٚلہِ زن سپہو تہٕ رٲچھ درو یسوعؔ اور ژون۔16وۅنؠ گو پطرسس پیٚو برٕ نٮ۪برے روزُن۔ اوے تہِ پیو کاہن سٕنٛدِس زٲنؠ کار شٲگردس نٮ۪بر نیرتھ أکِس خٲدم کورِ یۅسہ بر رٔٹِتھ ٲس پطرس سٕنٛدِ باپتھ ونُن تہٕ اوٕ کِنؠ آو پطرس تہِ انٛدر تراونہٕ انٛدرمِس آنٛگنس منٛز17نوکرانہِ کورِ یۅسہ بر رٔٹِتھ ٲس ووٚن پطرسس، "ژٕ چھُکھ پٔزی أمِس شخصہٕ سُنٛد شٲگرد یُس بٲنٛدؠ آو بناونہٕ۔ "تٔمؠ کوٚر اتھ اِنکار یہِ ونان، "نَہ۔ بہٕ چُھس نہٕ:"18تٟر ٲس تہٕ اوے زول سردار کاہن سنٛدیو خٲدمو تہٕ ہیکل کیٚو رٲچھ درو نار تہٕ رودؠ اتھ نکھہٕ وۅدنؠ وُشنیر باپتھ۔ پطرس تہِ اوس أتی وۅدنؠ پانس وُشنیر کران۔19سردار کاہنن لٲج یسوعؔس پننٮ۪ن شٲگردن تہٕ تعلیمہ متعلق پرژھ گٲر کرٕنؠ۔20یسوعؔن ووٚنُس یور، "مےٚ چھےٚ کھُلہٕ پٲٹھؠ عوامس منٛز تِمن لوٗکن سٟتؠ کتھ کٔرمٕژ یِم میون بوزہن۔ مےٚ چھِ یہُودؠ مجلسہِ ہنٛزن جاین ہنٛزن جاین تہٕ ہیکلس منز لوٗکن تعلیم دِژمٕژ۔ مےٚ چھےٚ تعلیم دِژمٕژ تتھ پرٮ۪تھ جایہِ یتہِ یہُودؠ جمع سپدان۔ مےٚ چھنہٕ کانٛہہ کتھ تہِ ژوٗرِ ژھٮ۪پہِ ونمٕژ۔21توٚہہِ پزِ نہٕ مےٚ پرژھُن۔ پرژھِو تِمن لوٗکن یِمو میٲنؠ تعلیم بوز۔ تِم چھِ پزنہٕ پٲٹھؠ زانان، مےٚ ووٚن کیاہ تِمن."22ییٚلہِ یسوعؔن یہِ ووٚن۔ اکؠ ہیکلٕکؠ رٲچھ درن ترٲو أمِس تھاپٕر۔ تہٕ وونس" ژےٚ پزی نہٕ سردار کاہنس امہِ آیہِ واپس جواب دیُن۔ 23یسوعؔن ووٚنُس یورٕ، "یوٚدوے میون ووٚنمُت غلط اوس، ون تیٚلہِ کیاہ اوس غلط وۅنؠ گو یوٚدوے یہِ مےٚ ووٚن، تہِ اوس پوٚز۔ ژےٚ پزی نہٕ مےٚ تھاپٕر لایِنؠ۔24اوٕ پتہٕ سوز اننیاسنؔ یسوعؔ کاہن اعلاہس کایفاہس نِش۔ ییٚلہِ زن امسنٛدؠ اتھہٕ گنٛڈتھےٕ ٲسؠ۔25أتھؠ دوران ییٚلہِ شمعون پطرس أتی آنٛگنس منٛز وۅدنؠ وُشنیر کران اوس، کٔمؠ تام پرژھُس ژٕتہِ چھُکھ پزی بٲنٛدؠ بناونہٕ آمتِس شخصہٕ سُنٛد شٲگرد۔ پطرسن کوٚرُس یورٕ نکار تہٕ ووٚننس، "نَہ۔ بہٕ چُھس نہٕ:"26سردار کاہن سُنٛد اکھ خٲدم اوس تمِس خٲدمہٕ سُنٛد ٲشناو یمِس پطرسن کن اوس ژوٚٹمُت۔ تٔمؠ ووٚن پطرسس، "مےٚ ہے ژٕ یقیناً زیتون کُلٮ۪ن ہنٛدِس گٔہلِس منٛز أمِس بٲنٛدؠ بناونہٕ آمتِس شخصس سٟتؠ پانہٕ وُچھُکھ۔27پطرسن کوٚرُس دویمہِ لٹہِ تہِ اِنکار زِ سُہ کیاہ اوس یسوعؔس سٟتؠ۔ اکؠ کۅکرن دِژ امی وِزِ اچانک بانگ۔28یہُودؠ سردارو اوٚن کایفا سٕنٛدِ گرٕ پٮ۪ٹھٕ یسوعؔ واتنووُکھ قلعس منٛز رومی گورنر پلاطوسؔس نِش۔ یہِ اوس سُلہِ صبحُک وق۔ یہُودؠ سردار ژاے نَہ پلاطوسؔ سٕنٛدِس قلعس منٛز تکیازِ پلاطوسؔ اوس نہٕ یہُودؠ۔ تہٕ یِم یہُودؠ ٲسؠ زانان زِ یوٚدوے تِم قلعس منٛز اژن تِم سپدن رسمی طور ناپاک تہٕ پتہٕ ہیٚکن نہٕ عید فسح ہچ دعوت کھیٚتھ29اوے آو پیلاطسؔ تِمن نِش نٮ۪بر کتھ کرنہِ۔ تٔمؠ پرژھُکھ، "توٚہؠ کُس راہ چُھو یمِس نفرس کھالان؟"30یہُودؠ سردارو ووٚنُس، "یوٚدوے یہِ نفر راہ لد آسہ ہے نہٕ أسؠ کتہِ انہون تیٚلہِ توٚہہِ نِش"31پیلاطسنؔ ونُکھ، "توٚہؠ نی وُن یہِ پانس سٟتؠ تہٕ پننہِ قانونہٕ حسابہٕ لٲگؠ وُس عدالت۔ "یہُودؠ سردارو ووٚنُس، "أسؠ چھِ یژھان أمِس پھیہ دیُن مگر تُہنٛد رومی قانون چُھ اتھ ٹھاکھ کران۔32یہِ سپدِ اوٕ کِنؠ زِ یسوعؔ سنٛز پننس مرنس تہٕ مارنہٕ یِنس پٮ۪ٹھ کرنہٕ آمژٕ کتھٕ نیر، پٔز۔33امہِ پتہٕ ژاو پیلاطس واپس پننس قلعس منٛز۔ تٔمؠ دیُت سپہن حکم زِ یسوعؔ أنؠ وُن تس نِش۔ تہٕ پرژھُن تمِس، "ژٕ چُھکھا یہودٮ۪ن ہُنٛد بادشاہ۔"34یسوعؔن ووٚنُس، "ژےٚ پرُژھتھا مےٚ یہِ سوال اوٕ کِنؠ زِ ژےٚ سونچُتھ انٛدرؠ کِنؠ یی۔ کٮ۪نہٕ یہِ وۅنےٕ ژےٚ باقیو مےٚ متعلق۔"35پیلاطسنؔ ووٚنُس، "بہٕ چُھس نہٕ یہُودؠ۔ ژٕ اونُکھ مےٚ نِش پننٮ۪و وطنٕکیٚو لوٗکو تہٕ حکمران کاہنو۔ ژےٚ کُس اتُر چُھتھ کوٚرمُت۔"36یسوعؔن ووٚنُس یورٕ، "یتھ سلطنتس پٮ۪ٹھ بہٕ رازُت کران چُھس سُہ چُھنہٕ یہِ گناہ گار دُنیا۔ یوٚدوے تہِ آسہ ہے۔ میٲنؠ خٲدم وۅتھہن یورٕ جنگس تہٕ یمن یہُودؠ سردارن دِہن نہٕ مےٚ بٲنٛدؠ بناونہٕ۔ مگر یہِ زن وۅنؠ صورت چھےٚ یتھ سلطنتس پٮ۪ٹھ میون رازُت چھنہٕ یمہِ گناہ گار دنیہچ۔37اوٕ پتہٕ پرژھُس پیلاطسن، "گو ژٕ چھُکھ بادشاہ؟" یسوعؔن ووٚنُس، "ژٕ چھُکھ پانے یہِ ونان۔ اوے آس بہٕ یتھ دنیہس منٛز زنمس۔ بہٕ آس یور لوٗکن یہِ وننہِ زِ خدا سنٛز حقیقت کیاہ چھےٚ۔ سُہ ہر کانٛہہ یُس خدایہِ سنٛز حقیقت زاننہِ چُھ مانان تہٕ منظور کران یہِ بہٕ ونان چُھس۔38پیلاطسن ووٚنُس، "کانٛہہ تہِ چُھنہٕ زانان اصل حقیقت زِ پزر کیاہ چُھ!" ییٚلہِ پیلاطسن یہِ ووٚن سُہ دراو نٮ۪بر تہٕ کرٕن یہُودؠ سردارن سٟتؠ کتھ۔ تٔمؠ ووٚن تِمن، "مےٚ لٔب نہٕ کانٛہہ شہادت زِ أمؠ شخصن کیاہ چُھ کانٛہہ قانون پھُٹرومُت۔39وونؠ گو، توٚہہِ یہودٮ۪ن چُھو اکھ رسم: پرٮ۪تھ وریہ چُھو توٚہؠ مےٚ عیدِ فسع مناونس پٮ۪ٹھ پرژھان تہٕ بہٕ چُھس اکھ بٲنٛدؠ توٚہہِ ییٚلہ تراوان۔ وۅنؠ ؤنؠ تو توٚہؠ چُھوا یژھان زِ بہٕ تراون یہِ تُہنٛد بادشاہ ییٚلہ؟"40یہُودؠ سردارو تُج ہول ہانگے۔ نَہ۔ نَہ۔ یہِ شخص مٕہ ترٲوۅن ییٚلہ مگر براباؔ ترٲووُن۔ براباسؔ اوس اکھ بٲغی۔
Bridge Connectivity Solutions Pvt. Ltd.